الجوائز الماليه لكاس العالم
الفيفا امس اعلنوا عن الجوائز الماليه لكاس العالم الجاي و الجوائز المرة دي فعلا مرعبه !
انا عايزك تتخيل ان مجموع الجوائز الماليه ل كاس العالم الجاي هو 655 مليون دولار ، اكتر من جوائز مونديال قطر الماضي بحوالي 50% ، زياده مهوله !
مبدأيا كدة اي منتخب هيشارك بس في كاس العالم هياخد 10.5 مليون دولار ، 9 اساسيين و 1.5 كمصاريف للتحضير و كدة ، يعني مجموع الجوائز هيوصل الي 727 مليون دولار ، جنان مش عادي !
تعالي بقي اقولك ال 655 مليون دول هيقسموهم ازاي في كاس العالم
الفائز ب كاس العالم : 50 مليون
الوصيف : 33 مليون
المركز التالت : 29 مليون
المركز الرابع : 27 مليون
اللي هيوصل ربع النهائي : 19 مليون
اللي هيوصل دور ال 16 : 15 مليون
اللي هيوصل دور ال 32 : 11 مليون
يعني لو فرضنا ان مصر قدرت تصعد الي الدور 32 حتي كافضل توالت و ده شئ مش صعب اطلاقا وقتها مصر هترجع من اميركا ب 11 مليون دولار ، يعني حوالي 528 مليون جنيه
هتبقي اكبر جائزه ماليه في تاريخ الرياضه المصريه !
بمناسبة الذكري التالته لفوز ميسي بكاس العالم ، فحرفيا في تاريخ كاس العالم !
تخيل ميسي و هو عنده 35 سنة كان اكتر لاعب ساهم باهداف في كاس العالم ب 10 اهداف ، قدر كمان يتخطي كل الاساطير و اصبح اكتر لاعب ساهم باهداف في تاريخ كاس العالم ب 21 هدف !
طب تخيل ميسي و هو 35 سنة قدر يبقي اول لاعب في تاريخ كاس العالم يفوز ب رجل المباراة في 5 مباريات في مونديال واحد ، قدر كمان يبقي اول لاعب في تاريخ كاس العالم يسجل في كل الادوار الاقصائيه
سجل في ثمن النهائي و ربع النهائي و نصف النهائي و النهائي !
ميسي في المونديال ده كان one man show ، عمل كل حاجة ممكن تتخيلها ، الممكن منها و المستحيل و في سن ال 35 بعد اعتزال دولي و بعد سنين اتقال عليه فيها انه متخاذل
اعظم ريمونتادا و اعظم نهايه فيلم ممكن تشوفها من الاخر !
ميسي الماثل امامكم يا ساده ، حقق كل شئ ، رفعت الجلسه
sportnews.it.com
الجوائز الماليه لكاس العالم القادم
الجوائز الماليه لكاس العالم القادم
اترك تعليقاً