مبروك للنادي المصري وجماهيره و لشعب بورسعيد

إمبارح النادي المصري حقق كأس عاصمة مصر، البطولة اللي ممكن الأهلي والزمالك ميكونوش مهتمين بيها بشكل كبير، لكن ده ميمنعش إنها بطولة مهمة لفرق تانية عادي جدًا.

أجواء إحتفالات جمهور المصري ومحافظة بورسعيد كانت قمة الجمال، والحاجة اللي فرحتني أكتر إنك تشوف نادي جماهيري لسه صامد ومكمل رغم كل الظروف الصعبة اللي الأندية الجماهيرية مرت وبتعدي بيها.

كمان الجمهور كان فاكر كويس دكتور ميمي عبدالرازق رحمة الله عليه، إبن النادي وأحد أهم رموزه التاريخية، الراجل اللي عمره ما قصر مع المصري في أي وقت وكان دايمًا موجود وقت ما النادي يحتاجه.

رفع البانر بإسمه وسط الاحتفالات كانت لقطة جميلة جدًا وتعبر عن وفاء جمهور المصري لناس كتير تعبت وقدمت للنادي عبر السنين.

بطولة من 28 سنة، ومن حق جمهور المصري ومحافظة بورسعيد كلها تفرح وتحتفل براحتها وبكل الأشكال علي الميديا و في الشوارع في كل مكان.

مبروك للنادي المصري وجماهيره، ومبروك لشعب بورسعيد، وكل التوفيق للأندية الجماهيرية في كل الأقسام، وإن شاء الله نشوفها راجعة بقوة الفترة الجاية.

شكل الجمهور إمبارح كان يفرح والله.

بورسعيد كلها النهاردة ممتنه جدا ل عماد النحاس !

النادي المصري اكتسح النهارده نادي انبي بثلاثيه نظيفه في نهائي كاس عاصمه مصر و توج رسميا بالبطولة لاول مرة في تاريخه !

تخيل معايا بقي ان المصري كان بيعاني في اخر فتره مع مدربه نبيل الكوكي نبيل الكوكي لدرجه انهم خرجوا من الكونفيدرالية و بعدها خسروا من الزمالك بنتيجة 4 / 1 ، ف قرروا بعدها يعينوا عماد النحاس عشان ينقذ الموسم !

اللي حصل بقي ان عماد النحاس تعادل مع بيراميدز و انبي ، كسب سموحه و سيراميكا ، فاز علي زد و انبي في نصف نهائي و نهائي كاس عاصمه مصر عشان يدخل للمصري 10 مليون جنيه و يجيبلهم اول بطولة من 28 سنة !

مسك الاهلي في وقت صعب و جابلهم الدوري ، مسك المصري في وقت صعب و جابلهم كاس عاصمه مصر ، نجاح مبهر لافضل مدرب طوارئ في مصر

sportnews.it.com