جيمى فاردي نهايه القصه لاحد اعرق مهاجمى البريميرليج

مع كل اسف ، نهاية واحدة من اجمل و اعظم القصص في تاريخ كرة القدم ! 😞👇

جيمي فاردي اعلن النهاردة رحيله رسميا عن ليستر سيتي بعد 13 سنة متتاليه !

تخيل ان فاردي ده كان بيشتغل في مصنع فحم و بيلعب مع فريق هواه و بيقبض 30 استرليني في الاسبوع !

فضل يسعي و يجتهد لحد ما قدر في 2012 ينضم الي ليستر سيتي ب مليون جنيه استرليني فقط و قدر يكون قائد تاريخ ليستر سيتي الحديث ! 🤯👇

كسب البريميرليج

وايضا كسب كاس الاتحاد الانجليزي كسب الدرع الخيريه ” السوبر “
كسب التشامبيونتشيب مرتين
ساهم ب 190 هدف
هداف البريميرليج 2020
اكتر لاعب ساهم باهداف في البريميرليج 2016
اللاعب الوحيد في التاريخ الذي سجل في 11 مباراة متتاليه في البريميرليج !
و اللاعب الوحيد في التاريخ الذي سجل اكتر من 100 هدف بعد سن ال 30 في البريميرليج !

بدون ادني شك و بدون ادني مبالغات ، جيمي فاردي هو واحد من افضل و اعرق المهاجمين في تاريخ البريميرليج 💙

في شبكه اسمها ” ريل توك مانشيستر سيتي “

نزلت خبر غريب جدا النهاردة يخص خوسانوف مدافع مانشيستر سيتي و قالوا ان الخبر ده حصري عندهم و بس ! 👇

الخبر بيقول ان بعد حصه تدريبيه للفريق في نهاية شهر مارس

بيب جوارديولا اشاد باداء خوسانوف في التمرين و في المباريات و قال له ” انت بطل You’re a champ “

خوسانوف بسبب انه لسة عنده مشاكل في اللغه الانجليزيه ف بكل تلقائيه رد علي جوارديولا

و قال له ” You’re a shampoooo ” و يقصد بيها ” انت كمان بطل You’re a champ too “

المشكلة بقي ان جوارديولا مفهمش قصد خوسانوف و افتكر انه بيقول نكته عليه علي اساس انه اصلع !

الغريب فعلا ان اخر مباراة لعبها خوسانوف مع مانشيستر سيتي

كانت يوم 30 مارس امام بورنموث في الكاس و بعدها ملعبش اي دقيقه !

خوسانوف قعد علي الدكة لمدة 4 مباريات علي التوالي

بما فيهم مباراة ايفرتون النهاردة و دي حاجة غريبه لان خوسانوف من ساعه ما وصل لعب 9 مباريات من اصل 11

الخبر ده مش معروف هو صح ولا لا بس لو طلع صح فالواحد حقيقي مشفق علي خوسانوف

شخص من كتر برا ءته انت مش قادر تقبل انك تشوفوا في موقف محرج زي ده ملوش ذ نب فيه ابدا !

ده مصدر الخبر

باقي على تتويج الريدز خطوات بسيطة🤝

عزيزى القارى باقي 6 جولات بـ18 نقطة والفارق اصلا بقا 13 نقطة !

يعني بحسبة بسيطة .. ليفربول باقي له 5 نقاط فقط على إعلانه رسمياً بطلاً لدوري تاريخي

دوري هيعادل فيه الرقم القياسي المسجل بإسم مانشستر يونايتد (20 لقب)

المبارياتين القادمتين هيكونوا امام ليستر سيتي اللي ضمن هبوطه بنسبة كبيرة

وأمام توتنهام اللي مقدم موسم كارثي بس ميمنعش

انه ممكن يعكنن على ليفربول

بس مباراة توتنهام هتكون بنسبة كبيرة مباراة التتويج وهتتلعب في انفيلد🔥

باقي على تتويج الريدز خطوات بسيطة🤝

محمد صلاح هو واجهه البريميرليج الاولي

طبعا الاسيست العالمي ده لو كان يامال او فينيسيوس هما اللي عملوه كنا هنسمع تهليل ليهم للصبح !

لكن لما يكون محمد صلاح اللي بيطلع المدافع برة اللعبه تماما

بسبب تحركه الذكي و بعدها يعمل تمريرة قطريه عظيمه ب وش رجله و يحط دياز انفراد صريح و يسجل منه

فى لا مياخدش حقه ، اصله لا بيلعب في برشلونة ولا في ريال مدريد !

صلاح حرفيا واحد من افضل صناع اللعب في العالم في اخر سنتين

صلاح مبدع في العرضيات المقوسه و التمريرات البينيه و القطريه بوجه القدم

وكمان صلاح وصل الي 18 اسيست في البريميرليج الموسم ده

فاضله 2 اسيست بس عشان يبقي اكتر لاعب صنع اهداف في تاريخ البريميرليج في موسم واحد رفقه هنري و دي بروين !

صلاح وصل الي 45 مساهمه تهديفية في البريميرليج الموسم ده

تخطي هنري و هالاند و اصبح اكتر لاعب ساهم باهداف في تاريخ البريميرليج في موسم واحد !

محمد صلاح هو واجهه البريميرليج الاولي❤️

إيقاف ناصر ماهر لاعب وسط الفريق الأول

بيان للمركز الاعلامي لنادي الزمالك :

قرر عبد الواحد السيد مدير الكرة بنادي الزمالك
إيقاف ناصر ماهر لاعب وسط الفريق الأول
وإحالته للتحقيق أمام الشؤون القانونية بالنادي
مع تقديم توصية لمجلس الإدارة بخصم 25%
من مستحقات اللاعب بسبب ما بدر منه قبل لقاء
حرس الحدود اليوم في مسابقة الدوري الممتاز

وكان ناصر ماهر رفض الجلوس بديلاً في مباراة اليوم واعترض على عدم مشاركته في التشكيل الأساسي

وقام الجهاز الفني بقيادة البرتغالي جوزيه بيسيرو باستبعاد اللاعب من قائمة مباراة حرس الحدود

جوارديولا شخص واعى بالمشهد حقيقى

في مباراة مانشيستر سيتي و مانشيستر يونايتد حصلت مصايب حرفيا

جمهور اليونايتد غلط في والده فودين و في نفس الوقت واحد منهم مد ايده علي جريليتش !

بيب جوارديولا اتسأل النهاردة في المؤتمر الصحفي عن حالة فودين

و جريليتش النفسيه بعد احداث مباراة مانشيستر يونايتد ؟

جوارديولا رد عليهم و قالهم هما الاتنين ليس علي ما يرام

احنا في عالم مجن ون من الاخر !

جوارديولا كمل كلامه و قال ان ده مش بيحصل في الرياضة و بس

ده بيحصل في كل مكان ، لو ركزت علي اللي بيحصل في العالم هتعرف ان احنا ماشيين في طريق غلط !

الواحد مبيحبش جوارديولا من فراغ فعلا

شخص دايما واعي بالمشهد و قادر يعلن عنه قصاد الكل ، بيستغل اي مؤتمر صحفي عشان يتكلم في حقائق و يوجه رسائل هادفه

وجود شخصيه مشهورة و مسموعة زي بيب جوارديولا

مش بس مؤثره في زياده وعي المشاهد ل لعبه زي الكورة ، لكن كمان مؤثره في زياده وعي المشاهد للحياه عموما ❤️

ده اجمل خبر ممكن يسمعوا مشجعين برشلونة ! 👇

هانز فليك وافق مبدأيا علي التجديد لمدة سنة اخري مع برشلونة حتي 2027 !

نادي برشلونة كان عايز يعمل عقد طويل الامد ل هانز فليك

لكن فليك رفض لانه عايز يمشيها سنة ورا سنة

هانز فليك قال النهاردة انه مش من نوعيه المدربين اللي تمضي علي عقد 3 سنين و اكتر عشان يحس بالامان

عشان هو هدفه يشتغل عشان برشلونة اللي بيشوفوا افضل نادي في العالم

لانه حاسس بالتقدير و مستمتع بكل حاجة فيه كإنه قاعد وسط عيلته

نادي عريق بحجم برشلونة كان يستاهل مدرب بالعقليه دي

و بالانتماء القوي ده لشغله و مكان شغله 👏❤️

محمد صلاح مستمر فى ليفربول لمده موسمين

اي لاعب هيكون داخل اخر موسم مع فريقه و فريقه ده مش موافق علي تجديد عقده

فى طبيعي انه يفقد الشغف و يكبر دماغه و يقول خلاص كفاية نجاح لحد كدة

و اروح السعودية بقي و اقبض 10 اضعاف مرتبي و اعيش حياتي

محمد صلاح بقي عمل عكس الكلام ده ، دخل الموسم بأقوي فورمه

و مستوي ممكن يوصلهم في مسيرته لدرجة انه عمل العظمه دي كلها في موسم واحد ! 👇

هداف البريميرليج ب 27 هدف

اكتر لاعب صنع اهداف في البريميرليج ب 17 اسيست
اكتر لاعب ساهم باهداف في البريميرليج ب 44 هدف
ساهم ب 61% من اهداف ليفربول في البريميرليج
اصبح الهداف التاريخي الاجنبي للبريميرليج ب 184 هدف
اصبح اكتر لاعب ساهم باهداف في تاريخ البريميرليج في موسم واحد فقط ب 44 هدف

فكانت النتيجة ان محمد صلاح يجبر اداره ليفربول علي تجديد عقده النهاردة رسميا لمدة سنتين !

و لما سألوه ليه كنت مصمم تجدد عقدك مع ليفربول ؟
قالهم لسة انا مصدق ان في نجاحات اكتر و بطولات اكتر هنقدر نكسبها الوقت الجاي ، عقليه ناجحه من الاخر !

افضل مهاجم في تاريخ ليفربول
افضل جناح في تاريخ البريميرليج
من الاخر انجح عقلية في تاريخ كرة القدم المصرية

محمد صلاح مستمر في البريميرليج

عرض خيالي من الأهلي لمصطفى محمد ✍️

الأهلي عرض علي مصطفى محمد للتعاقد معاه ٢ مليون دولار سنوياً

لمدة أربع سنوات ومنحه تعاقد مليون دولار
وعقد إعلاني ضخم يعني إجمالي الصفقة داخل في ٥٠٠
مليون جنيه وطبعاً ده عرض مستحيل يتم رفضه

اللاعب كان رافض عرض الأهلي في البداية لأنه كان ٨٠٠
ألف دولار فقط في الموسم لكن بعد تدخل أحد رجال الأعمال السعوديين

ورفع العرض لهذا الرقم الضخم اللاعب وافق ده
غير الرقم اللي هياخده نادي نانت الفرنسي مايقرب من ٦
مليون دولار/ الهلى وسوق انتقالات عالمى حتى الان دون ادنى شك

محمود الونش زملكاوي ✍️

رسمياً الونش جدد تعاقده مع الزمالك لمده ثلاثه مواسم

اللاعب أكد لمسؤولي الزمالك إنه جاله عرض من الأهلي لكنه

لم يوقع كم أشيع علي أي ورق وإنه كان ردوا علي مسؤولي

الأهلي إنه في إنتظار الزمالك

وأضاف الونش إنه مقدر ما فعله معه الزمالك في توقيت

إصابته بالصليبي وطلباته الماديه كانت غير مبالغ فيها في

ظل الأرقام الكبيرة اللي بنسمعها حالياً…

رايس هو احد نجوم الجولة♥️

خط الوسط مش لازم يبقى عتال بيجري بدون عقل مجرد رئة بدون توجيه ..

ممكن بإضافة الذكاء والتقنية والوعي تستخرج لاعب شامل

رايس مش بس مجرد لاعب بيعمل workrate مرعب ومعدلات ركض ضخمة ومساحات مغطاة هائلة ..

اختصار رايس في الكلام ده عمى بصيرة

و رايس شحذ قدراته في التمرير والتمركز والتحرك بدون كرة وسلوكه الاستكشافي

ومرجعياته المناسبة لكل موقف لحد ما تحول لرادار متحرك

ثم شحذ قدراته اكتر وتحول لمسؤول عن الركلات الثابتة سواء ركنية او حرة

استغلالاً لقوة تسديداته ودقته الهائلة فيها والنتيجة انهاردة هدفين خياليين !

رايس كان يستاهل انه ياخد الـspotlight شوية لان النوعية دي مهدور حقها

وهي خير تسليط للضوء على اهمية التقنية والعقل جنب القوة الانفجارية

رايس هو احد نجوم الجولة♥️

و انه متفائل جدا باداء لوكاس فاسكيز في المباريات الاخيرة

أنشيلوتي و طاقمه الفني شايفين ان فاسكيز اه ظهر في الاهداف الاخيره اللي دخلت مرمي الفريق لكن في معظمها مكانتش غلطته !

خوسيه قال في الخبر ان انشيلوتي قرر يعتمد علي عناصر الخبرة

أنشيلوتي بيقولكوا صباح الخير ❤️

ريال مدريد عنده انهاردة 6 لاعبين مهددين بالغياب عن اياب ربع نهائي دوري أبطال أوروبا بسبب الايقاف

فينيسيوس
روديجير
ايندريك
مودريتش
فاسكيز
كامافينجا

الفريق بالفعل داخل مباراة انهاردة بغيابات زي

تشواميني – ايقاف
سيبايوس – عدم جاهزية ميندي – اصابة
لونين – اصابة
ميليتاو – اصابة لنهاية الموسم
كارفخال – اصابة لنهاية الموسم

متوقع ريال مدريد يستعيد في العودة كل من :
تشواميني
سيبايوس
لونين (غير مؤكد)

في الوقت اللي صعد للواجهة حراس لا يليقوا بأندية كبرى

كان ديڤيد دي خيا هناك في فيورنتينا بيصنع الحدث وبيقدم واحدةمن اقوى الاداءات الفردية في الموسم

دي خيا ضمن افضل 5 حراس في العالم تصدياً لركلات الجزاءوضمن اكثر 10 حراس عملوا تصديات منذ انضمامه للڤيولا

فيورنتينا بدأ بالفعل خطوات الابقاء على دي خيالسنوات طويلة مع تألقه الحالي ويبدو ان الاسباني سعيد بفترته الحالية في ايطاليا

Redemption♥️

مسددي ركلات الجزاء في مدريد تغيروا رسمياً حسب صحيفة المارك بعد تدخل من كارلو أنشيلوتي 🤷🏻‍♂️

اصبح كيليان امبابي هو المسدد الاول للفريق وتم اعفاء فينيسيوس من الموضوع

القصة موقفتش هنا

بل صحيفة الماركا بتقول لو امبابي ضيع اي ركلة هيتم تسليم المهمةعلى طول الى بيلينجهام

انا مش بحب القرارات اللي بتصنع ضغائن ملهاش معنى في غرفة الملابس

امبابي هو هداف وفينيشر الفريق يبقى هو المسدد وانتهينا بدون اضافات المفروض

تخيل ماك اليستر ده بيعرف يعمل كل حاجة و ليفربول اشتراه ب 35 مليون جنيه استرليني فقط ، يا بلاش من الاخر ❤️

اه ليفربول خسر من فولهام
بس الراجل ده عالمي حرفيا !

ماك اليستر هو اللي شايل نص ملعب ليفربول بكل ادواره من اول الموسم و بمستوي ثابت

مفيش حاجة مبيعرفش يعملها ماك اليستر سواء بالكرة او من غيرها

وكمان مقاوم للضغط
حاد في ضغطه العكسي و استرجاع الكرة
ممرر و مسدد اكتر من ممتاز
هيلعب ارتكاز و محور و صانع العاب ، مفيش مشاكل !

ماك اليستر النهاردة سجل واحد من اجمل و اشمل الاهداف في البريميرليج

ضغط و استرجع الكرة و قاوم الضغط و سدد من خارج منطقه الجزاء تسديده مثاليه !

تخيل ماك اليستر ده بيعرف يعمل كل حاجة و ليفربول اشتراه ب 35 مليون جنيه استرليني فقط ، يا بلاش من الاخر ❤️

عاجل تصنيف الفيفا الجديد للمنتخبات العربيه

🚨ترتيب المنتخبات العربية بالتصنيف العالمي على النحو التالي :

12 | المغرب 🇲🇦
32 | مصر 🇪🇬
36 | الجزائر 🇩🇿
49 | تونس 🇹🇳
55 | قطر 🇶🇦
58 | السعودية 🇸🇦
59 | العراق 🇮🇶
62 | الأردن 🇯🇴
65 | الامارات 🇦🇪
77 | عُمان 🇴🇲
84 | البحرين 🇧🇭
93 | سوريا
101 | فلسطين 🇵🇸
105 | جرز القمر 🇰🇲
110 | موريتانيا 🇲🇷
112 | لبنان 🇱🇧
114 | السودان 🇸🇩
117 | ليبيا 🇱🇾
134 | الكويت 🇰🇼
158 | اليمن 🇾🇪
192 | جيبوتي 🇩🇯
201 | الصومال 🇸🇴

ريال مدريد هو ملك الادوار الاقصائيه دون ادنى شك

فريق اتقلب عليه النتيجة و بقي خسران 3 / 1 في الدقيقة 80 و خلاص برة البطولة !

و فجأة و بقدرة قادر و بكل هدوء و برود و راحة بال عملوا ريمونتادا

و سجلوا هدفين في الدقيقة 82 و 86 و خلي النتيجة 3 / 3

لدرجة ان بيلينجهام سجل هدف و كإنه في التمرين !

راحت كرة القدم قالت تصعب السيناريو عليهم

سوسيداد يجيب الرابع في الوقت بدل الضائع

و نخلي الابا يسجل هدفين في نفسه فريال مدريد يقع نفسيا !

فجأة و بقدرة قادر و بكل هدوء و برود و راحة بال

روديجير يسجل الرابع قبل نهاية الوقت الاضافي ب 5 دقائق

و ريال مدريد يعمل ريمونتادا للمرة التانية و يتأهل الي نهائي كاس ملك اسبانيا

فريق مبيتهزش

فريق مبيخصعش لاي سيناريو

من الاخر فريق ميعرفش يعني ايه ضغوطات

فريق بيعمل الريمونتادا و كإنها صباح الخير

ريال مدريد اكتر فريق كسر المنطق في اللعبة دي

ريال مدريد هو ملك المباريات الاقصائيه الاوحد في تاريخ كرة القدم

الحسنة الوحيدة لكارلو انشيلوتي في الريال

هو زراعته وترسيخه لشخصية الفريق في مباريات الاقصائيات

وان الفريق يجري على الصعود بأي شكل

ده اللي جعل الريال يخرج من مباريات كتير منتصر او صاعد بسيناريوهات غير منطقية

وده طبعاً بيكون في تفاصيل جانب ضخم من التوفيق

وبيحتاج تكون لاعيبتك اصحاب كواليتي متفرد

حتت ان مستواك وحش بس بتعرف تنتصر وفي اخر الدقايق ..

دي نوعية فرق يتخاف منها بان مالهاش مالكة مهما تتفوق عليهم في الملعب

برضو ومباراة انهاردة خير مثال

يعني ألجوثيل مدرب ريال سوسيداد عمل مباراة ضخمة للغاية

وإستحق الصعود برضو وقدر يحرج انشيلوتي وكان الحميع فاكر انها بنتيجة 3-1 خلاص بتخلص

بس برضو الريال قلب المباراة في النهاية ..

فريق ملوش مالكة هيفضل طول عمره unpredictable

ومش هتعرف اللدغة جاية منين وامتى

لكن ميمنعش ان ريال مدريد عنده علامات استفهام كتير في تفاصيل تيكتيكية عديدة !

مرموش منقذ السيتى

مباراة صعبة و مصيريه امام بورنموث خارج الارض

هالاند ضيع ركلة جزاء

النتيجة تعادل و مفيش شئ محسوم

مانشيستر سيتي قريب من الخروج بموسم صفري

هالاند يتصاب في الدقيقة 61 و ينزل مرموش

مرموش يسجل هدف الفوز في الدقيقة 63 من اول لمسة

و يصعد بالسيتي الي نصف نهائي كاس الاتحاد الانجليزي

المبهر اكتر بقي ان مرموش الموسم ده ساهم ب 38 هدف في 37 مباراة

خامس اكتر لاعب في الدوريات الخمس الكبري بعد صلاح و كين و رافينيا و ليفاندوفسكي

موسم عظيم عظيم عظيم

العيدية وصلت من منقذ مانشيستر سيتي و فخر كرة القدم المصرية ، عمر بيه مرموش

في شريحة من الجمهور المصري مع الاسف الشديد مستنية اي فرصة لسقوط مرموش

عشان تنتصر لوجهة نظرها فقط

وهي انه مش مناسب للسيتي وانه كان لازم يستنى في فرانفكورت

لحد ما يحمض على ما يجيله عروض من ليفربول وبرشلونة

لكن كل ماتش السيناريوهات بتخدم عمر انه يحاول يسجل

ويقدم نفسه اكتر

ويبقى منقذ للسيتي في اكتر من موقف

زي ما هالاند يخرج مصاب انهاردة بعد ما سجل التعادل عشان ينزل عمر من اول لمسة

يجيب هدف الفوز ويأهل فريقه لنصف نهائي كاس الاتحاد

الموسم ده مش هقيم تجربة مرموش مع السيتي ..

الموسم الجاي بعد ما بيب يكمل ثورة تغيير الجلد في الصيف نبدأ نتكلم🤝

نصف نهائي كاس الاتحاد الانجليزي

مانشيستر سيتي / نوتنجهام فوريست

مباراة منتظره جدا ❤️

انشيلوتى مدفعش الضرائب

انا مش عارف كام واحد عارف المعلومة دي

بس اعتقد كدة جماهير ريال مدريد هتتصدم منها !

الاخبار في اسبانيا بتقول ان النيابه الاقليميه في مدريد

اكتشفت ان كارلو انشيلوتي مدفعش ضرايب

وصلت الي مليون يورو خلال فترته الاولي في ريال مدريد !

أنشيلوتي مدفعش مبلغ وصل الي 386.361 يورو في 2014

كمان مدفعش مبلغ وصل الي 675.718 يورو في 2015

بالتالي انشيلوتي يوم 2 ابريل الجاي عنده جلسه في المحكمه

و الاخبار بتقول انه لو اتثبت عليه الكلام ده فيها حب س هيوصل الي 4 سنين و 9 شهور ! 🤯

موسم ريال مدريد رايح علي فين !

جوائز كاس العالم للانديه أعلنها رسميا الفيفا اليوم

تعالي احكيلك عن جوائز كاس العالم للاندية اللي اعلن عنها الفيفا النهاردة و حاو ان لا تتفاجئ من الارقام ! 🤯👇

مجموع الجوائز مبدأيا هو 1 بليون دولار لكل الاندية المشاركه في البطولة

و عددهم 32 فريق

ال 1 بليون دولار ده مقسم الي شقين : 👇

الشق الاول بمجموع 475 مليون دولار ، و ده الشق الخاص بالاداء في البطولة و موزع كالاتي 👇

اي فوز في دور المجموعات جائزته 2 مليون دولار

اي تعادل في دور المجموعات جائزته 1 مليون دولار

الصعود الي ثمن النهائي جائزته 7.5 مليون دولار

و الصعود الي ربع النهائي جائزته 13 مليون دولار

الصعود الي نصف النهائي جائزته 21 مليون دولار

تخيل الصعود الي النهائي جائزته 30 مليون دولار

الفائز بالبطولة جائزته 40 مليون دولار

الصدمه هنا هي جائزه الفائز ، لان مجموع المال اللي هيحصل عليه بالشكل ده

ممكن يوصل الي 125 مليون دولار و اكتر كمان ، بنلعب بنك الحظ حرفيا ! 🤯

و الشق التاني بمجموع 525 مليون دولار ، و ده الشق الخاص بالمشاركه فقط

في البطولة و موزع كالاتي 👇

نادي من قاره اوروبا : من 13 الي 38 مليون دولار

نادي من قاره اميركا الجنوبيه : 15 مليون دولار

و نادي من قارات اسيا و افريقيا و اميركا الشماليه و اميركا الوسطي و الكاريبيان : 9.5 مليون دولار

نادي من قاره استراليا : 3.5 مليون دولار

ازيدك من الشعر بيت بقي ، الفيفا هتعمل برنامج استثماري

هيوفروا منه 250 مليون دولار هيمدوا بيهم الانديه عبر العالم

ده غير البليون دولار قيمه الجوائز !

هو ده اللي بنقول عليه العالم الموازي بمعناه الحرفي

الاهلي هيرجع بمصر ب 9.5 مليون دولار مبدايا

اي تعادل او فوز في دور المجموعات الرقم ده هيزيد مصر تنتعش دولاريا 😎

صفقات ريال مدريد في الصيف بشكل رسمي اعلنت عنها اذاعة الكادينة كوبيه الاسبانية

وأكدت ريال مدريد ايه هي اهدافه الصيفية

ترينت الكسندر ارنولد🏴󠁧󠁢󠁥󠁮󠁧󠁿

ديين هويسين🇪🇸

مارتن زوبيميندي🇪🇸

ارنولد خلاص يُعتبر وقع لريال مدريد بشكل حر بعد نهاية عقده بنهاية الموسم الجاري مع ليفربول

هويسين عنده شرط جزائي بقيمة 50 مليون يورو مع بورنموث

وسهل جداً ريال مدريد يكسر الشرط الجزائي ده

زوبيميندي هو التدعيم المتوقع للوسط برضو عنده شرط جزائي بقيمة 50 مليون يورو مع ريال سوسيداد

كده الريال يُعتبر هيسد غالبية احتياجاته .. هيكون ناقصه ظهير ايسر فقط

والكلام منتشر حول ثيو هيرنانديز لكن لم يرتقي للجدية

لو نجح الريال في سد الاربعة مراكز في الصيف هتكون قايمته جاهزة بشكل كبير

الابا على الارجح عقده مش هيتجدد

كذلك ميليتاو اللي عمل 2 رباط صليبي

فاسكيز نفس الكلام عقذه مش هيتجدد

عندي توقع ان في حد من الوسط هيخرج لو تعاقد الريال مع زوبيميندي

من اقل اجيال البرازيل واقوى اجيال الارجنتين

الراجل ده ساب رافينيا يتكلم براحته قبل المباراة و مردش عليه في المؤتمر الصحفي

نزل المباراة دلوقتي و واخد البرازيل غسيل و مكوه حرفيا

كإنه في حصه تدريبيه مش في كلاسيكو عظيم بين الارجنتين و البرازيل !

تيكي تاكا و 4 فرص محققه و سجل 4 اجمل من بعض و كسبهم 4 / 1 مع الرأفة

خلي المباراة من جانب واحد حرفيا !

رافينيا اتكلم ب لسانه قبل المباراة

سكالوني رد عليه بالكورة في الملعب و من غير ميسي كمان تخيل عزيزى القارء

مكن نتعلم ايه من قصة رافينيا مع الارجنتين ؟ 👇

اوعي تستفز اللي قصادك

هترد فيك انت

و اشتغل في صمت

اثبت نفسك بالعمل مش بالكلام

كل ما تزود كلام ، الثقة تقل

اعمل حساب ان زي ما انت عندك امكانيات ،

غيرك عنده برضه و قادر ينجح بيها ، انت مش لوحدك في الد

رافينيا النهاردة اتعلم اهم درس في حياته

فينيسيوس وكونيا حرفياً بيعافروا لواحدهم امام الارجنتين وعاملين شوط ممتاز فردياً

يمكن ده اقوى شوط اشوفه لفينيسيوس من شهور .

فينيسيوس نجح في 6 محاولات مراوغات بنسبة 100% وكسب 6/6 ثنائيات

كونيا هو كمان بجانب الهدف المميز نجح في 4 محاولات مراوغات بنسبة 100% ونجح في 4/4 من الثنائيات

غياب تام لرافينها ورودريجو وباقي البرازيليين ..

الارجنتين مكتسحة الملعب بصراحة وواضح الضغوطات اللي اتحطت كمان على لاعبي البرازيل

نص ملعب الأرجنتين قوي ومتكامل ومتوازن وبينهم تناغم شديد

وفي حيوية ونشاط وحيازتهم للكرة smooth

ده من اقل اجيال البرازيل بصراحة

ودي برضو من اقوى اجيال الارجنتين

نصير مزراوى من افضل الاعبين العرب

في مباراة النيجر لعب ظهير ايسر و قدر يصنع هدف الفوز في الدقيقه 90 بمهاره كبيره !

النهاردة في مباراة تنزانيا لعب ظهير ايمن و صنع فرصتين

و عمل 4 مراوغات صح

و عمل 13 تمريرة للتلت الاخير و كسب ركلة جزاء سجل منها منتخب المغرب الهدف التاني !

قراراته بالكرة و بدونها مميزه و بتعمل فارق

راجل و بيتحمل مسئوليه طول الوقت

مبيخافش علي نفسه و مش بيبخل بأي مجهود

جوكر و بيلعب في اي مكان في الملعب و مش بيشتكي

منتخب المغرب لو عنده 11 نصير مزراوي يقدر يكسب امم افريقيا القادمه ❤️

جابرييل الى الخليج

جابرييل الى الخليج ؟
النصر السعودي بقاله فترة بيدور على اسم كبير في خط الدفاع

لان مش مقتنعين بالحالة الحالية لدفاع الفريق
النصر فعلاً باصص للمستوى الاول في اوروبا ..

في ظل ان رغبة فان دايك الاستمرار في اوروبا اتجهت العيون لنادي ارسنال
وتحديداً جابرييل مالاجايس مدافع الفريق حسب

موقع givemesport المشهور !

النقطة ان جابرييل لسه صغير على الخطوة دي وعنده لسه امكانية

مستواه يزيد مع ارسنال
بس مغريات دوري روشن بقت في تزايد مؤخراً ..

كنا فاكرين ان الموضوع موضة لكن في الحقيقة في محاولات وأخبار متداولة
ان الدوري السعودي مهتم حالياً بأسماء

زي فينيسيوس ورافينها ودي بروينة وجابرييل

بل تقدم بعروض كمان تجاه بعضهم
واى كمان الجدير بالذكر ان ريال مدريد بيدور على مخرج في قصة ساليبا ..

لكن النادي لحد دلوقتي مش عايز يدفع مليم

وعاوزين يستنوا لنهاية عقذه واعتقد ارسنال مش هيفرط فيه برضو
ارسنال طبيعي اهم لاعبيه هيبقى عليهم العين

لو فضل الفريق نجومه بيزيدوا كنجومية لكن مش بيحققوا بطولات

السبب فى استبعاد سام مرسي عن منتخب مصر 🇪🇬

اللغز الأكبر الحقيقة هو عدم انضمام

سام مرسي لقائمة المنتخب

ايه سبب استبعاد سام مرسي من قائمه الفراعنه ؟

سام واحد من أهم لاعبي وقائد فريق ايبسويتس تاون في الدوري الانجليزي

يعني احنا بنعاني من الجوده الفرديه في المنتخب

وبنعاني تحديدا في مركز الارتكاز

ودا اللى بيلعب في سام مرسي يعني مافيش لاعب بنفس جودته

علشان نقول اننا عندنا حلول تانيه علشان سام مينضمش للمنتخب الحقيقة

دول افريقيا كلها بتبحث عن نجومها في مختلف دوريات العالم علشان تقدر تقدم الاضافه للمنتخب وترفع من الجوده الفرديه عندها

واحنا عندنا لاعب بيلعب في اقوي مستوي في العالم ومصممين نستبعده لأسباب غير معلومه

هو انا شايف أن السبب الوحيد لاستبعاده هو انا بيتكلم انجليزي بس وكابتن حسام مبيعرفش يتكلم انجليزي ورافض وجود مترجم

او مش معانا اشتراك شبكة بي ان سبورت علشان تتابعه !

ماهو مالهاش حل تاني بصراحه ..حاجه فى منتهى الغرابه دون أدنى شك

صفقات الريال فى الصيف القادم

هو ريال مدريد ناوى على ايه ! 🤯👇

صحيفه ال A S نزلت خبر بيقول ان ريال مدريد مخطط انه هيتعاقد مع 3 صفقات في الصيف الجاي ! 👇

أليكساندر ارنولد و دي صفقه تعتبر خلصت خلاص

هويسين مدافع بورنموث ، عنده 19 سنة

والده بيشجع ريال مدريد و دي رغبه اللاعب ، عنده شرط جزائي في عقده ب 50 مليون يورو فقط !

مارتن زوبيميندي وسط ملعب سوسيداد ، ريال مدريد دخل يزاحم ارسنال في الصفقة دي !

مش بس كدة ، ده ريال مدريد كمان مخطط انه هيرجع الظهير الايسر

و ميجيل جوتيريز من جيرونا ، و وسط الملعب نيكو باس من كومو الايطالي !

تخيل معايا كدة ريال مدريد الموسم الجاي 👇

اسينسيو و هويسين في خط دفاع واحد
جبهة فيها رودريجو و ارنولد

جبهة فيها جوتيريز ظهير داخلي ، يبدا كقلب دفاع ايسر و يدي حركية

و يفتح ل فينيسيوس مواقف 1vs1 علي الخط
زوبيميندي كلاعب ريجيستا متحكم في الرتم و منظم للهجمات و جنبه لاعب ممرر و متحرك بالكرة عموديا و بيعلي الرتم زي فالفيردي

مبابي مهاجم و بيلينجهام او براهيم دياز بين الخطوط

ده غير نيكو باس و كامافينجا و سيبايوس و اندريك و كارفاخال و مودريتش لو جدد

ريال مدريد ناوي كدة يجسد فريق نجوم العالم بتاع البلايستيشن في الواقع تقريبا !

التوليفه دي كلها محتاجة هيكل عشان يحتويهم

و يتم حمايه افراد ب عينها يعني فالفيردي هيشيل بلاوي ارنولد و رودريجو

و لازم هيحميهم نفس الكلام زوبيميندي هيشيل بلاوي فينيسيوس و جوتيريز

الموضوع ده بقي محتاج هيكل و ادوار عشان الموضوع يكون متوازن اكتر

لكن موضوع الحريه بتاع انشيلوتي صعب يحتوي كل دول في ملعب واحد و المشاكل الدفاعيه هتزيد عشان كدة هما عايزين هويسين عشان

لما يتحط جنب اسينسيو يشيلوا كل البلاوي دي في مساحات واسعه

لان الاتنين ممتازين في الالتحامات و الركض المكثف اللي بيخليهم يدافعوا في مساحات واسعه

اللي قدامك ده اسمه لويس كامبوس

رائد المشروع الحديث لباريس سان جيرمان
👏🏻 عمل ايه الحج كامبوس ؟
وصل كامبوس لباريس في 15 يونيو 2022 وكان الهدف من وصوله

انه يعمل مشروع حقيقي لباريس.
خصوصاً بعد الفشل المستمر في تحقيق دوري ابطال اوروبا

كامبوس قال كده بالحرف للخليفي
باريس ملوش قيامة في ظل كونه مكتظ بالنجوم
وفعلاً الفريق كان فيه اسماء كتير كبيرة !
ميسي .. نيمار .. امبابي .. فيراتي .. ماركينيوس .. حكيمي .. راموس ..
كيلور نافاس كامبوس اول شئ قرر القيام به

هو تسريح اي لاعب عمره يتخطى الـ30 عام !
بجانب تسريح النجوم العجائز ومن الموسم التالي قرر باريس يتبع السياسة دي في تعاقداته وتغيير جلده بالكامل رحل راموس وميسي عن باريس
وتم بيع نيمار الهلال وبيع كيلور نافاس لنوتنجهام فورست وفيراتي لقطر
في المقابل النادي ركض خلف دوناروما

ونونو مينديش وفيتينها وجواو نيفيز ورويز وديمبلي

وباركولا وتم تصعيد زائير ايمري
وبعدها النادي اكمل تعاقداته بكڤاراتسيخيليا وديزير دويه وباتشو وبيرالدو وكان كامبوس اشترط على الخليفي ضرورة بقاء كيليان امبابي
بحيث ان المشروع ده مع مدرب زي انريكي وبالاسكواد ده يحقق الابطال
بس كيليان للاسف رحل عن باريس
تخيل لو كان كمل ! باريس ناوي يكمل بالسياسة دي وهي دي رؤية كامبوس اللي حولت الفريق من معسكر نجوم وشللية
لفريق كله شباب واعد كابتنهم ماركينيوس هو ده المدير الرياضي التمام👏🏻

تعالي احكيلك موقف حصل في الدوري الفرنسي النهاردة في غاية الجمال ! ❤️👇

من بداية شهر رمضان ، مصطفي محمد لاعب نانت الفرنسي

لعب مباراه واحدة كاساسي فقط من اصل 3 مباريات و ده بسبب علم مدربه بصيامه !

النهاردة في مباراة نانت و ليل في الدوري الفرنسي

كانت النتيجة تعادل سلبي و مدرب نانت اضطر ينزل مصطفي محمد في الدقيقه 70 !

الكارثه بقي ان في الدقيقه 74 نانت اتطرد منها لاعب

يعني احتمال يخسروا المباراة خلاص لانهم ناقصين عدديا !

عشان تحصل المفاجأة الجميلة في الدقيقه 83 و مصطفي محمد يقفز وسط اتنين مدافعين

و يسجل هدف الفوز لنانت برأسيه خرافيه و هو صايم ! 😮

عشان يحصل المشهد الجميل اللي قدامك ده ،

مصطفي محمد يجري علي بنته خارج الملعب و يحتفل معاها بالهدف كإن لسان حاله

” افتخري بأبوكي الناجح يا بنتي ” ❤️

مشهد في غاية الجمال حقيقي ، كل الفخر و الدعم للمجتهد مصطفي محمد 🇪🇬👏❤️

نطاق الرياضة