0 Shares

بروفايل مناسب جدا للرجاء تتوقف علي مدي قدرة المدرب علي الاستفادة من إمكانيات اللاعب في منظومة اللعب .

الرجاء كان محتاج لاعب بنفس بروفايل بلال ولد شيخ بشكل مهم جدا وضروري

نوعية الجناح المهاري المميز في ال 1 ضد 1 وفي نفس الوقت يكون جناح مميز في صناعة اللعب من مناطق متاخره من الملعب

الرجاء الموسم الماضي وبعد رحيل يسري بوزوق مكنش عنده الجناح اللى يقدر يسحب الفريق للامام،

اللى يقدر يخلق تفوق للفريق من خلال المواقف الفرديه علي الأطراف

جناح يكون عنده معدل انتاجيه مناسب تحديدا في معدلات صناعة الفرص وفي عمليات الحمل التقدمي بالكره

بلال الموسم الماضي في الدرجه الثانيه الهولندي ساهم في 24 هدف صنع 20 وسجل 4 قدرات كبيره الحقيقه علي صناعة الاهداف

والفرص وهو اكتر 3 لاعب مساهمه في الأهداف في البطولة بينما هو اكتر لاعب صنع اهداف في البطولة ب 20 تمريره حاسمه رقم ضخم.

بروفايل مناسب جدا للرجاء بلال ولد الشيخ

علشان تعرف أن هو لاعب بيميل لصناعة اللعب اكتر هو في نفس الوقت صنع 37 فرصه محققة للتسجيل

اكتر لاعب في البطولة أيضا في نفس الوقت ارسل 420 عرضية اكتر لاعب في البطولة أيضا

ارقام تبينلك خصائص اللاعب والمدرب كان بيستخدمع بشكل جيد في هذه النقطة كصانع العاب علي الأطراف تحديدا

كمان أن هو مميز جدا في موقف التفوق النوعي 1 ضد 1 بلال قدر ينفذ 77 مراوغة وهو تاني اكتر لاعب في البطولة في عدد المراوغات

وزي ماقولتلك هو قادر بشكل مستمر يسحب الفريق للامام لانه من ضمن خصائصه ميزه اسمها ال ball carrying

أو حمل الكره لمسافات وده بيساعد الفريق أن هو يكتسب مساحات جيده في ملعب الخصم بلال عنده رقم مميز

في هذه النقطة بينفذ 6.96 عملية حمل للكره لكل 90 دقيقة رقم مميز أيضا

في نفس الوقت هو أقل حدة في عمليات التهديد المباشر علي المرمي

اللاعب بيقدم مردود أقل في عمليات التسديد هو سجل 4 اهداف فقط

رقم أقل بكتير من عدد مساهماته بالصناعه بيسجل هدف كل 805 دقيقة لعب في نفس الوقت هو بيسدد 0.7 تسديده علي المرمي لكل مباراة

يعني اقل من تسديده لكل 90 دقيقة ارقام قليلة في الفاعليه علي المرمي أيضا بيخسر الكره بمعدل كبير

وصل إلي 20.7 مره لكل 90 دقيقة ممكن ده يرجع أن اللاعب بيطلب الكره كتير

وبيدخل في مواقف فرديه كتير وده بيعرضه لعدد أكبر في خسارة الكره يعني هو بيلمس الكره بمعدل جيد برضو وصل إلي 57.2 مره في المباراه

لاعب جيد عنده مميزات وعيوب واضحه لكنه بروفايل مناسب جدا للرجاء تتوقف علي مدي قدرة المدرب علي الاستفادة من إمكانيات اللاعب في منظومة اللعب

0 Shares