منتخب مصر لكرة اليد سيدات حقق انجاز عظيم
المشهد اللي قدامك ده تاريخي بكل المقاييس !
منتخب مصر لكرة اليد سيدات حقق انجاز عظيم النهاردة و فاز علي الدنمارك ملوك اللعبه بنتيجة 23 / 22 في بطولة العالم تحت 18 سنة عشان مصر تصعد الي ربع النهائي و هي متصدره المجموعه علي الدنمارك و فرنسا بدون اي هزيمه !
المنتخب ده فعلا بطل في كل تفاصيله ، اتأخرنا مرتين في النتيجة بفارق هدفين و كنا ناقصين لاعب بايقاف دقيقتين ، لكن كل مرة كانوا بيبقوا هاديين و بيرجعوا في النتيجة بدون اي توتر ، شخصيه جباره حرفيا !
منتخب مليان مواهب حقيقيه ، ملك ابو يوسف عظيمه في التوغل و الانهاء لدرجة انها سجلت 8 اهداف النهاردة ، جويريه و ميرنا اتسببوا في 5 اهداف فاست بريك بسبب براعتهم في قطع مسارات التمرير ، جيداء سلامة حارس مرمي اسطوري و كانت سبب رئيسي في الفوز ب 15 تصدي بحالهم !
بعيدا عن كرة القدم ، ف احنا محتاجين ندي البنت دي حقها اعلاميا !
البنت دي هي ” جيداء سلامة ” حارس مرمي نادي الطيران و منتخب مصر لكرة اليد ناشئات و اللي عامله حتي الان اداء اعجازي في بطولة العالم مش واخد حقه حرفيا !
جيداء لعبت لحد دلوقتي 5 مباريات و منزلتش ولا مرة فيهم عن نسبه ال 30% في التصديات بالرغم انها لعبت امام اعاظم القوم زي الدنمارك و فرنسا و كوريا و تخيل ان جيداء هي اكتر حارس مرمي عمل تصديات في البطولة ب 56 تصدي !
مش بس كدة ، جيداء النهاردة امام الدنمارك وصيف العالم قدمت اداء تاريخي بمعني الكلمه ، عملت 15 تصدي من 35 تسديده بنسبة نجاح 43% ، ما شاء الله تكوينها الجسماني مبهر و اطرافها الطويله مع قدرتها علي تكبير حجم الجسد عشان تقفل كل زوايا المرمي مع رد فعل مثاليه هو اللي مخليها مهيمنه علي حراس البطولة و بسبب حضورها القوي مصر تأهلت الي ربع نهائي البطولة لاول مرة !
هي دي المواهب اللي الاعلام لازم يسلط الضوء عليها ، جيداء بطلة و الف بطلة
sportnews.it.com
-
منتخب مصر لكرة اليد سيدات حقق انجاز عظيم
منتخب مصر لكرة اليد سيدات حقق انجاز عظيم
اترك تعليقاً إلغاء الرد