الصفاقسي التونسي اعلن رسميا عن التعاقد مع القيمه الكبيره على باشا معلول

نادي الصفاقسي التونسي اعلن النهاردة رسميا عن التعاقد مع ” علي معلول ” بطريقه جميله !

التقديم بدأ بمشهد الاهرامات مع كلمات ام كلثوم

” كان لك معايا اجمل حكايه في العمر كله ” بعدها معلول لبس البدله و بيتشيك و طبق تيشيرت الصفاقسي و شالوا في الشنطه

و طلع علي المطار و ركب الطياره و نزل تونس بعدها لبس طقم الصفاقسي كله و ايمن دحمان قائد الفريق بيعدي يسلمه شاره القياده

و بينزل الملعب و بيقول ” باولادها ترجع لبلاصتها “

علي معلول بعد 9 سنين متتاليه بتيشيرت الاهلي بيرجع بيته مرة تاني بالرقم 10 ب شاره القياده ،

تقدير مستحق ل افضل ظهير ايسر داخل قاره افريقيا ، كل الدعم لاسطوره النادي الاهلي ”

علي باشا معلول ” الصورة اللي فوق دي كانت في اول مباراة يلعبها علي معلول مع فريقه الجديد و ناديه الاصلي ” الصفاقسي التونسي “

معلول من 5 سنين في مقابله علي قناه الاهلي قال ان عنده ايمان يوصل لمرحله مع الاهلي انه ميقدرش ابدا يستغني عنه و انه عايز ينهي مسيرته في الاهلي

لكن للاسف ده محصلش و معلول وصل لدرجه فقدان شغف غير طبيعيه !

بس احلي حاجة في نهايه قصه علي معلول في كرة القدم هو تقدير نادي الصفاقسي لي بالرغم انه 35 سنة !

هياخد اعلي راتب في الفريق ! هيلبس رقم 10 رقمه الاصلي !

هيلبس شاره الكابتن عشان بعد 3 سنين يبقي قائد الصفاقسي في احتفال المئويه ، تقدير فخم من الاخر !

علي معلول من الاخر كدة يستاهل افضل نهايه ، واحد من انضف اللاعبين اللي ظهرت في كرة القدم و افخم محترف دخل النادي الاهلي

عبر تاريخه الاهلي هيعرف قيمه معلول تحديدا في الموسم اللي هيبدا ده زي ما عرفوا قيمته برضه بعد ما اتركن دكه

و شوفنا مستويات اللعيبه اللي لعبت باك شمال مكانه و اللي مكانوش عارفين يعملوا اي تقنيه

من اللي كان بيقدمها معلول في كل تلت من الملعب

الموسم الجديد خلاص هيبدا و كله هيظهرمعلول بالمناسبة عمل مع الصفاقسي 82 مساهمه تهديفية في 190 مباراة كل الدعم ل معلول في فترته التانيه مع الصفاقسي

sportnews.it.com