يوم حزين على محبى ومشجعى كره القدم
من شهر بالظبط كان ناجح في شغله و شايل كاس الدوري الانجليزي و بيحتفل بيه !
و من 3 اسابيع كسب دوري الامم الاوروبيه مع البرتغال و شال كاس كمان و احتفل بيه !
و من 5 ايام كان حفل زفافه و اخر حاجة نزلها علي حسابه هو فيديو لحفل الزفاف و كتب عليه ” يوم لن ننساه ابدا ” !
النهاردة طالع يخرج مع اخوه و فجأه بتحصل حادثه و بيفارق الحياه في لحظه سريعه جدا !
دييجو جوتا فارق الحياه و هو 28 سنة بس ، كان عايش حياه سعيده جدا و فجأه مبقاش عايش ،
اكثر ايام كرة القدم حزناً
كل فتره لازم ناخد صدمه زي دي عشان ندرك ان الدنيا فانيه و مش هناخد منها اي حاجة حرفيا !
لاعب محبوب .. شاب وسيم .. لسه 28 سنة وبصحة جيدة .. غني معاه فلوس .. نجم في ليفربول .. نجم في منتخب بلاده .. لسه متجوز من كام يوم حب حياته
كل ده راح في الهوا مرة واحدة ..الموت للاسف مبيفرقش لا سن ولا غنى ولا جاه
وبيجي على غفلة خصوصاً لو حاسس ان حياتك مش ناقصة حاجة وكل حاجة مظبوطة بالمللي
الخبر لا يزال صادم بالنسبة لي وبالنسبة لينا كلنا لان ديوجو جوتا لاعب محبوب من جميع المتابعين ..
لكن هي دي الحياة وهي دي حكمة الله ومشيئته .. كل شئ ممكن ينتهي في ثانية وده اكبر عظة لينا
واحدة من اكثر ايام كرة القدم حزناً
نطاق الرياضة
✴︎
اترك تعليقاً