الكابتن حمادة امام صاحب أعلى سجل تهديفي في تاريخ الزمالك خلال سيزون محلي واحد
سيزون ١٩٦٣ سجل الأسطورة ٢٤ هدف ومحدش لحد دلوقتي عدى الرقم دا ف البطولات المحلية مع الزمالك
كابتن حمادة صاحب تاني أعلى سجل تهديفي خلال سيزون واحد في تاريخ الزمالك ف البطولات الرسمية بعد حسام حسن ٢٠٠٢
كابتن حمادة تاني أكتر لاعب ف تاريخ الزمالك سجل ثنائيات ١٨ ثنائية.. وأحتاج العندليب أكتر من ٣٠ سنة علشان يكسر رقم الأسطورة
كابتن حمادة كان أول لاعب ف تاريخ الزمالك يكسر حاجز ال ٢٠ هدف ف موسم واحد.. وكان الرقم القياسي بأسم الكابتن علاء الحامولي ب ٢٠ هدف ف الخمسينات
من سنة ٦٠ لحد دلوقتي كابتن حمادة أكتر من سجل هاتريك مع الزمالك ف الدوري
من سنة ١٩٦٣ ل ١٩٦٦ خلال اربع مواسم ف الدوري كابتن حمادة سجل ٦٠ هدف ودا كان بيعادل ٣٢% من أهداف الزمالك ف الفترة دي
ضد الكبار خلال فترته.. سجل ع الأهلي ٦ أهداف.. هاتريك ع ويست هام.. سجل ع توتنهام.. سجل ضد الترسانة اللي كان منافس مباشر ف الستينات ١٢ هدف
من الدقيقة ٨٠ ل الدقيقة ٩٠ سجل ملك اللحظات الحاسمة ١١ هدف
سنة ١٩٦٥ اللي كسب فيها الزمالك الدوري سجل الأسطورة ٤٤% من اهداف الزمالك.. ١٨ هدف ف ٢٢ ماتش
سجل سبع أهداف ف بلاي اوفس لتحديد لقب الدوري
لو الدنيا مشيت طبيعي ومفيش إيقاف اللي حصل للدوري لسنوات طويلة كان زمان كابتن حمادة مسجل +٢٠٠هدف مع الزمالك
صاحب الأرث الأعظم في تاريخ الزمالك 🤍