الموهبه و الاجتهاد دايما بيصنعوا بطل

بدايه مشرقه بالتفاؤل ل حمزه عبد الكريم !

نادي برشلونة لعب النهاردة مباراة وديه امام نادي يوروبا الاسباني و قدر يكسب برباعيه مقابل هدف و الجميل ان حمزه عبد الكريم بدأ اساسي لاول مرة مع الفريق الاول بقياده هانز فليك !

الجميل برضه ان ” كارلوس مونفورت ” صحفي جريده سبورت قال بين الشوطين ان حمزه عبد الكريم مهاجم صلب و فعال و واحد من 4 لاعبين اللي ابهروا الجميع في المباراة !

بالمناسبه حمزه قرر مياخدش اجازه بعد كاس العالم و سافر اسبانيا تاني يوم رجعت فيه بعثه منتخب مصر عشان يتمرن مع هانز فليك و يثبت نفسه و يبقي موجود في قائمه الفريق الاول في الموسم القادم !

الموهبه و الاجتهاد دايما بيصنعوا بطل ، مجرد البدايه يا حمزه

الفكرة مش في إنه سجل ولا مسجلش!

المشاركة مهمة جدًا، والحصول على دقائق لعب كتير مهم علشان يقنع الجهاز الفني أكتر، ومن حظه إنه معاه مدير فني بيعامل كل اللاعبين معاملة عظيمة، بمثابة أب وداعم لكل لاعب قبل ما يبقى مدير فني، ومن أهم أسباب تطور رافينيا كان هانز فليك.

طول ما هو بيشارك، بيحتك بالأجواء والفرق، وبيتأقلم مع زمايله ويفهمهم ويفهموه، ويستوعب الأدوار المطلوبة منه أكتر.

ممكن يسجل أهداف كتير من وضعيات بسيطة وسهلة أي حد مكانه يسجلها، لكن الفكرة إن المدرب بيختبره في سياقات معينة ووضعيات أصعب.

يعني ممكن يسجل هدف ويقنع بيه المدرب، وممكن كمان يقنعه
حتى لو مسجلش، لأنه حاول قبلها أكتر من مرة ونفذ المطلوب منه
في السياق اللي المدرب حطه فيه.

سجل أو مسجلش، وكل الكلام الكتير المنتشر مش موضوعنا.

أهم حاجة يحط رجله في الملعب ويشارك كتير، ودي أهم مرحلة بالنسبة له دلوقتي. حمزة لو وحش مكانش دخل برشلونة من الأساس، إنت بتتكلم عن نادي كله جواهر، خاصة في إنتقاء اللاعبين الناشئين، وفكرة إن لاعب يتصعد للفريق الأول مش سهلة خالص.

ربنا يوفقه ويكرمه، ويبقى مهاجم منتخب مصر

sportnews.it.com