بيدري افضل لاعب وسط شامل ومتكامل فى العالم

في مفارقه جميلة مع بيدري

بيدرى الشاب الكيوت صاحب الجسم الصغير وال إمكانياته بالكره عظيمه جدا

لكن بدون كره الناس كانت بتقول أن هو أقل حدة وشراسه

علشان تخرج علينا احصائية جميلة اوي ..

وهي possession won أو كسب الاستحواذ

وهي احصائيه خاصه بقدرات اللاعب علي استعادة الكره مره اخري لفريق

عاوز اقولك أن بيدري الشاب ال معندهوش عضلات في كتافه ده هو اكتر لاعب في الدوريات الخمس الكبري استرجاع للكره 😅

اه والله زي ما بقولك ب 227 عملية استرجاع وبفارق 35 مره عن أقرب لاعب له

الكوره مش محتاجه زيادة الكتله العضلية

ولا مجهود بدني كبير لكنها محتاجه ذكاء انك تكون لاعب ذكي وواعي ده كافي

وده ال موجود عند بيدري قدراته علي قراءة المشهد واستكشاف الملعب

بشكل مستمر وتوقعه للكره بيجعله بشكل مستمر قادر يتواجد في المكان الصحيح ….

طبعا ده بجانب اسلوب لعب الفريق ال بيعتمد بشكل كبير علي الضغط العكسي الشرس

كواحد من اقوي أسلحة الألماني هانز فليك

وده ساعد أن ارقام بيدري تتبروز بشكل أكبر ..

في العالم حاليا بيتواجد لعيبة وسط كتير لكن بيتوجد بيدري واحد فقط ❤️🔥

هل الناس بتبالغ في تقدير بيدري ؟

وهل بيدري مجرد آلة روليت بتدور حول نفسها وبس مفيش منه فائدة؟

حتى في حالات التقليل من بيدري ..

الارقام بتتكلم وبتديله قدر مهول من الانصاف ..

وده بعيد عن التحليل الفني اللي بيستهدف تحليل سلوكياته بالكرة وبدونها داخل الملعب

على اليمين هتشوف تقييمات بيدري في المباريات الاخيرة ..

ابهار بالمعنى الحرفي ومستوى تكامل مبهر وصل له

كلاعب وسط تميز في ادوار الريجيستا والمحور الدفاعي

بيدري في مباراة سيلتافيجو استرجع الكرة 17 مرة

وفي مباراة مايوركا استرجعها 18 مرة ..

قدرات خرافية في استرجاع الكرة الثانية ..

انك توصل لـ35 مرة في ماتشين ده رقم مهول

في مباراة مايوركا عمل 6 فرص ..

في مباراة اتليتكو صنع 4 وفي مباراة دورتموند الذهاب صنع 3 وفي مباراة ليجانيس صنع 3 وكلها من لعب مفتوح !

مستوى التمرس اللي وصله بيدري اصبح مرعب ..

وصلت قدراته لمستوى مهول وحقيقي يستحق كل مستويات الثناء♥️👏🏻

انا عايزك تتخيل معايا انه تم اختيار بيدري دلوقتي كافضل لاعب في الليجا في شهر مارس

طب فين المشكله ؟ 👇

تخيل ان بيدري لعب 4 مباريات في الليجا في شهر مارس

مسجلش ولا هدف ، ايوة ولا هدف !!!

صنع هدف واحد بس امام اتليتكو مدريد

في المقابل ليفاندوفسكي سجل 5 اهداف و توريس سجل 4 اهداف في الشهر ده !

بس عشان ليفاندوفسكي و توريس يسجلوا الاهداف دي

كان لازم لاعب زي بيدري ، لاعب قدر يطلع الكرة للتلت الاخير 58 مرة بمتوسط 14.5 مرة في المباراة ! 😧

بيدري كسب الجائزة دي مش عشان بيسجل اهداف

لكن عشان اكتر لاعب بيساعد فريقه انه يسجل اهداف

ده بخلاف ان مفيش لاعب في الليجا كورته انضف من بيدري ❤️
الواحد بيتفرج علي مباريات برشلونة عشان يتفرج علي بيدري مخصوص حرفيا !

مصطلحات زي اللاعب الشامل و اللاعب المتكامل اتعملت مخصوص لاجل بيدري

لاعب بيعرف يعمل كل حاجة في الكورة في اي وقت و تحت اي سياق

انا عايزك تتخيل معايا بس ان بيدري عمل كل الكلام ده في مباراة مايوركا النهاردة بس 👇

اكتر لاعب صنع فرص برصيد 6 فرص
تاني اكتر لاعب راوغ بشكل صحيح برصيد 3 مراوغات
اكتر لاعب مرر الكرة للتلت الاخير برصيد 20 مرة
اكتر لاعب استرجع الكرة لفريقه برصيد 18 مرة

منبهرتش صح ؟

طيب تعالي اخليك تتصدم حرفيا باللي عملوا بيدري لحد دلوقتي في الليجا

صدقني هتتصدم صدمه عمرك ! 🤯👇

اكتر لاعب وسط عمل تمريرات
اكتر لاعب وسط عمل تمريرات تقدميه و عموديه
وكمان اكتر لاعب وسط عمل تمريرات طوليه
اكتر لاعب وسط عمل تمريرات للتلت الاخير
اكتر لاعب وسط عمل تمريرات الي منطقه الجزاء
وايه اكتر لاعب وسط عمل تمريرات بينيه
اكتر لاعب وسط عنده معدل اسيستات متوقعه xA

اكتر لاعب وسط صنع فرص
وبرضوا اكتر لاعب وسط عمل مراوغات صحيحه
اكتر لاعب وسط عمل افعال هجوميه ناجحه

منبهرتش صح ؟

طب تعالي اصدمك و اقولك ان اكتر لاعب في الليجا استرجع كرات لفريقه في مباراة واحدة هو بيدري ب 18 مرة ، عارف مين التاني ؟

التاني بيدري برضه برصيد 17 مرة امام سيلتا فيجو ،

طب عارف مين اكتر لاعب في الليجا عموما ؟ ، برضه بيدري ب 227 مرة ! 🤯

طب تعرف ان بيدري كسب جائزة رجل المباراة 16 مرة في اخر 26 مباراة لبرشلونة !

من الاخر كدة

لا يجوز لاحد ان يقول علي نفسه لاعب وسط شامل الا بيدري ، بيدري فقط ❤️

نطاق الرياضه-موقعكم ومصدركم الاول