كريستيانو رونالدو هو اعلي سقف حصل في تاريخ النادي

بمناسبة خروج ريال مدريد من دوري ابطال اوروبا ، فالايجابيه الوحيده من الموضوع ده ان رقم كريستيانو رونالدو القياسي كاكتر لاعب سجل في نسخه واحده لسة صامد و متكسرش لحد دلوقتي !

اللي عملوا كريستيانو رونالدو في نسخه 2014 ده المعني الحرفي للتكامل الكروي ، شئ مبيحصلش غير مرة في المليون ، لاعب سجل 17 هدف في 11 مباراة فقط ، لاعب سجل في كل الادوار الاقصائيه

ثمن النهائي و ربع النهائي و نصف النهائي و النهائي ، لاعب سجل امام كل الفرق الكبيره وقتها ، هدفين في بايرن ميونيخ ، هدف في اتليتكو مدريد ، 3 اهداف في يوفينتوس !

في المقابل لاعب زي مبابي سجل 15 هدف في 11 مباراة برضه ، و ال 15 هدف دول اتسجلوا في فرق زي بنفيكا و موناكو و اوليمبياكوس و مارسيليا و كايرات الماتي ، مسجلش في فرق كبيره غير بايرن ميونيخ

و مكنش حاسم اصلا لانه ضيع 3 فرص محققين للتسجيل ، و امام ليفربول و يوفينتوس مكنش لي اي حضور تماما !

اللي عايز اقولوا انه مكنش ينفع اصلا مبابي يتحط في سطر واحد مع كريستيانو رونالدو لان الفرق بينهم شاسع ، و الرقم القياسي ده ميليقش غير باسطوره زي رونالدو

لانه اولا لاعب افضل من مبابي في كل شئ ،

ثانيا رونالدو اثبت علي مدار سنين انه الحاسم الاول في تاريخ ريال مدريد !

اخر حاجة هقولها ، رونالدو مينفعش يتحط في مقارنه مع اي لاعب بيلعب دلوقتي في ريال مدريد

، لان ببساطه كريستيانو رونالدو هو اعلي سقف حصل في تاريخ النادي ده

sportnews.it.com