عبقري هي اقل وصف ممكن يتقال علي اوليفر جلاسنر مدرب كريستال بالاس
كلمة عبقري هي اقل وصف ممكن يتقال علي اوليفر جلاسنر مدرب كريستال بالاس !
كريستال بالاس حققوا النهاردة فوز كبير جدا علي شاختار بثلاثية مقابل هدف في ذهاب نصف نهائي دوري المؤتمر الاوروبي و اقتربوا بشده من التأهل الي اول نهائي اوروبي في تاريخهم !
الشئ المبهر بقي ان النتيجة كان ممكن تبقي اكتر من كدة ل كريستال بالاس لولا ضياع الفرص ، جلاسنر النهاردة ترك الكرة ل شاختار و خلي فريقه يقف ب ضغط متوسط محكم عشان يعمل تحولات هجوميه مرعبه من مناطق قريبه من المرمي !
فكانت النتيجة انه سجل 3 اهداف و ماتيتا ضيع انفرادين منهم واحد في العارضه و اسماعيلا سار ضيع فرصه كمان لدرجة ان اردا توران مدرب شاختار اتصدم حرفيا من درجة اتقان التحولات اللي بيعملها لاعبي كريستال بالاس و ملاقاش اي حلول لايقافها !
بالرغم من رحيل ايزي و مارك جيهي اهم عمودين في الفريق ، لكن ده ممنعش اوليفر جلاسنر من استمرار معجزه كريستال بالاس اللي اكلينيكيا هيلعب اول نهائي اوروبي في تاريخه
اللي بيعملوا نوتنجهام فوريست السنة دي في الدوري الاوروبي ده شئ مبهر ترفع له القبعه فعلا !
نوتنجهام فوريست فاز النهاردة علي استون فيلا بهدف نظيف في ذهاب نصف نهائي الدوري الاوروبي عشان تتبقي ليهم خطوة واحده فقط علي لعب النهائي الاول في تاريخهم !
نوتنجهام حقيقي هما اكتر فريق عجيب في الموسم الحالي ، كان ماسكهم نونو سانتو و مشوه ، جالهم بوستيكوجلو و مشوه ، جالهم شون دايتش و مشوه ، نزلوا الي مراكز الهبوط ، لحد ما جالهم فيتور بيريرا و خرج فينيرباخشه و ميتيلاند و بورتو من البطولة و وصلهم نصف نهائي و طلعهم من مراكز الهبوط و عامل بيهم سلسله لا هزيمه وصلت الي 9 مباريات متتاليه ، ريمونتادا مبهره بكل معني الكلمه !
كل ده بقي كوم و ايليوت اندرسون ده كوم تاني ، حته جوهره في وسط الملعب محصلتش ، مقاومه ضغط و تمريرات بكل اشكالها و غووول التحامات ، كسب 7 التحامات من 9 و استرجع الكرة 10 مرات و كسر الضغط بالتمرير 11 مرة ، كفايه بس الكوبري الشوارع اللي عملوا في روجرز ده ، اكل نص ملعب استون فيلا حرفيا !
نوتنجهام شكلهم كدة استعادوا روح الاسطوره بريان كلوف و ناويين يحققوا مجد اوروبي اخر محصلش من 46 سنة
اوليفر جلاسنر مدرب كريستال بالاس
sportnews.it.com
اوليفر جلاسنر مدرب كريستال بالاس
اوليفر جلاسنر مدرب كريستال بالاس
اترك تعليقاً