٢٠٠٤ قدم حسن شحاتة مع المقاولين العرب معجزة من المعجزات الكروية النادرة

٢٠٠٤ ف نهائي كأس مصر ضد الأهلي.. المعلم عمل ريمونتادا ضد الأهلي ف النهائي لأول مرة من ٣١ سنة

الأهلي طوال تاريخة تلت فقط اتعملت عليه ريمونتادا ف النهائي كأس مصر.. ضد الزمالك ١٩٣٢ و الاتحاد ١٩٧٣ و المقاولين نسخة المعلم

ف النصف النهائي المعلم عمل ريمونتادا تاريخية ضد الإسماعيلي وصيف أبطال أفريقيا وأبطال العرب.. الإسماعيلي تقدم بهدفين ورجع المقاولين وفاز

و ف نفس النسخة أقصى الحرس و الترسانة ف نسخة تاريخية

الإنجاز الكبير كان ف السوبر لما وقف سلسلة الا هزيمة المحلية التاريخية للزمالك..

٥٤ ماتش محلي دون هزيمة ع مدار سنة و ١٠ شهور

يعني الفريق درجة تانية عمل ريمونتادا لأول مرة من ٣١ سنة و وفاز ع فريق مبيخسرش محليا من سنة و١٠ شهور عامل ٥٤ ماتش دون هزيمة

الأهلي قبل نهائي الكأس ضد المقاولين أخر ٢٧ سنة قبل الفينال خسر فقط نهائي وحيد.. يعني اللي حصل الفريق درجة تانية دي معجزة بالنظر لقو،، ة الأهلي ف نهائيات كأس مصر ف السنين دي

حسن شحاتة كان أول مدرب ف التاريخ يكسب ثنائية الكأس والسوبر ف موسم واحد

حدث نادر وعمره ما هيتكرر تاني🤍

حسن شحاتة اللي أسس أرث و ثقافة التفوق المصري في بطولات أفريقيا..

منتخبنا قبل حسن شحاتة من التمانيات لحد قبل بطولة ٢٠٠٦ سجل ف الفترة دي ٤٦ هدف ف أمم أفريقيا

لو جيت شيلت التلت نسخ بتوع حسن شحاتة من التاريخ المصري هتلاقي معدلنا التهديفي ف أمم أفريقيا ١.٤ هدف في المباراة

مع حسن شحاتة ف تلت بطولات المنتخب سجل ٤٢ هدف ف ١٨ بمعدل ٢.٣ هدف ف المباراة الواحدة

بعد حسن شحاتة منتخب مصر لعب ٢١ ماتش ف أمم افريقيا نفس عدد ماتشاته ومسجل ٢٠ هدف.. تخيل نسخة أنجولا بس منتخبنا سجل فيها ١٥ هدف

قبل حسن شحاتة كانت الكاميرون عندها تفوق تاريخي علينا ف أمم افريقيا بتلاته فوز مقابل فوز لينا.. وحسن شحاته خلص فترته وانته متفوق ع غريمك الكاميرون

نيجيريا قبل حسن شحاتة كانت متفوقه عليك تاريخيا ف أمم افريقيا بتلاته فوز مقابل فوز ليك وكسبتها مع حسن شحاتة

غانا كانت بردو متفوقه عليك ف أمم أفريقيا كسبتك ماتش واتعادلت معاه ماتش وجيه حسن شحاته وكسبها

الجزائر كانت فايزه عليك ٤ مرات ف أمم افريقيا وانته عمرك ما كسبتها ف أمم أفريقيا غير مع حسن شحاتة ٢٠١٠

حسن شحاته ف تلت نسخ سجل ربع أهداف مصر ع مر التاريخ ف أمم افريقيا

أخر ٤٤ سنة مصر مسجله ١٠٨ هدف ف أمم افريقيا ٣٩% من الأهداف دي سجلها منتخب مصر مع حسن شحاتة

تاريخ مصر ف كرة القدم هو حسن شحاتة 🤍