هل جمهور الزمالك بيبالغ في تقدير چون ادوارد؟ خلينا نوضح جانب مهم جداً

بالنسبة لي چون ادوارد مش شخص بل فكرة .

والفكرة اللي بيمثلها هنا چون ادوارد هي المدير الرياضي الكفؤانا بدعم الفكرة دي عمياني لسبب بسيط جداً

وهو اني نفسي ادغدغ القوالب الادارية الفاشلة اللي وقعت اندية بجهلها وفسادها وقلة كفاءتها وانعدام ضميرها بشكل مطلق

انا بدعم فكرة المدير الرياضي لانه الشخص الوحيد اللي هيقدر قيمة ( المشروع )

وأن عشان يكون عندك فريق كرة قدم لازم تبنيه بشكل صحيح وتُعيد هيكلة تفاصيله كلياًانا ممكن اشيل ( چون ادوارد ) من المعادلة وأسميه ( س )

لو س ده كان اتوفر له بادچت محترمة حوالي 5 مليون دولار مثلاً وبنفس عقليته الادارية دي

مش كان عمل ميركاتو اضخم؟

لو مثلاً بدل ما ادارة الزمالك الحالية ضيعت سنتين في ادارة ملف الكورة بنفسها كانت جاب چون ادوارد من الاول .

مش كان زمان الراجل مثلاً اتصرف بشكل افضل في ملفات كتير؟تخيل مثلاً صفقات زي سيدي نداي وكوستا وعاطف ومهاب وميشالاك وعمر فرج ..

ملف زيزو .. فرصة التعاقد مع بن شرقي .. ملفات بوبدينزا والبركاوي .. ملف رحيل جوميز انا هفضل ادعم فكرة المدير الرياضي قلباً وقالباً

وهفضل اقول لا ان عضو مجلس ادارة او شخص مش فاهم يعني ايه ادارة رياضية يمسك ملف كرة قدم لاني شربت من الكاس ده كتير

فعشان كده جمهور الزمالك بيدعم الراجل بقوة .

بيحاول يحمي مشروعه .

بيحاول يبين كثرة ايجابياته وانه بيخلص صفقات لو بتخلص على ايد مسؤول اداري كانت هتخلص بأرقام خزعبلية وفيها لعب كتيرالمدير للرياضي في اوروبا .

شئ مقدس لأي حد عاوز يعمل فريق كرة قدم حقيقي

وعلاوه على ذلك چون إدوارد يظهر العين الحمراء

بعد مباراة بروكسي الودية إجتمع چون إدوارد باللاعبين وقام بتوبيخهم وتعنيفهم بسبب الخساره بهذه النتيجة أمام فريق درجه ثانيه

وأظهر لهم تصريحات مدرب بروكسي والذي قام بالتقليل منهم بعد نهاية المباراة

اللاعبين قدموا إعتذارهم وأخبروا المدير الرياضي أن هذه مجرد مباريات وديه وأنهم في قمه إستعدادهم للمباريات الرسمية

إبتداء من مباراة سيراميكا يوم الجمعة القادمة وتعاهد الجميع علي تقديم أفضل ما لديه في الموسم الجديد

لكن الأهم مش الجلسة

الأهم هو الرسالة :چون وصل رسالته للاعبين إنه مش جاي يهزر ، ومفيش مكان في الموسم الجديد للتهاون أو الأعذار

واللي مش هيكون قد المسؤولية صعب يكون ليه مكان داخل نادى الزمالك

sportnews.it.com