افضل مدرب فى العالم حاليا
اولا الصحفيين فضلوا يضغطوا عليه امبارح بنفس السؤال
” متحمس لمباراة ريال مدريد في النهائي ؟ “
و يرد عليهم بكل هدوء و يقولهم انا مبفكرش في المباراة دي اصلا
انا مركز فقط علي المباراة القادمه ، عشان يبعد اي ضغوطات عن اللاعبين
ثانيا شاف رافينيا مرهق بدنيا و ذهنيا بعد احداث مباراة البرازيل و الارجنتين
و ركنوا علي الدكة ماتشين ، بلغ اللاعبين في غرفه خلع الملابس امبارح
انهم لازم يكسبوا اتليتكو لاجل رافينيا
فكانت النتيجة ان رافينيا يلعب و يبقي اكتر لاعب صنع فرص في المباراة ب 5 فرص
و برشلونة كسب فعلا و راح النهائي
ثالثا بيدري يقول بعد المباراة ان عمره ما استمتع بالكورة بنفس الشكل ده قبل كدة
و انه في افضل شكل ممكن في مسيرته
رابعا لاعبين زي ايريك جارسيا و فيران توريس و بالدي و جيرارد مارتن و دي يونج و تشيزني
كلهم بقي ليهم لازمه و مفيدين و مقدمين افضل اداء ممكن يطلع منهم
هانز فليك هو المدير المثالي اللي بيحلم يشتغل معاه اي موظف ❤️
لذلك الصورة اللي قدامك دي بتثبت ان هانز فليك مدرب غير عنيد ابدا لرأيه و افكاره و قناعاته 👇
لما جمهور برشلونة انتقد هانز فليك في مباراة الذهاب امام اتليتكو
ومع ذلك بسبب اصراره علي خط الدفاع العالي و هو كسبان
و نتيجه ده استقبل هدف التعادل في الدقيقة 93
كما هانز فليك بعد المباراة قال انه محبط بسبب هدف التعادل ده
لكن بعدها قال جملة تاني في غاية الاهمية بتقول
” نحن فريق شاب أظهر أنه قادر على التطور و سيفعل ذلك “
الصورة اللي قدامك دي من مباراة العودة النهاردة بين برشلونة و اتليتكو مدريد
ولكن برشلونة كسبان 1 / 0 و الدقيقة وصلت 90 ، بص الفرق هنا ؟
هانز فليك قرر ينزل اراخو مكان كوبارسي
على الرغم كمان نزل مارتن مكان يامال
ليه عشان يتراجع بخط دفاع منخفض بزياده لاعب
و هو مارتن كقلب دفاع تالت مع انيجو و اراخو
فليك هنا اولا قفل الاختراق من الاطراف
وجود مارتن غطي علي بالدي ، وجود اراخو غطي علي كوندي
ثانيا خرج كل العرضيات ب اراخو من امام العملاق سورلوث
هانز فليك صلح غلطه مباراه الذهاب و لعب بواقعيه و ذكاء
و اثبت ان برشلونة فريق قادر علي التطور و قادر يلعب باكتر من اسلوب لعب و ينجح به 👏❤️
اهو فيران توريس ده هو دليل قوي ان هانز فليك ده مدرب عالمي من الاخر !
فيران توريس الموسم الماضي مع تشافي بدأ 16 مباراة و قدر يساهم ب 13 هدف
شئ جميل
الاجمل بقي ان فيران توريس الموسم الحالي مع فليك
بدأ 12 مباراة فقط مع برشلونة ، قدر يساهم ب 19 هدف سجل 16 و صنع 3 !
مش بس كدة ده كمان هو هداف برشلونة في كاس ملك اسبانيا ب 5 اهداف في 4 مباريات !
مش بس كدة ده توريس في اخر 4 مباريات مع برشلونة
سجل 5 اهداف منهم مباراتين كان بديل و منهم مباراتين امام اتليتكو مدريد
في الواندا و سجل فيهم !
لك ان تتخيل بقي ان فيران توريس كان حاسم في مباريات كتير في الموسم الحالي
مع فليك ، اتفرج يا سيدي ! 👇
سجل هاتريك في فالنسيا
سجل هدفين امام اتليتكو في ريمونتادا 4 / 2
صنع هدف ذهبي ل رافينيا امام بنفيكا في ريمونتادا 5 / 4
سجل هدفين في دورتموند و كان سبب في فوز غالي في سيجنال ادونا بارك
سجل النهاردة امام اتليتكو هدف صعود برشلونة الي نهائي كاس ملك اسبانيا
عنده اعلي معدل مساهمات تهديفيه في المباراة الواحده في الليجا
بيساهم بمعدل 1.25 هدف في كل مباراة !
عنده اجمالي 23 مساهمه تهديفية في الموسم الحالي مع برشلونة و اسبانيا
لاعب استبن و مش اساسي ، جمهور برشلونة مش حاطط فيه الامل
فجأة اصبح لاعب مؤثر و حاسم في مباريات كتير
هي دي ضريبه التدريب مع هانز فليك 👏❤️
الموسم ده ممكن يبقي تاريخي حرفيا ! 🤯
لحد دلوقتي اتلعب 2 كلاسيكو بين ريال مدريد و برشلونة 👇
كلاسيكو الدوري و خلص 4 / 0 لبرشلونة
كلاسيكو نهائي السوبر و خلص 5 / 2 لبرشلونة
عايزك تتخيل معايا اننا ممكن نشوف 3 كلاسيكو كمان الموسم ده في ظرف شهر واحد فقط ! 😮
يوم 26 ابريل : كلاسيكو نهائي كاس ملك اسبانيا
وكمان يوم 11 مايو : كلاسيكو العودة في الدوري
يوم 31 مايو اذا تأهل الفريقين الي نهائي دوري ابطال اوروبا
و دي بالمناسبه مش بعيده خالص
موسم برعاية الكلاسيكو ، المباراة الاقوي و الاعظم في تاريخ كرة القدم ❤️
هترفع خط دفاعك قدامه ؟
وكمان هيكسبك اداء و نتيجة
هتركن الاتوبيس و تدافع ؟
وايه هيكسبك اداء و نتيجة
هتمسك الكورة قصاده ؟
هيكسبك اداء و نتيجة
وبرضوا هتقلبها شحن و التحامات و جو جون سينا ده ؟
هيكسبك اداء و نتيجة ، لدرجة ان سيميوني فريقه مقدرش يسدد
اي كورة علي مرمي تشيزني النهاردة ! 🤯
من الاخر برشلونة مع الراجل متعرفش يعني ايه ظروف صعبه
تخيل برشلونة مع الراجل ده فريق راجل مبيخافش من حاجة
برشلونة مع الراجل ده تم استرجاع هيبتها
وبرضوا برشلونة مع الراجل ده متصدرين الدوري
برشلونة مع الراجل ده في نهائي كاس ملك اسبانيا
برشلونة مع الراجل كسبوا السوبر الاسباني
وكمان برشلونة مع الراجل ده اقوي هجوم في اوروبا
برشلونة مع الراجل ده هم الفريق الوحيد اللي مخسرش في سنة 2025
21 مباراة علي التوالي بدون هزيمه ! 🤯
كل ده بصفقة لاعب مصاب طول الموسم
و بحارس مرمي راجع من الاعتزال و مدخلش تحضيرات !
اتحداك انك تجيبلي مدرب افضل و امتع و اقوي من هانز فليك الموسم ده ❤️
منتج من الطرف و من العمق
صنع هدف ل توريس بتمريره بينيه عالميه
اكتر لاعب صنع فرص : 3 فرص
اكتر لاعب كسب ثنائيات : 5 مرات
عامل شوط امام اتليتكو فوق الممتاز و محتوي غشامتهم علي الاخر !
مساهم ب 32 هدف في الموسم الحالي
مساهم ب 45 هدف مع برشلونة
اكتر لاعب عمل مراوغات صحيحه في دوريات اوروبا الكبري
لامين يامال و هو 17 سنة قادر يعمل كل ده
هو ده اللي بيقولوا عليه الطفل المعجزه ❤️
تعريف الموهبة المطلقة في مشهد سنيمائي واحد !
اسيست يامال الساحر لفيران توريس ! مستحيل يكون اسيست لاعب بعمر 17 عام !
مفيش لاعب جيه في تاريخ اللعبة بالعمر ده بيعمل حاجات زي دي !
موهبة متوحشة بكل ما تعنيه الكلمات🙆🏻♂️
برشلونة تحت قيادة السيد هانز ديتر فليك امام الكبار هذا الموسم 👇🏻
✅ كسب بايرن ميونيخ 4-1
✅ كسب ريال مدريد 4-0
* كسب بروسيا دورتموند 3-2
✅ كسب ريال مدريد 5-2
✅ كسب بنفيكا 5-4
* كسب بنفيكا 4-1
✅ كسب اتليتكو مدريد 4-2
✅ كسب اتليتكو مدريد 1-0
احد اهم اثباتات انك الافضل .. انك تتفوق على الكبار
فليك هو مدرب الموسم بلا شك🤝
.. فرقته طايحة في الكل .. واقف على رجله بدني وفاتح على الرابع
وكمان فريقه غشيم وحاد ومانع على منافسيه ألتقاط الانفاس
وكل قرارات افراده ذكية وكلهم ملتزمين تيكتيكياً
فريق محترم اولا كرويا وبيتعامل مع منافسيه بشراسة عجيبة
حتى اتليتكو سيميوني ظهر زي العصفور الصغير قدامه
هانز فليك لازم يبقى محاضر دولي ويعمل كتب ودورات تدريب
يشرح لينا هو عمل ايه بالظبط في شهرين البري سيزون مع برشلونة
عشان يكون ده المنتج النهائي ! فريق وصل لابريل
بقائمة مهترئة وبيلعب بأسلوب ساحق بدنياً ورغم كده لاعيبته واقفة على رجلها
افضل مدرب في العالم دلوقتي..
كل حاجة وصلها برشلونة الموسم ده .. بفضل هذا الرجل .. هانز ديتر فليك