مشهد عظيم بيوصف معني الاخوه و المحبه ، الثنائي فخر كبير لكرة القدم المصرية و المغربية

المشهد اللي قدامك ده حقيقي في قمه الجمال !

الصورة اللي فوق دي كانت في امم افريقيا 2022 و تحديدا بعد مباراة مصر و المغرب في ربع النهائي ، محمد صلاح وقتها كان بيواسي اشرف حكيمي بالشكل اللي قدامك ده ، مش منظر اتنين منافسين ، ده منظر اتنين اخوات !

الصورة اللي تحت دي بقي كانت امبارح بعد مباراة باريس سان جيرمان و ليفربول و دي كانت اخر مباراة لصلاح مع ليفربول في دوري ابطال اوروبا ، اشرف حكيمي وقف اتكلم مع محمد صلاح و كان اول واحد بيواسيه بعد الهزيمه و بنفس الطريقه !

احنا بنتكلم عن اتنين اساطير قدروا يكونوا مؤثرين مع فرقهم بشكل مرعب ، صلاح هو هداف ليفربول التاريخي في دوري ابطال اوروبا و عاشر هداف في تاريخ البطولة ، و حكيمي هو اكتر مدافع في تاريخ البطولة ساهم باهداف في موسم واحد !

مشهد عظيم بيوصف معني الاخوه و المحبه ، الثنائي فخر كبير لكرة القدم المصرية و المغربية

عالميه نيمار امبارح في مباراة سانتوس و ريكوليتا قرر يدعم لامين يامال بحركه جميله جدا !

في الدقيقه 28 من مباراة برشلونة و اتليتكو مدريد تمت اصابه فيرمين لوبيز و اتعالج في الملعب لمده دقيقتين و وقتها برشلونة كسب ركلة ركنيه ف يامال استغل الوقت ده و ريح جسمه علي الكرة زي ما انت شايف كدة !

اللي حصل بقي ان نيمار سجل هدف مع سانتوس و قرر يعمل نفس الحركه اللي عملها يامال ، و ده شئ مش جديد علي نيمار لانه من شهر بالظبط سجل هدف و راح احتفل برقصه السامبا عند رايه الركنيه عشان يدعم فينيسيوس اللي احتفل نفس الاحتفال ده امام بنفيكا و الجمهور فضل يهاجموا !

و في حاله لو متعرفش ف يامال قبل مباراة برشلونة و اتليتكو طلع قال ان نيمار هو مثله الاعلي في كرة القدم و هو اللي شكل طفولته لان نيمار هو اللي يستحق تمن التذكره لمشاهدته في الملعب !

عملها مرة مع ابن بلده ، و عملها مرة مع المراهق اللي شايفوا مثل اعلي ، البرازيل لو دخلت كاس العالم من غير نيمار هيخسروا قائد حقيقي و تفصيله القائد دي هي اللي بتجيب كاس عالم !

انا شوفت اراء كتير بتقول ان بيدري لاعب بالونه و مبيظهرش في المباريات الكبيره لمجرد انه فقد الكرة كتير امبارح امام اتليتكو مدريد و اتسبب في طرد ايريك جارسيا !

طيب مبدأيا كدة انا متفق ان بيدري مكانش في فورمته المعتاده امبارح لدرجه انه خارج الحيازه مكنش قادر يجري و كان بيتمشي بس و السبب انه اتصاب 3 مرات منهم اخر مرة كانت شهر و لما رجع فليك فضل يستهلك فيه لانه معندوش رفاهيه من الاساس انه يريحه !

بالنسبة بقي لفكرة الميس باص اللي اصبحت لبانه من امبارح ، ف عايز اقولك ان بيدري هو اكتر لاعب في المباراة عمل تمريرات صحيحه ب 104 تمريره من اصل 111 تمريره ، يعني عمل 7 تمريرات غلط و لو شوفت الشوط الاول هتلاقيه غلط مرتين بس في التمرير ، قصادها عشرات من التمريرات الصحيحه و المؤثره عادي جدا !

يعني مثلا لو جيت بصيت علي اللقطه اللي قدامك دي هتلاقي بيدري وهم لوكمان انه هيمرر ل كوندي ف سحبه هناك و فتح زاويه تمرير و كسر ضغط 3 لعيبه عشان يامال يصنع انفراد ل اولمو و ضاع ، كان عادي هيتسبب في هدف لبرشلونة ، ده غير انه صنع فرصتين و عمل 14 تمريره للتلت الاخير كاكتر لاعب في المباراة ، كل ده و هو بيلعب علي الواقف لانه بدنيا منتهي ، بس معلش احنا هنبروز الغلط بس عشان نثبت انه بالونه !

اما بقي بالنسبة للمباريات الكبيره ف تقدر تتفرج من مواقع كتير و تشوف بنفسك اداء بيدري امام فرق زي باريس و ريال مدريد و اتليتكو مدريد و انتر كان عامل ازاي بدل ما تاخد الجمله اللي اترمت امبارح دي كوبي بيست و انت ناسي شكل الاداء كان عامل ازاي اصلا !

sportnews.it.com