اوليفر جلاسنر مدرب بيعرف يصنع الحلم بنفسه
فكرة ان كريستال بالاس هيلعب اول نهائي اوروبي في تاريخه دي كانت حاجة من رابع المستحيلات انها تحصل !
اوليفر جلاسنر حقيقي بيسيب بصمات تاريخيه في الفرق اللي بيدربها ، عنده قدره عجيبه في تحويل الفرق عديمه الطموح الي ابطال بيشيلوا القاب !
في اول موسم مع اينتراخت فرانكفورت كسب بيهم الدوري الاوروبي لاول مرة من 42 سنة ، صعد بيهم الي دوري ابطال اوروبا لاول مرة من 62 سنة ، صعد بيهم الي نهائي كاس المانيا !
و لما راح كريستال بالاس من سنتين انقذهم من الهبوط اولا ، و في تاني موسم كسب بيهم اول بطولة في تاريخهم و هي كاس الاتحاد الانجليزي ، ثم كسب بيهم الدرع الخيريه لاول مرة ، و النهاردة في تالت موسم بيتأهل بيهم الي نهائي دوري المؤتمر الاوروبي لاول مرة في تاريخهم !
مدرب بيعرف يصنع الحلم بنفسه و يحققه ، كريستال بالاس اصبح له تاريخ بفضل هذا الرجل
المدرب الشاب اللي قدامك ده دخل التاريخ من اوسع ابوابه النهاردة
المدرب ده هو ” انيجو بيريز ” مدرب رايو فاييكانو صاحب ال 38 سنة فقط و اللي قدر يعمل اعجاز النهاردة لانه تأهل ب رايو فاييكانو الي نهائي دوري المؤتمر الاوروبي و ده اول نهائي اوروبي في تاريخ النادي !
المبهر بقي هي الحكايه من اولها ، الراجل ده ظهر علي الساحه التدريبيه و هو عنده 34 سنة كمساعد ل اندوني ايراولا في رايو فاييكانو و استمر سنتين يتعلم منه و يشرب منه الشغلانه كلها !
و لما ايراولا مشي ، رايو فاييكانو وقع و كانوا موجودين في مناطق الهبوط ، ف قرروا يعينوا انيجو بيريز عشان ينقذهم ، في اول موسم انقذهم من الهبوط ، في تاني موسم صعد بيهم الي دوري المؤتمر ، في تالت موسم وصل بيهم الي اول نهائي اوروبي في تاريخهم ، و كل ده بفريق قيمته التسويقيه 107 مليون يورو فقط ، معجزه بكل المقاييس !
مفيش كلام ينفع يتقال في حق اوناي ايمري غير انه عراب الدوري الاوروبي !
استون فيلا بعد ما خسروا من نوتنجهام فوريست في مباراة الذهاب بهدف نظيف عملوا النهاردة ريمونتادا عالميه و اكتسحوهم برباعيه نظيفه و تأهلوا رسميا الي نهائي الدوري الاوروبي !
اللي بيعملوا اوناي ايمري في البطولة دي تحديدا هو المعني الحرفي لكلمه هيمنه ، تخيل بس انه هيلعب النهائي السادس في تاريخه ، وصل 6 نهائيات مع 4 فرق مختلفه ، اشبيليه و ارسنال و فياريال و استون فيلا !
مش بس كدة ، ايمري كمان كسب الدوري الاوروبي 3 مرات علي التوالي مع اشبيليه و عموما هو اكتر مدرب في التاريخ كسب الدوري الاوروبي برصيد 4 مرات و علي وشك الفوز بالخامسه مع 3 فرق مختلفه ، مبهر حقيقي !
الجميل بقي ان لو استون فيلا كسب الدوري الاوروبي و خلص الدوري في المركز الخامس ده معناه ان المركز السادس في البريميرليج هيتأهل الي دوري ابطال اوروبا
يعني ممكن جدا نشوف فريق زي بورنموث او برايتون بيلعب في التشامبيونزليج الموسم الجاي
sportnews.it.com
اوليفر جلاسنر مدرب بيعرف يصنع الحلم بنفسه
اوليفر جلاسنر مدرب بيعرف يصنع الحلم بنفسه
اترك تعليقاً