لسه المشوار طويل لكن وضوح رؤية ونظام العمل الاداري للجماهير .. جعلت الجميع متشوق لما هو قادم

فاكرين آروون بوبدينزا ؟

الصفقة تمت وبعدها يدخل فيها كذه وكيل ويبوظوها على بعض وواحد يبعت له مشاكل الزمالك القديمة مع الفيفا

فاكرين كريم البركاوي ؟

الصفقة تمت وبعدها برضو ناس لعبت في دماغه وطلع بعدها بحجة مرض والده وراح جدد للرائد

المرة دي الزمالك خلص تيدي أكوا مقابل كام !

ارقام لا تتخطى مليون دولار سواء شراء او راتب وكل ده للاعب قيمته السوقية 1.2 مليون دولار !

صفقة تمت في سرية بدون وكلاء بدون ما حد يدخل يبوظها

تمت بسهولة احنا مش معتادين عليها اساساً تمتربسكل صادم لصحفيين كتير مكنوش متوقعينها

الزمالك لأول مرة في تاريخه متبقاش تحركاته مستباحة للكل

بل الميديا بتتفاجئ زيها زيك اللي هو ايه ده حصل امتى وإزاي وليه انا معرفتش بدري كل حاجة بتتعرف في لحظة الرتوش الاخيرة

الاجابة في مدير رياضي وفى نظام ووضوح ورؤيه

في 48 ساعة

صفقة محمد اسماعيل – Deal Done ✅
صفقة تيدي أوكوا – Deal Done ✅
وايضا صفقة أحمد ربيع – Deal Done ✅
بيع مصطفى شلبي بـ35 مليون – Done ✅

اهم صفقة في ميركاتو الزمالك هي چون ادوارد بلا جدال

الهيكل الاداري الصحيح والعمل النموذجي والمؤسسي المناسب والاستراتيجيات المدروسة .تكسب

لسه المشوار طويل لكن وضوح رؤية ونظام العمل الاداري للجماهير

جعلت الجميع متشوق لما هو قادم

بالمناسبة چون إدوارد عشان يطبق مبدأ الثواب والعقاب علي
جميع اللاعبين

كان لازم الأول يوفر مستحقات اللاعبين المتأخرة عشان مايكونش عند أي لاعب عذر لإختلاق مشكلة

أو التقصير في مواعيد التدريب

چون صفي كل المستحقات المتأخرة للاعبين عن الموسم
الماض

وبيجهز حالياً نسبة ال ٢٥℅ للموسم الجديد عشان
يبقي في سيطرة كاملة علي اوضه اللبس

والمدير الفني يتفرغ للأمور الفنية فقط

الفترة القادمة هتبقي القرارات حاسمة والعقوبات صارمه

علي أي شخص داخل منظومة الكوره هيخرج عن النص
وعلي الجميع الحذر نادى الزمالكر يسير بنظام جديد يليق بنحجم نادى الزمالك

تيدي اوكو ابجريد عظيم أوي على حقبة زيزو السابقة وبربع مطالب زيزو المالية

فى حقبة زيزو افتقد الزمالك للتفوق النوعي على المنافسين لعدم قدرة زيزو على المرواغة او إعطاء تمريرات خارجه عن السياق

بالنسبة لتيدي هو رابع أكتر لاعب عمل مرواغات فى الدوري السويسري ٢٠٢٥ ب ٦٣ مرواغة

فى ٢٠٢٤ كان سادس أعلى معدل مرواغات فى الدوري السويسري ٢.٦ مرواغة كل ٩٠ دقيقة

٢٠٢٣ كان هداف دوري الدرجة الأولى فى سويسرا ب ١٩ هدف

على مستوى الفعالية والإنتاجية ٥٦ مساهمة تهديفية آخر ٣ مواسم منهم فقط ركلتين جزاء فى مستوى أعلى من عندنا

صناعة فرص محققة للتسجيل ١٥ فرصة محققة للتسجيل اخر موسمين زيزو عملهاف ٣ مواسم

عموما صفقة جلاكتيكوس من العيار الثقيل

Sportnews