كومباني من الاخر صنع فريق عظيم بل عائله عظيمه بمعني الكلمه

فينسينت كومباني طلع شرح في المؤتمر الصحفي اسباب الريمونتادا المبهره اللي عملها بايرن ميونيخ امبارح امام ماينز في البوندسليجا و تخيل انه منسبش الفضل لنفسه !

كومباني قال ” لم يكن هناك تحليل عميق بين الشوطين ، كان الامر يتعلق بالعقلية و الجودة ، الفريق وافق علي العودة و لم يهمه الاصابات ابدا ثم احتفلوا في النهاية كما لو كانت مباراة فاصلة لتجنب الهبوط ، لقد اعجبني ذلك كثيرا “

و لو عايز تنبهر اكتر بقي فبايرن ميونيخ قدر يعمل 11 ريمونتادا الموسم ده ، ايوة الرقم حقيقي مش وهمي

كولن في الكاس من خساره 1 / 0 الي فوز 4 / 1
فرايبورج في الدوري من خساره 2 / 0 الي فوز 6 / 2
سان باولي في الدوري من خساره 1 / 0 الي فوز 3 / 1
سبورتينج في دوري الابطال من خساره 1 / 0 الي فوز 3 / 1
كولن في الدوري من خساره 1 / 0 الي فوز 3 / 1
لايبزيج في الدوري من خساره 1 / 0 الي فوز 5 / 1
دورتموند في الدوري من خساره 1 / 0 الي فوز 3 / 2
فرايبورج في الدوري من خساره 2 / 0 الي فوز 3 / 2
ريال مدريد في دوري الابطال من خساره 1 / 0 الي فوز 4 / 3
شتوتجارت في الدوري من خساره 1 / 0 الي فوز 4 / 2
ماينز في الدوري من خساره 3 / 0 الي فوز 4 / 3

كان ممكن كومباني ينسب الفضل لنفسه في الريمونتادا و يقول اسباب تكتيكيه ، لكنه نسب الفضل ل اللاعبين و شاور علي عقليتهم و شغفهم و جوده الكورة اللي بيقدموها

كومباني من الاخر صنع فريق عظيم بل عائله عظيمه بمعني الكلمه

امبارح في مباراة لايبزيج و يونيون برلين في الدوري الالماني ، حصل المشهد الجميل اللي قدامك ده !

في المشهد ده هتشوف شخصين بيجروا علي جهاز مشي خلف دكة بدلاء لايبزيج و المباراة نفسها شغالة عادي ، الشخصين دول هم ” اوليفر مينتزلاف ” الرئيس التنفيذي لشركه ريد بول و ” بنيامين ايبوليتي ” رئيس التسويق !

اللقطة دي مكانتش عابره ابدا لان الغرض منها هو تسويق لحدث هيحصل الشهر القادم اسمه ” سباق اجنحه الحياه ” و دي عباره عن مبادره هيجمعوا فيها الاموال لدعم ابحاث اصابات الحبل الشو كي !

اللي حصل بقي ان اوليفر مينتزلاف صاحب ال 50 سنة ركض امبارح مسافه قدرها 21.4 كيلو متر لمدة 90 دقيقه من اول المباراة الي اخرها ، و مع كل كيلو متر بيقطعه كان في اشخاص مثل ” يورجن كلوب – ماريو جوميز ” بيتبرعوا للمبادره دي لحد ما جمعوا في النهايه 100 الف يورو تبرعات !

في ناس كانت بتقول ما كانوا يدفعوا المبلغ ده علي طول بدل اللفه دي كلها ، لكن القصة هنا في الطريقة ، زي ما احنا قادرين نجري دلوقتي ، فانت بكرة حياتك هتتغير بعد العلاج و هتقدر تجري برضه ، كرة القدم التي نحبها

sportnews.it.com