وواحد من ابرز لاعبي جيله في المنتخب المغربي اللى بالمناسبة مش سهل ابدا تحجز مكان أساسي في منتخب المغربي حاليا
الناس اللى تابعت بطولتين كاس العالم تحت 17 عام في الجزائر وفي اندونسيا ههتقدر تقيم اللاعب عبدالحميد معالي بشكل كويس
وهتقدر تقف علي إمكانياته بشكل أكثر منطقيا …
معالي كان واحد من ابرز لاعبي البطولتين وواحد من ابرز لاعبي جيله في المنتخب المغربي اللى بالمناسبة مش سهل ابدا تحجز مكان أساسي في منتخب المغربي حاليا
سواء المنتخب الأول أو في الفئات السنيه نظرا للقوة في تنوع اللاعبين في المراحل السنيه المختلفه
كون أن المغرب واحده من اقوي المنتخبات في المراحل السنيه المختلفه ..
لكن الناس تقريبا عاوزه تقيم لاعب مواليد 2007 بناءا علي مستوي لامين يامال صنع كام هدف وسجل كام هدف ؟
بالمناسبة بغض النظر عن مستوي اللاعب لكن التقييم بناءا علي المعدل الرقمي للتهديف
هو أكثر شئ غير منطقي وغير معني في عملية الاسكوتينج عن اللاعبين البرومسينج ..
يعني أنا مفترض كواحد بيقيم أو بيبحث عن لاعب شاب قابل للتطور مينفعش يحط المساهمات التهديفية كمؤشر رئيسي
في التقييم في نقاط كتير مختلفه تقدر تضعها كمقياس للتقيم…
بالمناسبة معالي في بطولة كأس العالم تحت 17 عام في الجزائر سجل هدف وصنع 3 اهداف
(اكتر لاعب في البطولة )وصنع 8 فرص وهو( أكثر لاعب في البطولة) صناعه للفرص
وصنع فرص محققه 2 (اكتر لاعب في البطولة )وقدر يفوز في 37 صراع ثنائي
(أكثر لاعب في البطولة) وقدر ينفذ 15 مراوغة ناجحه (ثاني اكتر لاعب في البطولة)
ابرز لاعبي جيله في المنتخب المغربي
من خلال مشاهدة اللاعب هتلاحظ أن هو مميز اكتر في صناعة اللعب اكتر من كونه جناح مباشر علي المرمي،
بالمناسبة دي نقطة مهمه محتاجها الزمالك ال كان بيعاني بشكل كبير جدا في عدد اللاعبين اللى عندهم القدره علي صناعة الفرص
من مناطق مختلفه من الملعب،معالي بيقدر يصنع من العمق ومن الطرف ..
يعني الزمالك مكنش بيمتلك اي لاعب في قائمة اكتر 15 لاعب صناعة للفرص المحققه في الدوري الموسم الماضي ؟
وده مؤشر سلبي جدا بالتالي وجود لاعبين عندهم القدره علي صناعة الفرص ده شئ مهم وبيعطي اضافه كبيره للفريق،
كمان واضح أن اللاعب ممتاز في المواقف الفرديه سواء في كسب الثنائيات أو في المراوغات …
معالي هو اصغر لاعب يشارك في الدوري المغربي وشارك في عدد مباريات كبير
وده مؤشر ممتاز برضو وان اللاعب يكون جاهز وامتلك شخصيه جيده من توالي المباريات في دوري جيد زي المغربي..
Sportnews
اترك تعليقاً