محمد عبدالمنعم افضل مدافع مصرى حاليا دون ادنى شك

معلومات شخ
الاسم الكامل	محمد عبد المنعم السيد محمد أحمد
الميلاد	1 فبراير 1999 (العمر 26 سنة) الزقازيق الشرقيه مصر
الجنسيه	مصر
مركز اللعب	قلب الدفاع
الطول	1.84 م (6 قدم 0 بوصة)

لاعيب خامه محترمه جدا

انا عايزك تتخيل معايا ان محمد عبد المنعم ملعبش مع نيس لمدة 7 مباريات متتالية

تحديدا من يوم 5 فبراير الماضي بسبب اقتناع مدرب نيس بمدافع زي دانتي عنده 41 سنة !

دانتي بقي اتطرد امام موناكو الاسبوع الماضي

و اضطر مدرب نيس يلعب بمحمد عبد المنعم النهاردة 5 ابريل 2025 في مباراة نانت

المفاجأة بقي ان محمد عبد المنعم النهاردة قدم اداء عالمي

بالرغم من عدم مشاركته في الفتره الاخيره !

اولا اكتر لاعب مرر بشكل صحيح بواقع 92 تمريرة

ثانيا مرر 16 تمريرة الي التلت الاخير

ثالثا اكتر لاعب كسب ثنائيات في المباراة بواقع 14 ثنائيه ، غول ما شاء الله !

رابعا عمل 6 استخلاصات ناجحه

خامسا استرجع الكرة لفريقه 8 مرات

تخيل عبد المنعم مبيلعبش بقاله شهرين

و اول ما نزل يلعب النهاردة كان احسن مدافع في نيس

و بفارق كبير كمان ، كل الدعم لافضل مدافع في مصر

الشئ الوحيد اللي محتاج محمد عبد المنعم يتطور فيه في الاحتراف هو مواجهات ال 1vs1

منعم بيميل بشكل مبالغ جهه الكرة و بيفقد رؤيته ليها اول ما المهاجم بيحركها عكس اتجاهه

كمان عنده مشاكل بدنيه في تأخير تغيير وضعيه جسمه

كل ده طبعا بيحصل بسبب قلة مشاركته

بالتالي لسة بيتفاجئ و بيتصدم من مواقف معينه بتحصل في الملعب

بيقولوا في احتمال ان نيس يوافق يبعت منعم اعاره استثنائيه للاهلي

في كاس العالم للانديه

اكتر لاعب محتاجه الاهلي حقيقي هو محمد عبد المنعم

الاهلي باسماء المدافعين الحاليه مش هيقدر يعمل حاجة في المونديال ده

نفسي الاتنين دول يخرجوا برة فرنسا خالص

مش قادرين ياخدوا فرص كافيه

ولا هيقدروا يتطوروا بشكل كافي

بالمناسبة : مصطفي محمد كان بديل النهاردة مع نانت

من ال ١٤ ثنائيه بتوع النهاردة

منعم كسب ٧ من اصل ١٠ علي الارض

كسب ٧ من اصل ١٠ في الهوا

ممتاز

افضل مدافع فى مصر

sportnews.it.com