جواهر المغرب لا تنتهي

بمناسبة ان حمزه عبد الكريم شارك مع برشلونة امبارح لاول مرة ، ف احنا عندنا لاعب عربي تاني انضم الي برشلونة من 10 ايام في صمت تام و هو المغربي ” مهدي الميموني “

مهدي مغربي اصلي لان والده و والدته مغاربه و بالمناسبة هو عنده 17 سنة بس و كان بيلعب في نادي شارلوروا البلجيكي و قدر يكسب جائزه افضل لاعب شاب في بلجيكا في حفل جوائز lion d’or اللي اتعمل في 2024

عشان كدة برشلونة كانوا بيتابعوه بقالهم اكتر من سنة و شافوه مناسب لهويه النادي لانه لاعب ارتكاز اعسر بيقدر بيتحكم في ايقاع اللعب و بيمتلك مدي تمرير ممتاز و تعاقدوا معاه ببلاش و انضم لفريق تحت 18 سنة

و بالرغم ان انديه زي ايندهوفن و نيوكاسل و كمان الاتحاد السعودي كانوا مهتمين به الا ان برشلونة حسم الصفقه لصالحه بسرعه و بالرغم ان مهدي لعب مع ناشئين منتخب بلجيكا الا انه سهل يلعب لمنتخب المغرب و افتكر ان الجامعه المغربيه هتشتغل علي الملف ده في المستقبل القريب

شوفنا ايوب بوعدي في سن ال 18 و هو بيقدم مونديال مميز ، و قريبا هنشوف مهدي الميموني ، جواهر المغرب لا تنتهي

بدايه مشرقه بالتفاؤل ل حمزه عبد الكريم !

نادي برشلونة لعب النهاردة مباراة وديه امام نادي يوروبا الاسباني و قدر يكسب برباعيه مقابل هدف و الجميل ان حمزه عبد الكريم بدأ اساسي لاول مرة مع الفريق الاول بقياده هانز فليك !

الجميل برضه ان ” كارلوس مونفورت ” صحفي جريده سبورت قال بين الشوطين ان حمزه عبد الكريم مهاجم صلب و فعال و واحد من 4 لاعبين اللي ابهروا الجميع في المباراة !

بالمناسبه حمزه قرر مياخدش اجازه بعد كاس العالم و سافر اسبانيا تاني يوم رجعت فيه بعثه منتخب مصر عشان يتمرن مع هانز فليك و يثبت نفسه و يبقي موجود في قائمه الفريق الاول في الموسم القادم !

الموهبه و الاجتهاد دايما بيصنعوا بطل ، مجرد البدايه يا حمزه

الصورة اللي قدامك دي اقل ما يقال عنها انها تاريخيه !

الفيفا النهاردة نزلت التشكيل الافضل في كاس العالم و المفاجأه ان حارس المرمي اللي تم اختياره في التشكيل هو فوزينها حارس الرأس الاخضر بالرغم من خروج منتخبه من الدور 32 !

انا حقيقي مشوفتش لاعب في المونديال الجمهور ارتبط به قد الراجل ده ، يعني اختياره في التشكيل الافضل ده بناء علي تصويت الجمهور ، ده غير انه اكتر لاعب زاد عدد متابعينه علي مواقع التواصل من 30 الف الي 29 مليون !

تخيل حارس مرمي عنده 40 سنة و دخل كاس العالم بدون نادي و محدش كان يعرفه اصلا عمل مونديال تاريخي لدرجه انه عمل 18 تصدي في 4 مباريات و كان الحارس الوحيد اللي طلع بشباك نظيفه امام اسبانيا و اصبح اشهر لاعب في المونديال لدرجه انه حلل مباراة النهائي من استوديو تحليلي كبير في اميركا و قيمته التسويقية ارتفعت من 50 الي 500 الف يورو !

من حارس مرمي مهمش و علي وشك الاعتزال الي اول حارس مرمي افريقي يتواجد في التشكيل الافضل للمونديال ، فوزينها هو اجمل حكايه عيشناها في كاس العالم

sportnews.it.com