ليه محمد الامين عموره فخر الجزائر ؟
لاعب في غاية غاية غاية الجمال محمد الامين عموره ! ❤️👇
اولا ضغط و قطع الكرة و انفرد و سجل هدف الاول !
ثانيا اتحرك بذكاء و بتسارع كبير خلف المدافعين و سجل الهدف التاني
ثالثا استلم علي الخط و رفع عينه و عمل عرضيه مقوسه للداخل نموذجيه و صنع الهدف الرابع !
رابعا تابع الكرة التانيه برد فعل سريع و سجل الهدف الخامس !
خامسا يوم الجمعة سجل هدفين و كان سبب كبير ان الجزائر تكسب بوتسوانا 3 / 1 !
النهاردة عموره ساهم
ب 4 اهداف من اصل 5 ، سجل هاتريك و صنع هدف و كان سبب كبير ان الجزائر تكسب موزمبيق 5 / 1 !
يعني ساهم ب 6 اهداف من اصل 8 اهداف سجلهم منتخب الجزائر في التوقف الدولي الحالي ، رعب حرفيا ! 🤯
المبهر بقي ان عموره
ان الراجل ده تم ترشيحه لنادي ارسنال من حوالي سنة من اسطوره تدريبيه بحجم ارسين فينجر اللي قال عليه انه
شبه ميسي في مرونته و حركته !
المبهر اكتر بقي ان الراجل ده ساهم ب 28 هدف الموسم ده في 33 مباراة مع فولفسبورج
و منتخب الجزائر
و محدش بيتكلم عنه ابدا ولا بيديلوا حقه !
القليل من الانصاف ل محمد الامين عمورة ، جوهرة منتخب الجزائر 💚
وخد كمان دى جمال بل ماضي قال عليه من 3 سنين انه لسة صغير و مش بمستوي كأس امم
إفريقيا و ملعبوش ولا مباراة !
قعد علي الدكة في كاس امم افريقيا الماضية و متمش الاعتماد عليه كاساسي !
انتقل الي فولفسبورج الالماني الموسم ده و بيلعب لاول مرة في الدوريات الخمس الكبري في اوروبا
و قدر يساهم ب 18 هدف في 24 مباراة في البوندسليجا كخامس اكتر لاعب في الدوري و تالت اكتر لاعب صنع اهداف في
الدوري !
عشان ينضم بعدها لمنتخب الجزائز و يتم الاعتماد عليه كلاعب اساسي
و يلعب 4 مباريات في تصفيات كاس امم افريقيا
و يساهم ب 4 اهداف ، سجل 2 و صنع 2 !
عشان النهاردة يلعب الجزائر مع منتخب الجزائر في تصفيات كاس العالم امام بوتسوانا
و يسجل هدفين عشان يبقي سبب ان الجزائر تتصدر مجموعتها في تصفيات كاس العالم !
محمد الامين عمورة ، ابن وفاق سطيف ، فخر الكرة الجزائرية 🇩🇿💚
كلامي عن عمورة من شهرين
قولتلك هو فري الكترون
بيقدر ينتج من اي مكان في التلت الاخير
لاعب output ممتاز و تحركاته للمساحات موذيه جدا للمنافسين لان عنده تسارع مرعب
هدفين النهاردة بفضل ميزه التسارع و التحرك للمساحات و طبعا الانهاء في الهدفين ممتاز 👏
اللاعب العربي الجزائري الجميل اللي قدامك
ده محمد الامين عموره فعلا فخر الجزائر مكسر الدنيا في الدوري الالماني لكنه مش واخد حقه حرفيا ! 👇
محمد الامين عموره لاعب مكافح و جايبها من تحت اوي
هو ابن وفاق سطيف الجزائري و بدأ رحلة احترافه في اوروبا في 2021
عمورة بدأ في فريق لوجانو في سويسرا اللي اشتروه ب مليون و نصف يورو تقريبا ،
قدر يساهم معاهم ب 22 هدف في 66 مباراة
و انتقل بعدها الي فريق رويال يونيون في بلجيكا السنة اللي فاتت
و قدر يساهم معاهم ب 29 هدف في 45 مباراة
عشان تجيلوا فرصه ممتازة السنة دي و يجيلوا عرض من فولفسبورج الالماني
و يشتروه ب 17 مليون يورو !
الجميل بقي ان عمورة قدر الاسبوع ده يسجل في بايرن ميونيخ هدفين اجمل من بعض ،
واحد باليمين في البعيده و التاني ب شماله !
المبهر بقي ان عمورة في اول موسم لي
في الدوري الالماني قدر يكون افضل لاعب في فولفسبورج
و عامل اداء ممتاز
حقيقي ، تعالي ابهرك ب ارقام عمورة ! 👇
بدأ 15 مباراة
سجل 8 اهداف ، هداف الفريق !
صنع 6 اهداف ، اكتر لاعب صنع اهداف في الفريق !
ساهم ب 14 هدف ، رابع اكتر لاعب في البوندسليجا بعد مرموش و هاري كين و فلوريان فيرتز !
حمل الكرة عموديا لمسافة اكتر من 5 متر 3 مرات في كل مباراة ، التاني في البوندسليجا بعد مرموش !
بيعمل تصرفات بالكرة بتتسبب في تسديدات لفريقه بواقع 3 مرات في كل مباراة ، التاني بعد مرموش !
بيسترجع الكرة 5 مرات في كل مباراة ، اكتر مهاجم في الدوري كله !
تالت اكتر لاعب في البوندسليجا بيساهم باهداف من اللعب المفتوح بعد مرموش و هاري كين !
اول لاعب في تاريخ فولفسبورج يساهم ب 10 اهداف في اول 11 مباراة في البوندسليجا !
المميز في عمورة انه عامل زي الفري الكترون ،
بيقدر يلعب مهاجم و تحت المهاجم
و جناح ايسر و جناح ايمن و بينتج كمان من كل ممرات الملعب !
كمان تحركاته للمساحات مذهله و في غايه الذكاء ،
عنده تسارع عالي اوي سواء بالكرة او بدون الكرة ،
بيقدر يوصل لاقصي سرعه في فتره زمنيه قليله جدا !
عموره قوي جدا في الضغط و افتكاك الكرة
لاعب عنده تسارع مرعب و بيوصل لاقصي سرعه في زمن قليل جدا
اضافه كبيره لاي مدرب فلسفته هي الضغط من الامام بنظام مطارده الكرة
و كمان الضغط العكسي من منطقه فقدان الكرة نفسها ،
من الاخر عموره عباره عن مكنه ضغط و مكنه حركه مش بتهدا ابدا
كل الدعم للموهبه دي بجد 👏💚
محمد الامين عمورة ، فخر الجزائر في اوروبا ❤️