ناتانيل براون الظهير الايسر لبايرن ميونيخ

في صفقة عملها بايرن ميونيخ السنة دي مخدتش اي ضجه اعلاميه مع انها مهمه جدا !

اللي قدامك ده هو ” ناتانيل براون ” الظهير الايسر اللي اشتراه بايرن ميونيخ ب 50 مليون يورو من فرانكفورت و اللي سجل النهاردة هدف نضيف جدا امام هايدنهايم بعد ما استلم الكرة بقدمه البعيده و تجاوز الجميع و سدد عكس اتجاه الحارس !

الفكرة بقي ان براون ظهير مناسب جدا ل كومباني اللي دايما بيفتح عرض الملعب بالجناحين عشان يسحبوا الظهيرين للخارج و بيخلي هاري كين و جنابري ينزلوا لمناطق عميقه عشان يسحبوا المدافعين و يبدأ يوسع المسافات بين افراد الخط كله عشان يصنع مساحات داخل الخط

المساحات دي بقي بينطلق فيها الظهيرين من داخل الملعب و هما لايمار و ستانيسيتش لكن مشكله الثنائي ان جودتهم علي الكرة قليلة و مش بيقدروا ينهوا الهجمات بشكل جيد ، عشان كدة كومباني تعاقد مع براون لانه مباشر علي المرمي و عنده جوده استلام و انهاء ممتازه و فعلا براون سجل هدفين في الوديات بسبب الدور ده

بايرن ميونيخ كان محتاج ظهير ايمن بنفس الخصائص دي برضه و لو حصل و عملوها في اخر 10 ايام من الميركاتو فريق كومباني هيزداد تعقيدا علي كل المنافسين

sportnews.it.com