بطوله العالم للانديه برعايه البرازيل حتى الان

حقيقى البطوله لحد اللحظه دى برعايه امريكا اللاتينيه وخصوصا البرازيل

مباريات بتقف بسبب الظروف الجويه !
توقيت المباريات غير مناسب لاغلب البلاد !
عدد الجماهير في بعض المباريات قليل جدا !

كاس العالم للاندية السنة دي مليان مشاكل ، لكن حرفيا اللي قدر ينقذ البطولة

حتي الان و يخلي فيها متعه هم الفرق البرازيلية !

الفرق البرازيلية استغلت ان الموسم بتاعهم بدأ في نص شهر يناير فى قادرين يبقوا في الفورمه في البطولة دي

عكس فرق اوروبا اللي مرت بموسم اطول و متعب و ده وقت راحتهم المفروض ! وايضا كما نرى انه

المبهر فعلا ان الفرق البرازيلية لعبوا 7 مباريات في البطولة

كسبوا 5 و اتعادلوا 2 و مخسروش ابدا و استقبلوا هدفين فقط !

بوتافوجو كسب سياتل 2 / 1 و كسب باريس 1 / 0 و متصدر مجموعته !
فلامنجو كسب تشيلسي 3 / 1 و كسب الترجي 2 / 0 و متصدر مجموعته !
بالميراس كسب الاهلي 2 / 0 و اتعادل مع بورتو 0 / 0 و متصدر مجموعته !
فلومينيسي اتعادل مع دورتموند 0 / 0- وايضا كما نرى انه

اجمل حاجة في الفرق اللاتينيه عموما انهم مش بيعتمدوا ظروف ، ظروف جويه مختلفه ، توقيتات مباريات مختلفه

منافس اعلي كامكانيات ، كل ده ميفرقش معانا ، هنجيب جمهورنا و هنيجي نلعب كورة

و نستمتع و نمتع المشاهد و مش مهم النتيجة ، المهم نكون استمتعنا باللحظه اللي شغفنا كله اتجه ليها.

كاس عالم حتي الان برعايه البرازيل ، مهد كرة القدم

فريق فليبي لويس جميل اوي يا جماعة

ضغط منظم وهيكل وانتشار منظمين والفريق بيلاقي بعضه كويس وفوق كل ده جودة افراد مميزة جداً

فريق لاتيني كبدنيات وقدرات فردية اه بس له صبغة اوروبية تيكتيكية جميلة عاملين ميكس هايل سوا- وايضا كما نرى انه

مباراتهم انهاردة كانت اقوى وافضل بكتير كمان عن مباراتهم امام الترجي .. تزايد مستواهم معناه حاجة واحدة

اننا هنشوفهم اشرس في الاقصائيات

حد فاكر فيليبي لويس الظهير الايسر بتاع اتليتكو مدريد و تشيلسي ؟

اهو فيليبي لويس قرر يعتزل كرة القدم في 2023 و فجأة اصبح مدرب فلامنجو في 2024 ، طب ده حصل ازاي ، تعالي احكيلك حكايته المبهره !

فيليبي لويس ايام ما كان لاعب كان حلمه انه يكون مدرب في المستقبل فقرر وقتها-وايضا كما نرى انه

انه يجيب ورقه و قلم في كل تمرين و يسجل كل تفصيله في التمرين مع المدربين اللي كان بيتمرن معاهم

امثال مورينيو و خورخي خيسوس و سيميوني !

المبهر بقي ان فيليبي لويس في نهايه مسيرته كلاعب راح لعب في فلامنجو 4 سنين

و في خلال ال 4 سنين درس رخص التدريب كلها و اصبح مدرب رسمي و هو لاعب !

المبهر اكتر بقي ان فيليبي لويس اصبح مدرب فلامنجو في شهر 9 اللي فات

لعب معاهم 46 مباراة ، كسب 32 و مخسرش غير 3 مباريات ، قدر يكسب معاهم بطولتين و متصدر الدوري البرازيلي حاليا !

تاخد المفاجأة ؟

فيليبي لويس كسب تشيلسي النهاردة 3 / 1 في كاس العالم للانديه باداء عالمي حرفيا

و قبلها كسب الترجي 2 / 0 و تصدر المجموعة برصيد 6 نقاط !

فيليبي لويس قرر يمشي في الطريق الصعب ، طريق التعلم و التأسيس و الشغل المكثف

علي الذات ، معتمدش علي كونه لاعب كرة قدم سابق ف ينفع يبقي مدرب زي الاغلبيه اللي بنشوفها في مصر !

عشان كدة فيليبي لويس في اقل من سنة و بعد الاعتزال مباشره

و في عمر ال 39 صنع افضل و انضف فريق بيلعب كرة قدم في البرازيل حاليا و ابهر الجميع حرفيا

نطاق الرياضة