مرموش هو اكتر لاعب متضرر من الشكل الحالي للمنتخب
لان الوضع الحالي غير مناسب مع بروفايل مرموش سواء كان في نظام اللعب نفسه
أو في مركزه ال بيشارك فيه ..
مرموش بيشارك مع المنتخب كجناح ايسر وده الجناح ال في كل مره مرموش بيثبت
أن هو مش مميز فيه ومبيقدرش يقدم اضافه فنيه،
مرموش مميز في الانطلاقات المباشره في الممرات الداخليه
أو التحرك في ضهر المهاجم كمهاجم ثاني او تحرك في ضهر المدافعين في التحولات الهجومية..
وجوده كجناح ايسر محجم قدراته وكمان احنا مبنقدرش نخلق السياق ال هو قادر يتحرر فيه
يعني مثلا كل مدرب في حياة مرموش حاول يستفاد من إمكانياته بشكل معين
في فرانكفورت الفتره ال توهج فيها وكان اكتر لاعب مساهمه في الأهداف في الدوري الالماني
كان بيستخدم مرموش كمهاجم ثاني او كمهاجم وحيد..
ولكن نظام لعب الفريق هجوميا كان مبني علي التحولات السريعه
وان فرانكفورت وقتها كان اكتر فريق سجل من التحولات الهجومية السريعه
،مرموش كان ظاهر بشكل ممتاز في الاسلوب ده نظرا لقدرته علي التحرك في ضهر المدافعين
وانطلاقاته القوية في الفاست بريك فكان أسلوبه مناسب مع أسلوب الفريق حينها وقدر المدرب يستغل نقطة قوته..
طيب لما اتحرك للسيتي مع بيب جوارديولا تحدي جديد مع فريق اسلوب لعبه مختلف تماما عن فرانكفورت
ومدربه أكثر صرامة تكتيكيا،السيتي بيعشق الاستحواذ علي الكره لفترات طويلة
عكس فرانكفورت ال لعبه مباشر اكتر فكان الرهان هنا ازاي بيب جوارديولا هيقدر يستخدم مرموش في النظام الجديد..
جوارديولا بيستخدم هيكل 3-2-5 اثناء الحيازه هو هنا استخدم مرموش في الممر الداخلي الايسر
وده لكذا سبب منهم أن هو عاوز يستغل انطلاقاته العمودية بدون كره أو قدرته علي قطع مسافات بالكره
،او ان هو يتحرك كمهاجم ثاني في ضهر هالاند ويستغل تحرك المدافعين معاه …
كل مدرب حاول بشكل أو بآخر استغلال إمكانية مرموش
لكن احنا هنا مش قادرين نستغلها ولا قادرين نبروزها
ومرموش بيقدم أداء باهت جدا مع المنتخب
لاننا مش قادرين نخلق له السياقات الفنيه ال يقدر يظهر فيها
لان حتي مرموش لما بيدخل للعمق هو مش متحدد للمنتخب يعمل ايه في اللحظه دي
او يستفاد منها ازاي …
الشى الجميل بقااااا
كل مرة منتخب مصر بيلاعب فيها منتخب افريقي تصنيفه ضعيف
و لعيبته بتلعب في فرق هواه في دوريات مغموره دايما بنشوف مشهد واحد
و هو تجمع لاعبين المنتخب ده حول محمد صلاح
اللي عايز يتصور معاه ، اللي عايز ياخد التيشيرت بتاعه
بتبقي فرصه ذهبيه ليهم انهم يقابلوا نجم عالمي مكسر الدنيا في الدوري الانجليزي
و بيعتبر مثل اعلي ليهم ، بيعملوا ذكريات معاه لانهم مش هيقدروا يشوفوه مره تاني
امبارح بقي بعد مباراة مصر و سيراليون حصل نفس المشهد المعتاد مع محمد صلاح
لكن المختلف المرة دي ان نفس المشهد ده حصل مع نجم تاني اسمه عمر مرموش
مرموش اللي قدر بمجهوده يوسع الدائره دي
قدر يحقق شئ صعب و استثنائي كان مكتوب ب اسم محمد صلاح
لحد ما فعلا زهقنا ان القوس مفهوش غير اسم واحد بس
التفاف لاعبي سيراليون حول نجم مصري تاني كمثل اعلي بيلعب في اكبر الفرق في الدوري الانجليزي
و اسمه مش محمد صلاح ده حدث كان نادر الحدوث و يحسب و بشده ل عمر مرموش 🇪🇬👏❤️
تعامل القارة مع نجومك تعامل مختلف ..
ده لان اللي حققوه مش شئ هين بتاتاً
.. بالنسبة لهم اللي حققوه هو الرول موديل لحلم اللاعبين في افريقياده يعرفك قيمة اللي حققه صلاح
ومن بعده مرموش ويعرفك ان هو ده الرول موديل الطبيعي للنجاح في المجال
.. الاحتراف والوصول لاعلى مستويات وتحقق ارقام والقابكل ده محتاج عقلية حقيقية وموهبة فذة
ورغبة في النضج والتطور والوصول لاعلى المستويات الممكنة
وتحقيق ما يمكن تحقيقه من مرموش استحق اللحظة دي اللي منافسه يجري عليه
ويطلب يتصور معاه عشان يحسن من جواه بنشوة اللي حققه♥️
شئ جميل بالمعنى الحرفى دون أدنى شك
