الدوري المغربي السنادي بيقدم منتج كروي ملوش مثيل في قوته و متعته حقيقي

الهدف اللي سجله النهاردة ” انس سرغات ” لاعب الفتح الرباطي في شباك الرجاء المغربي ده هدف عالمي بمعني الكلمة !

انس سرغات سجل هدف نادرا ما هتشوفوا في اي دوري عربي تاني ، دخل عمل وان تو و الكرة مكانتش معدولة علي قدمه القويه ، راح بكل ثقة و شجاعة سدد ب وجه قدمه عشان الكرة تلف في التسعين بشكل خيالي !

الهدف الخيالي ده بقي مش غريب علي الدوري المغربي خالص لان من اسبوعين بالظبط لاعب المغرب الفاسي ” ادريس الجبالي ” سجل هدف صورة طبق الاصل لكن بطريقه الرابونا ، هدفين يترشحوا ل جائزه بوشكاش مستريح !

الدوري المغربي السنة دي بيقدم واحده من افخم نسخ الدوريات العربية بدون مبالغات ، تنافس مرعب و اجواء جماهيرية مثاليه و اهداف في قمة الحرفنة و الجمال ، كفاية بس ان الفارق بين المركز الاول و الخامس هو 4 نقاط فقط ، يعني 5 اندية بينافسوا علي لقب الدوري !

الدوري المغربي السنة دي بيقدم منتج كروي ملوش مثيل في قوته و متعته حقيقي

sportnews.it.com