عندي مشكلة كبيرة مع اقتناع حسام حسن بنوعية لاعبي الوسط

حسام حسن بيعتمد على لاعبين قدراتهم الاساسية تتمحور في مطاردة الكورة او ball recovery ..

انا معنديش مشكلة .. بس عشان تقدر تسهل ده عليهم

وتخليهم فعلاً يعملوا معدلات استرجاع عالية للكورة

حسام لازم في الاول يبقى هيكلك كومباكت متقارب الخطوط عشان

خطوطك كل ما هتتقارب كل ما هتقل المساحات اللي هتحاول اللاعيبة دي تسترد الكورة فيها

ومن هنا تتزايد معدلاتهم المشكلة هنا ان منتخب مصر لعبه مباشر جداً مع حسام حسن

فى نفس الوقت خطوطه بعيدة عن بعض لان كابتن حسام حسن بيلعب بهيكل مرن

مش هيكل كومباكت بالتالي في مساحات شاسعة بين الخطوط والمنتخب بيضغط وبيسترجع الكرة في مساحات اضخم بكتير

.. بالتالي الـfunction بتاع لاعبي الوسط اللي اختارهم حسام حسن عشانه مش هتقدر تستفيد بيه

حتى لو معدلات ركضهم هائلةالنقطة اللي عندي فيها مشكلة

ان خط وسط فيه حمدي فتحي ومروان عطية ده خط ضعيف على مستوى تطوير الهجمة ..

في الاهلي مثلاً اللي بيطور الهجمة امام عاشور فخط وسطك لازم على الاقل يكون فيه لاعب بيطور الهجمة

زي محمود صابر كمثال .. لاعب بخصائص ريجيستا يقدر يقف على الكورة ويقاوم الضغط وياخد تمريرات مجازفة

التفصيلة دي مهمة جداً لان كل منتخبات افريقيا خط الوسط عندها واحد ريجيستا وواحد تخصص استرجاع كرة

.. لكن الاتنين تخصص استرجاع كرة !!حسام حسن لازم يعيد الحسابات

هيبقى حلك الوحيد للتدرج وقتها هوانك تنزل صلاح ومرموش وزيزو لنص ملعبك

عشان ياخدوا الكرة وينقلوك للامام !التفصيلة دي مهمة جداً !

المغرب كمثال عندها سفيان امرابط بيسترجع كورة

وعز الدين اوناحي بيطور هجمة ..

السنغال عندهم اتنين نص ملعب ما شاء الله بيعملوا الحاجتين بنفس الكفاءة لامين كامارا وبابي ساو..

كوت ديفوار عندها فرانك كيسيه وابراهيما سينجاري وهكذا…..

فى جزئيه مهمه الناس اللى بتنتقد عمر مرموش بالأمس

مرموش ظهر بشكل شاحب امبارح

نرجع نشرح السبب مرموش في فرانكفورت كان مهاجم حر roaming

وفي مانشستر سيتي بيلعب تحت هالاند كلاعب حر roaming

برضو كلا المدربين سواء دينو توبمولر مدرب فرانكفورت

او بيب جوارديولا مدرب مانشستر سيتي عارفين انسب وضعيات لعمر وهي انه مينفعش يتزنق في الخط

وبرضوا مينفعش تلاعبه جناح الا اذا كان في ظهير ماسك الخط عشان هو يقدر يضم للداخل

مرموش امبارح كان بيستلم كتير في وضعيات غير مريحة + ان الظهير اللي كان بيلعب وراه مش ظهير فاتح الخط

ده كان ظهير بيعمل اندرلاب وبيهاجم العمق عادي

لانه مش ظهير اصلاً ده جناح وسلوكه هجومي بحتعشان تقدر تستفيد من مرموش صح ؟

لازم يتم تحريره بشكل اكبر وياخد مساحة حركية اكبر خصوصاً في انصاف المساحات وتمرر له الكرة بين الخطوط

الملعب ميقدرش يشيل زيزو وصلاح وتريزيجيه ومرموش ومصطفى مع بعض ..

sportnews.it.com

هتلاقي واحد او اتنين منهم على الاقل خارج الخدمة!

اتمنى ان العميد يدرك اهميه الأمر دا كويس فر قادم المواعيد

وان شاء الله تعالى مصر فى كاس العالم

كل الدعم للعميد حسام حسن دون أدنى شك