المغرب طورت المدربيين

المدربين الشاطرين الناجحين اللي قدامك دول قدروا يثبتوا بوضوح ان المغرب سبقت مصر باميال في كرة القدم !

المدرب اللي فوق ده هو ” طارق السيكتوي ” مدرب منتخب المغرب اللي هيلعب نهائي كاس العرب ، اما المدرب اللي تحت ده هو ” جمال سلامي ”

مدرب منتخب الاردن و اللي برضه هيلعب نهائي كاس العرب ، و تخيل ان الاتنين مدربين مغاربه !

لو جيت بصيت علي الثنائي ده هتلاقي مسيرتهم بدأت في المغرب عادي و دربوا انديه مغربيه كتير ، يعني هما منتج محلي مشتغلوش في اوروبا ولا حاجة

بس الثنائي ده احترم العلم و درسوا كل رخص التدريب و معاهم حاليا اعلي رخصه تدريب و هي Uefa pro !

مش بس كدة ، ده كمان الجامعة المغربيه طورت المدربين و عملوا شراكه تراخيص مع الاتحاد الاوروبي لان لازم اي مدرب فئات سنيه يكون معاه رخصه و كمان عملوا توحيد لاسلوب اللعب عشان اللاعب يكبر و ينضج علي نظام واضح !

احنا بقي في مصر لسة مدرب المنتخب الاول و التاني معاهم الرخصه الافريقيه و مفيش حد فكر يطور من نفسه ولا حتي الاتحاد وفر للمدربين فرص افضل

احنا لسة شايلين موبايل النوكيا و فرحانين بيه عشان بكاميرا في وسط ما المغرب اشترت ايفون 17 برو ماكس و جاهزين يشتروا ال 18 لما ينزل ، المسافه بقت بعيده اوي حرفيا !

sportnews.it.com