ميسى
فرحة ميسي اللي قدامك دي مكنتش بسبب فوز ببطولة او حتي تسجيل هدف في نهائي بطولة
لكن بسبب تسجيله لهدف التعادل لفريقه انتر ميامي امام تورونتو في الدوري الاميركي اليوم
الشغف اللي كان عند ميسي في المباراة دي مكنش طبيعي دون أدنى شك
انت بتتكلم عن لاعب جعان كورة حرفيا لدرجة انه عمل اداء مثالي و فوق الوصف ! 😮👇
سجل هدف
اكتر لاعب صنع فرص ب 5 فرص !
اكتر لاعب راوغ بشكل صحيح ب 5 مراوغات !
وكمان اكتر لاعب كسب ثنائيات : 7 ثنائيات !
اكتر لاعب مرر للتلت الاخير : 12 تمريرة !
اكتر لاعب سدد : 8 تسديدات
المفاجأة بقي ان ميسي يدوب لعب 29 مباراة في الدوري مع انتر ميامي منذ انضمامه
قدر يساهم ب 44 هدف كاكتر لاعب ساهم باهداف في تاريخ النادي
متجاوزا هيجواين اللي ساهم ب 43 هدف في 67 مباراة
اقل من نص عدد المباريات ، متخيل !
المفاجأة التانية
ان ميسي لعب في كاريره بالكامل 1091 مباراة
قدر يساهم ب 1237 هدف ، سجل 856 و صنع 381 كاكتر من ساهم و صنع في تاريخ كرة القدم !
ميسي اه راح امريكا عشان يتدلع و يروق دماغه ميسي اه بيلعب علي الواقف و برجل واحدة
ميسي اه بيكبر في السن و جسمه مبقاش يساعده لكن ما زالت موهبته أعلى من الجميع
ما زال يمتلك الشغف للامتاع و الاستمتاع
ما زال افضل و امتع من يروض هذا المجسم الدائري بل و ما زال مستمر في كتابة فصول دسمة اخري من تاريخ هذه اللعبة ❤️
ميسي لعب 47 مباراة مع انتر ميامي في كل البطولات
ساهم ب 60 هدف
سجل 40 و صنع 20
كاكتر من ساهم و سجل و صنع في تاريخ النادي 🙂
بص دي كدة ميسي بدأ 3 مباريات فقط في الدوري الاميركي الموسم ده ، قدر يساهم ب 5
اهداف ، التاني في الدوري كله تحت سواريز بفارق هدف و بفارق 3 مباريات لصالح سواريز 🙂
افضل لاعب فى العالم ليونيل ميسى