حمزه عبد الكريم عاش النهاردة لحظه تاريخيه بكل المقاييس

حمزه عبد الكريم عاش النهاردة لحظه تاريخيه بكل المقاييس !

تخيل معايا كدة ان برشلونة لعب مباراة وديه مع برمنجهام الانجليزي و كان خسران بهدف و مش عارف يسدد اي تسديده ، تفتكر مين اللي انقذهم !

ايوة هو ابن مصر حمزه عبد الكريم ، كسب ركلة جزاء بذكاء كبير و سجلها نفسه باتقان رهيب و سجد بعدها ، مش بس كدة ده في الشوط التاني سجل هدف كمان من العدم بعد تحرك مثالي التقط به الكرة التانيه و سجل من لمسه فقط !

تخيل لاعب مصري عنده 18 سنة فقط يدوب بيلعب تاني مباراة مع الفريق الاول لبرشلونة و مع مدرب زي هانز فليك و سجل هدفين و كسب ركلة جزاء و كسب 4 التحامات هوائية و كان بيضغط في كل مكان و بيلعب ب ثقه مرعبه ، دي احلام العصر بجد !

مش هستغرب ابدا لو حمزه عبد الكريم انضم لقائمه الفريق الاول لبرشلونة في الموسم الجديد ، هتبقي لحظه فخر كبيره اوي للرياضة المصرية

مفيش شخص سعيد النهاردة بهدفين حمزه عبد الكريم مع برشلونة قد حسام حسن !

حسام حسن اتهاجم بشكل مش طبيعي بسبب انه استدعي حمزه عبد الكريم الي قائمه كاس العالم و هو لسة 18 سنة و ملعبش اي مباراة مع الفريق الاول لبرشلونة و كمان كان المهاجم الوحيد في القائمه ، قرار شجاع كان مستحيل اي مدرب تاني يعملوا !

و بسبب القرار ده حسام و حمزه استحملوا كميه تريقه مش عاديه ، مهيب عبد الهادي يقول ايه يعني حمزه راح برشلونة ده انا لو جبت فريق انبي تحت 18 سنة هيكسبوا برشلونة !

و الناحيه التانيه جمهور يطلع يتريق و يقول اصل حمزه راح فريق درجه تالته و انتوا بتحلموا ده مش هيشوف وش هانز فليك اصلا و اكيد برشلونة اتعاقدوا معاه بالغلط !

النهاردة حمزه بيرد علي كل المشككين ، بيسجل هدفين مع الفريق الاول لبرشلونة تحت انظار هانز فليك و كل الصحافه الاسبانيه بتتغني باداءه ، الناس هتدرك مع الوقت ان حسام حسن كان بيجهز حمزه عشان يبقي المهاجم الاول لمنتخب مصر

هانز فليك مدرب برشلونة اشاد ب حمزه عبد الكريم بعد مباراة برشلونة و برمنجهام و قال عليه الكلام ده

” من الواضح ان حمزه عبد الكريم يمتلك امكانيات كبيره ، الاهم بالنسبه لي هو ان يظهر الجميع جوده امكانياتهم علي ارض الملعب و ان يوظفوا كل ما لديهم بالفعل ، انه من دواعي سروري العمل مع هؤلاء اللاعبين “

انا عارف ان اللي هقولوا ده جنان بس لو فرضنا برشلونة معرفش يتعاقد مع الفاريز الصيف ده و معرفش يجيب مهاجم ، ف ايه المانع ان حمزه يبقي لي دور كبير مع الفريق الاول لان برشلونة معندهمش خصائص المهاجم الصريح اصلا !

حمزه بس محتاج يتطور اكتر في استقبال الكرات العموديه لان فليك بيعتمد في بناء اللعب علي جوده اللاعب فقط ، ف لو المنافس بيضغط عالي رجل ل رجل هيضطر الحارس في اوقات يلعب كورة مباشره علي المهاجم اللي هينزل و ضهره للمدافع و محتاج يقف علي الكرة و يحتوي الضغط و يربط مع زميله ، الحتة دي لو حمزه تطور فيها انا ابصملك ان فليك مش هيستغني عنه !

بيلعب التحضيرات كاساسي مع الفريق الاول ، سجل هدفين ، هانز فليك بنفسه اشاد بيه ، الزمن زمانك يا حمزه

.حمزة عبد الكريم يحاول فعل كل شيء من أجل لفت نظر هانز فليك وأخذ ثقته من ثاني مباراة

من ثاني مباراة سجل ثنائية وجماهير برشلونة تحتفل به في كل مكان رغم أنها مباراة ودية لا تقدم ولا تؤخر

ولكنهم شاهدوا فيه بطل قادر على حملهم الموسم القادم لأنه الوحيد القادر على لعب دور المهاجم الكلاسيكي خاصة في حال عدم التعاقد مع مهاجم مثل نوعية ألفاريز

حمزة ما شاء الله لديه تمركز مثالي وكأنه ليس في عمر الـ 18
ومازالت خبرته قليلة في أوروبا وضغوطها .. ردة فعل استباقية في معرفة اتجاه الكرة في أجزاء من الثانية

حتى وان لم يكن حمزة أساسي هو خيار ثاني لهانز فليك خاصة في مبارايات معقدة معقربة تحتاج مهاجم طويل وعرضيات ولدغة سريعة

حمزة يظهر بشخصية الكبار من البداية لدرجة أنه قطع إجازته بعد عودة المنتخب المصري من كأس العالم .. فقط من أجل التطور وكسب ثقة فليك ويعتمد عليه ويستفيد من هامش مرعب

حمزة عبد الكريم يستحق مراقبة تجربته مع برشلونة عن قرب ومتابعة جميع تفاصيلها الجميلة

مهاجم يبدو أنه سوف يصل لمكانة عالية فوراً خلال وقت قصير وقد يصبح بديل إجباري في خطة هانزي فليك

ولما لا قد يصبح الأساسي في حال تألقه .. وعدم تعاقد برشلونة مع خوليان ألفاريز

حمزة منذ قليل سجل هدفين مع فريق برشلونة الأول

لاعب مصري وعربي جديد نتمنى ان يكون فخر للعرب ويرفع اسمنا في العالي

الهدفين اللي سجلهم حمزة عبد الكريم مع برشلونة إسبانيا ضد برمنجهام إنجلترا رد مهم جدًا على استثمار فريقه فيه

برشلونة هايستثمر في حمزة كتير جدًا، هايستثمر وقت وثقة ومخاطرة، لإن واضح جدًا إنهم معتبرينه مشروع، ومشروع مهم كمان

فليك هايعصر حمزة في فترة الإعداد، شارك في أول مباراة ضد فريق مغمور، وشارك الليلة ضد برمنجهام وحصل على ركلة جزاء وسجل هدفين

يعني الماكينة بتطلع قماش.. والاستثمار بينجح

ولسه هايشارك تالت ورابع لحد بداية الموسم، لحد ما يطلع كل اللي عنده، ويُظهر القدرات القابلة للتطور عنده، فليك حابب إنه يكوّن فكرة كاملة تمامًا عنه

ما زلت مُصر إن حمزة ممكن مياخدش مباريات كتير مع الفريق الأول لبرشلونة، هايلعب بعض المباريات لكنه مش هايكون عنصر أساسي مع رجوع كل الدوليين

لكن لو استمرّ بمجهوده الحالي وأهدافه في الوديات، ربما كل ده يتغير ويكون أكبر وأعظم مفاجئة في مسيرة لاعب مصري احترف في السن ده

بالتوفيق ل حمزه عبدالكريم

sportnews.it.com