هانز فليك مش بس صنع من برشلونة فريق كرة قدم عظيم ، ده كمان صنع عائلة مثالية

المشهد اللي قدامك ده فعلا عظيم و مفيش كلمه تقدر توصف جماله !

اللي حصل بالظبط ان والد هانز فليك فارق الحياه النهاردة الصبح قبل مباراة الكلاسيكو لكن هانز فليك اصر انه يحضر المباراة و الناس وقتها استغربت قراره !

الصورة اللي قدامك دي بقي كانت بعد الهدف التاني اللي سجله برشلونة النهاردة امام ريال مدريد ، لاعبي برشلونة بالكامل مع الجهاز الفني كلهم اتحركوا ناحيه هانز فليك و عملوا دائره حواليه عشان يحضنوه و يهونوا عليه الم الفراق !

الجميل بقي ان فليك بعد المباراة قال انه قرر يبلغ اللاعبين بخبر وفاه والده لانه بيعتبرهم عائلته ، عشان بعدها يقول ” ما قاموا به امر لا يصدق ، لن انسي هذه اللحظه ابدا ، انهم عائلتي “

هانز فليك مش بس صنع من برشلونة فريق كرة قدم عظيم ، ده كمان صنع عائلة مثالية اثبتت النهاردة انها السند وقت الشده

مشهد عظيم بكل ما تحمله الكلمه من معني

الراجل ده للاسف هيتنسي وسط الاحتفالات مع انه اكبر سبب في فوز برشلونة بالدوري رقم 29 !

خوان جارسيا بدون مبالغات قدم موسم عظيم ، الراجل ده كان لي بدل اللحظه عشرة و عشرين لحظه بينقذ فيهم برشلونة من الخساره و ياما حول نتيجه مباريات لصالح برشلونة !

المبهر بقي ان خوان جارسيا هيمن تماما علي كل حراس الدوري الاسباني ، الراجل ده استقبل 93 تسديده و قدر يتصدي ل 73 منهم ك اعلي نسبة تصديات في الدوري ، كمان هو اكتر حارس طلع ب شباك نظيفه في الدوري في 15 مباراة من اصل 29 !

الرقم المرعب بقي هو اللي قدامك ده ، خوان جارسيا هو اكتر حارس في الدوري منع اهداف محققه برصيد 10 اهداف ، لولاه برشلونة مكنش هيبقي اقوي دفاع في الدوري و كان هيبقي السادس !

من اول موسم مع برشلونة فاز بالدوري و فاز بجائزه زامورا كافضل حارس مرمي لاول مرة في مسيرته

افخم 25 مليون حلال دفعهم برشلونة حرفيا

مفتكرش في انسان النهاردة هيكون اسعد من ماركوس راشفورد !

الراجل ده من سنة بالظبط كان معار ل استون فيلا و حالته الذهنيه و البدنيه كانت تحت الصفر حرفيا و كان هيرجع مانشيستر يونايتد يقعد علي الدكه ل كونيا و مبيومو الصفقات الجديده !

لكن فجأه كل الظروف تتغير ، نيكولاس ويليامز رفض يروح برشلونة و الصفقه فشلت ، ليفربول طلب 75 مليون في لويس دياز و ده رقم فوق طاقه برشلونة ، في النهاية برشلونة تعاقد مع الخيار التالت للجناح الايسر و هو راشفورد !

عشان راشفورد النهاردة يكسب اول دوري في مسيرته الكرويه بعد فشل 11 موسم علي التوالي ، و كمان يسجل هدف عالمي من فاول امام ريال مدريد و يبقي اول لاعب يسجل من ركلة حرة في الكلاسيكو بعد ميسي في 2012 !

من لاعب كان منتهي تماما الي لاعب بيكسب الدوري الاسباني و السوبر الاسباني و بيساهم ب 25 هدف في الموسم ، راشفورد عاد للحياه من جديد

اللي عملوا هانز فليك مع برشلونة ده التاريخ مش هينساه ابدا !

الراجل ده حقق 5 بطولات لبرشلونة في موسمين !
الراجل ده حقق 91 نقطه في الدوري و عنده فرصه يكرر انجاز 2012 و يحقق دوري ال 100 نقطه !
الراجل ده فاز في 18 مباراة علي ملعبه من اصل 18 ، مفقدش اي نقطه علي ملعبه في الدوري !

و تخيل انه عمل كل العظمه دي في غياب رافينيا و ليفاندوفسكي اغلب الموسم و في غياب يامال 12 مباراة ، و تخيل انه اتصرف عليه 88 مليون يورو فقط كخامس اكتر فريق في الليجا صرف فلوس في اخر سنتين في وسط ما اتليتكو صرفوا 370 مليون يورو ، و ريال مدريد صرفوا 220 مليون يورو !

هانز فليك خلي مشجعين برشلونة فخورين بالفريق ده ، مش بس عشان كسبوا 5 بطولات في موسمين ، لا عشان شايفين قدامهم عائله واحده مش مجرد فريق ، كلهم بيلعبوا لاجل كيان واحد اسمه برشلونة !

هيفضل اعظم قرار عملوا لابورتا هو التعاقد مع مدرب عظيم زي هانز فليك اللي استحق فعلا ان يرفع علي الاعناق

فكرة ان برشلونة حول مباراة الكلاسيكو الي حصة تدريبيه و كمان في مباراة حسم الدوري ده شئ هيخلد في كتب التاريخ !

اللي عملوا برشلونة في ريال مدريد ده اسمه اكتساح ، هو ده الفرق بين فريق عنده لعيبه رجاله و بيعرفوا يلعبوا كورة و مخلصين لمدربهم ، و فريق تاني مبيحترمش اي شئ له علاقة بكرة القدم !

الموضوع وصل ان برشلونة لعب النهاردة ب راشفورد جناح يمين و فيرمين لوبيز جناح شمال و برضه اكلوا عيش علي ريال مدريد و راشفورد لوحده كان ممكن يطلع بهاتريك عادي !

النهاردة يوم تاريخي لبرشلونة مش عشان فازوا بالدوري و في مباراة الكلاسيكو كمان ، ده كمان برشلونة تعادل مع ريال مدريد في عدد مرات الفوز بالكلاسيكو برصيد 106 فوز !

الدوري الاسباني رقم 29 بفارق 14 نقطه

نادى الزمالك حسم الدوري في مباراة الكلاسيكو لاول مرة في التاريخ ، يوم تاريخي مش هتنساه ابدا جماهير برشلونة

انا مش عارف اجيبهالك ازاي بس فلورنتينو بيريز ضيع هوية ريال مدريد المحلية حرفيا !

انا عايزك تتخيل معايا ان بداية الولايه التانيه ل بيريز مع ريال مدريد كانت في موسم 2009 / 2010 ، عارف ريال مدريد حقق كام دوري اسباني من ساعتها ؟

ريال مدريد حقق 5 دوري فقط من اصل 17 دوري ، في المقابل برشلونة حقق 10 دوري يعني الضعف ، و لو بصيت علي كاس الملك هتلاقي ريال مدريد حقق 3 كاس من اصل 17 ، في المقابل برشلونة حقق 7 كاس !

الكارثه بقي ان عدد بطولات ريال مدريد المحليه في ال 17 سنة دول هو 13 بطولة فقط ، في المقابل برشلونة حقق 25 بطولة محليه يعني داخل في الضعف و برشلونة اصلا بقاله سنين بيعاني ماديا و مش عارف يصرف !

الموضوع وصل ان فينيسيوس بيشاور لجمهور برشلونة علي ال 15 دوري ابطال اوروبا و الفريق نفسه خسران و خارج ب اتنين موسم صفري علي التوالي ، هي دي ضريبه ان رئيس ناديك يكون عديم المعرفه الرياضيه !

sportnews.it.com