ميسي قفل ملف كاس العالم حرفيا

ميسي النهاردة اثبت انه افضل لاعب في تاريخ كاس العالم و كله بالاداء و الارقام و بأي مقياس ممكن تتخيلوا !

احنا بنتكلم عن لاعب كسب كاس العالم ، هداف كاس العالم التاريخي ب 18 هدف ، اكتر لاعب صنع اهداف في تاريخ كاس العالم ب 8 اهداف ، اكتر لاعب ساهم باهداف في تاريخ كاس العالم ب 26 هدف !

مش بس كدة ، ميسي هو اكتر لاعب عمل مراوغات صحيحه في تاريخ كاس العالم ب 115 مراوغه ، اكتر لاعب صنع فرص ب 79 فرصه ، اكتر لاعب فاز برجل المباراة ب 13 مرة ، اكتر لاعب سجل اكتر من 3 اهداف في 3 نسخ من البطولة !

خد التقيله بقي ، ميسي بعد مونديال 2018 كان سجل 6 اهداف فقط في كاس العالم يعني كان بعيد عن كلوزه ب 10 اهداف ، انت متخيل بقي ان ميسي سجل 12 هدف في اخر نسختين و هو 35 و 39 سنة و تخطي كلوزه بهدفين ، مش هتشوف ريمونتادا اقوي من دي في تاريخ المونديال كله !

افضل هداف و افضل صانع العاب و افضل جناح و كمان البطل ، ميسي قفل ملف كاس العالم حرفيا

ميسي ده أكبر كذاب في الكورة!

مصمم طول الوقت يثبتلك إن اللعبة سهلة، وإن أي حد يقدر يعمل اللي بيعمله في العمره ده، وإن تسجيل الأهداف أو صناعة الفرص حاجة عادية جدًا.

لكن أول ما تحاول تقلده أو حتى تفهم هو عمل كده إيه، بتتصدم بالواقع وتكتشف إنك قدام شخص بيوهمك إن كل حاجة بسيطة
وهي في الحقيقة معقدة جدًا.

الكلام هنا مش على الهدف اللي سجله

الموضوع أكبر من كده بكتير.

لو قعدت تعد أهداف ميسي هتتعب، لأن أغلبها عبارة عن مكس من الذكاء والوعي والموهبة والقرار المثالي. كل هدف وراه فكرة ورسم كامل للمشهد من الأخر هوا المؤلف والمونتج لكل شيء.

أكتر حاجة مبهرة في ميسي إنه بيخليك تحس إن اللي بيعمله سهل، لكن الحقيقة إن مفيش حد تقريبًا بيشوف الملعب بنفس الطريقة اللي بيشوفها هوا

حلهم الأول والأخير.

قائدهم الحقيقي.

مصدر القوة والإلهام.

اللاعب المستعد ينزل يستلم الكرة في أول الثلث الدفاعي، ويبدأ الهجمة بنفسه، ويقاوم الضغط من كل لاعبي الخصم، ويوصل للثلث الأخير، وفي النهاية يخلص الحكاية كلها بنفسه علشان هوا ميسي.

دايمًا بستغرب لما أسمع حد يقول إن ميسي متخاذل مع منتخب بلاده.

بص على تأثيره في كل مرحلة لعب، شوف قد إيه وجوده بيغير شكل الفريق بالكامل. وعادي مش لازم يسجل أو يصنع عشان يكون مؤثر، أحيانًا مجرد تحرك أو قرار منه بيغير مصير الهجمة كلها

مرة واتنين وعشرة..

استمتع بالرحلة وبس.

إحنا بنتفرج على الرقصة الأخيرة خلاص

sportnews.it.com