تاهل تاريخى لمصر فى موندبال العالم

تااااااريخ يا رجالة مصر أعصابنا تعبت وكان في إيدينا نخلصها بدري لكن الحمد لله.. دور ١٦ تاريخي في كأس العالم لـ حسام حسن ورجالته

يوم الثلاثاء القادم إن شاء الله في دور الـ١٦ نعمل اللي علينا ونحاول بكل ما عندنا نكتب تاريخ جديد، ليه لا؟!

هانقابل الأرجنتين الماتش الجاي، ميسي وصحبته وكل العالم حرفيًا بيتفرج علينا

نلعب ماتش حلو ونفرج العالم عندنا إيه، والنتيجة بقى دي بتاعت ربنا، واللي رايده يكون وقتها

أبطال في كل الحالات يا رجالة

من الحاجات العظيمة اللي حسام حسن عملها مع منتخب مصرهي إن منتخبنا مش هو اللي بقى مضغوط عليه في آخر الأشواط، لا بقينا احنا اللي بندوس ونضغط

طول عمرنا على مدار الأجيال، سواء متقدمين أو متأخرين كنا بنرجع للدفاع في آخر دقائق المباراة أو الشوط الأول

حالة دفاعية بحتة في أوقات عصيبة، محتاجة جهد ذهني خرافي، وأوقات كتير كنا بنستقبل أهداف

لكن في كأس العالم مع حسام حسن، احنا لعبنا ٦ أشواط في المجموعات، و٤ أشواط في دور الـ٣٢، مصر ضغطت على منافسيها في نهاية ٩ أشواط!

مصر فقدت الاستحواذ في الدقائق الأخيرة من الأشواط مرة واحدة بس، الشوط الثاني ضد إيران فقط!

بلجيكا ضغطناها في نهايات الشوطين، نيوزيلندا ضغطناها في نهايات الشوطين، إيران 🇮🇷 ضغطنا الشوط الأول، أستراليا ضغطناهم الـ٤ أشواط

والنتيجة، إننا حتى لو أعصابنا بايظة واحنا بنفترج لكن في الملعب مرتاحين ومش قلقانين

المرة الوحيدة اللي فقدنا فيها الضغط والاستحواذ كنا فعلًا هانخسر، وده أكبر دليل على إن من أصح الحاجات اللي حسام حسن بيعملها هو إننا نستحوذ

حتى لو مش هانسجل لكن مسنقبلش برافو يا عميد-تاهل تاريخى لمصر فى موندبال العالم

قليلًا من الإنصاف لمحمد صلاح وهابقى عكس التريند اللي بيحاول دايمًا يقلل من اللي بيقدمه، لإن اللي عمله قبل نهاية مباراة أستراليا وخلال الوقت الإضافي ده مش شيء هين!

كان واضح جدًا إن محمد صلاح بيلعب وهو غير جاهز وأثر الإصابة باين جدًا عليه من بداية اللقاء، مش قادر يعمل سبرينت، مش قادر يسدد، باينة جدًا

ده خطأ فنيًا؟

صح ومليون٪؜ لكنننا قررنا نخاطر.. إذًا يلا بينا، أصل ده ماتش العمر للجيل الحالي بالمعنى الحرفي!

بيني وبين نفسي كنت بتمنى صلاح يخرج مع بداية الشوط الثاني، ما هو مش قادر فعلًا، لكن قبل نهاية الشوط الثاني صلاح انفجر في الملعب

صحوة صلاح دي كان سببها “دول آخر كام دقيقة ليا في كأس العالم.. هانضعيهم؟!!!”

فعليًا، صلاح قرر يا إما يساعد مصرعلى المكسب، أو اللي يحصل يحصل بقى للإصابة، وكمل بأداء وجهد عظيم جدًا في الأوقات الإضافية

وكأنه كان بيحاول يوفر شوية القدرة والطاقة اللي عنده لوقت حساس زي ده، وده بالمناسبة شطارة وذكاء

وده بردة يتنافى تمامًا مع فكرة أصل صلاح مبيلعبش مع مصر زي ليفربول، أصل صلاح خايف على رجله، أصل وأصل وأصل!

مبروك علينا للمرة الثانية تأهل تاريخي.. ومنتظر مواجهة أسطورية بين صلاح وميسي

المشهد اللي قدامك ده عظيم بدرجه متتوصفش حقيقي !

محمد صلاح بكي بشكل مش طبيعي بعد فوز مصر علي استراليا و فعلا هو يستاهل اللحظه الغاليه دي لانه من اول المونديال و هو بيلعب راجل ، النهاردة امام استراليا كان داخل المباراة مش جاهز بسبب الاصابه و برغم ذلك لعب 120 دقيقه كامله قدر يصنع 5 فرص بحالهم منهم انفراد ضيعوا مرموش للاسف !

مش بس كدة ، صلاح لما اتحط مهاجم وسط مدافعين استراليا اللي اطوالهم معديه ال 1.90 متر قدر يكسب كل الالتحامات و يحافظ علي الكرة و يكسبنا فاولات ، تخيل انه كسب 7 التحامات من اصل 7 !

عشان يختمها باللحظه الايقونيه دي ، ركله جزاء مبهره علي طريقه بانينكا اخد بيها لقطه تاريخيه علي حارس كبير زي ماتيو ريان ، شخصيه جباره حقيقي !

دموع صلاح دي غاليه اوي لان التاريخ هيقول ان اكبر انجاز ل مصر في كاس العالم حصل في عهد القائد محمد صلاح ، لحظه للتاريخ يا اسطوره

إنصافًا للحق.. اللقطة دي لازم تاخد حقها، وكويس أوي كمان.

دي لقطة قبل ركلات الترجيح بثواني بسيطة، مين اللي ماسك اللاب؟

الكابتن محمود سليم، محلل أداء المنتخب، كان محضر لقطات سريعة لتحركات وردود أفعال حارس أستراليا البديل رايان، وفرجها للاعبين قبل التنفيذ

التفاصيل البسيطة دي هي اللي بتفرق، وبتفرق أوي كمان.

النجاح بييجي بشغل المجموعة بالكامل من اللعيبة والجهاز الفني ، ومن شغل الناس اللي ورا الكواليس اللي ممكن ميبقاش حد عارفهم زي محللين الأداء.

وجود محلل أداء شاطر بيضيف أفضلية حقيقية، وبيساعد المنظومة كلها تكسب وتنجح واستغلالك لكافة التفاصيل حتي لو شايفها عادية مهم.

لعبة التفاصيل

ماشاء الله على مروان عطية، ماشاء الله عليك يا إبني.

يمكن الأداء بتاعه ممكن ميتشافش ويتقدر بالشكل الكافي، والعين تروح لأسماء تانية، والفرحة تغطي على كل ده، لكن الجيم اللي عمله النهارده كبير والله وبدون مبالغة.

كنت بشوف مروان في كل مربع من الملعب، تغطية هايلة، وإستخلاص للكرة قدر الإمكان وسط أطوال وعمالة من أستراليا حرفيًا كان لوحده في نص الملعب بسبب غياب لاشين، ومع ذلك أدى مباراة عظيمة، وجري وعارف علي كل كورة ومقصرش لحظة.

هوا ده اللي محتاجينه من كل لاعب أنزل هات أخرك، ومتبخلش بأي نقطة عرق في الملعب، وربنا هيكرمك و هتظهر وهتتشاف وهتتقدر

ربنا يحميك يا إبني

sportnews.it.com