كريستيانو رونالدو اعظم لاعب برتغالي

المباراة اللي قدمها كريستيانو رونالدو النهارده اسقط بيها كل الاكليشيهات الوهميه اللي بتتقال عليه من بدايه كاس العالم !

اتقال عليه لاعب عبء علي منتخبه ، النهارده هو اكتر لاعب عمل محاولات ضغط مباشره لدرجه انه غلط حارس اوزباكستان 3 مرات !

اتقال عليه منتهي و مبيعرفش يسجل زي زمان ، النهاردة سجل هدفين و كان ممكن يسجل هاتريك ، اثبت ان مفيش مهاجم برتغالي افضل منه حتي و هو 41 سنة !

قالوا عليه ده مش عارف يكون قائد و اللعيبه مش بتحبه ، راح ترك الفاول ل نونو مينديز عشان يسجل و لما سجل لعيبه الدكه كلها جريت حضنته و فرحوا عشانه ، و لو فيه لاعب مش بيحبه تبقي مشكلته هو مش مشكله رونالدو !

هيفضلوا كل مرة يقولوا مشكله رونالدو لان التريند بيقول كدة ، بس التاريخ بيقول ان رونالدو هو البرتغال ، هو الهداف التاريخي للبلد و هدافهم التاريخي في كاس العالم و اليورو ، افرح يا رونالدو

كل مرة يقولوا عليه منتهي لازم يطلع يحرجهم و يسكتهم و كله بالاداء و الذكاء في ارض الملعب !

سجل هدف بعد تحرك مثالي علي القائم الاول ، ضحك علي الكل و ترك الفاول ب نونو مينديز ، سجل هدف كمان بعد تغيير اتجاه حركته خلف اخر مدافع عشان يفضي مساحه ل برونو و يبقي في الجانب الاعمي للمدافع !

تاني اكبر لاعب يسجل هدف في تاريخ كاس العالم ، كسر رقم ايزبيو و اصبح هداف البرتغال التاريخي في كاس العالم ب 10 اهداف ، اللاعب الوحيد في التاريخ اللي سجل في 6 نسخ متتاليه في كاس العالم !

كريستيانو رونالدو سيبقي و سيظل اعظم من يتحرك خلف المدافعين و اعظم هداف و اعظم لاعب برتغالي علي الاطلاق ، مستحقه يا رونالدو

اللقطه اللي قدامك دي بتثبتلك ان نونو مينديز هو اكتر لاعب سالك في منتخب البرتغال !

البرتغال كان متقدم بخماسيه نظيفه علي اوزباكستان و خلاص فاضل 10 ثواني و المباراة تنتهي و كل لعيبه البرتغال بتتمشي و الموضوع منتهي يعني !

نونو مينديز بقي قرر يعمل وان تو مع لياو و طلع في المساحه و عمل عرضيه مقوسه ل كريستيانو رونالدو علي القائم البعيد عشان يسجل الهاتريك لكن للاسف رونالدو ملحقهاش ، و دي نفس العرضيه اللي عملها مينديز في اول المباراة عشان رونالدو يفتتح التسجيل لكن ملحقهاش برضه !


نونو مينديز من سنة بالظبط بعد الفوز ب دوري الامم الاوروبيه طلع قال ان رونالدو قدوتنا و صاحب الخبره و روح الانتصار دايما تأتي معه و نصايحه لينا ساعدتنا علي التطور !

لاعب صاحب جوده مبهره و نجم كبير في باريس سان جيرمان لكن بيحترم القائد بتاعه و بيساعدوا يسجل و ينجح طول الوقت ، يا رب لعيبه البرتغال تتعلم من السالك نونو مينديز

sportnews.it.com