لويس كامبوس رائد المشروع الحديث لباريس
اللي قدامك ده اسمه لويس كامبوس ..
رائد المشروع الحديث لباريس سان جيرمان 👏🏻
ماذا فعل لويس كامبوس ؟
وصل كامبوس لباريس في 15 يونيو 2022 وكان الهدف من
وصوله انه يعمل مشروع حقيقي لباريس. خصوصاً بعد الفشل المستمر في تحقيق دوري ابطال اوروبا
كامبوس قال كده بالحرف للخليفي ..
باريس ملوش قيامة في ظل كونه مكتظ بالنجوم ..
وفعلاً الفريق كان فيه اسماء كتير كبيرة !
ميسي .. نيمار .. امبابي .. فيراتي .. ماركينيوس .. حكيمي .. راموس .. كيلور نافاس
كامبوس اول شئ قرر القيام به هو تسريح اي لاعب عمره يتخطى الـ30 عام !
بجانب تسريح النجوم العجائز
ومن الموسم التالي قرر باريس يتبع السياسة دي في تعاقداته وتغيير جلده بالكامل
رحل راموس وميسي عن باريس وتم بيع نيمار للهلال وبيع كيلور نافاس لنوتنجهام فورست وفيراتي لقطر
في المقابل النادي ركض خلف دوناروما ونونو مينديش
وفيتينها وجواو نيفيز ورويز وديمبلي وباركولا وتم تصعيد زائير ايمري
وبعدها النادي اكمل تعاقداته بكڤاراتسيخيليا وديزير دويه
وباتشو وبيرالدو وكان كامبوس اشترط على الخليفي ضرورة بقاء كيليان امبابي
بحيث ان المشروع ده مع مدرب زي انريكي وبالاسكواد ده يحقق الابطال ..
بس كيليان رحل عن باريس .. تخيل لو كان كمل !
باريس ناوي يكمل بالسياسة دي وهي دي رؤية كامبوس
اللي حولت الفريق من معسكر نجوم عمرها متقدم فى السن لفريق كله شباب واعد كابتنهم ماركينيوس
هو ده المدير الرياضي التمام👏🏻
چواو نيڤيز على قصر قامته كسبان 80٪ من ثنائياته الـيوم !
بـ60 مليون فقط !
انا لم ارئ لاعب وسط في حياتي قصير بالشكل ده (173 سم) بإستثناء كانتي ومكاليلي
بس فى نفس الوقت كابوس في الثنائيات والافتكاكات بالطريقة دي !
چواو نيڤيز على الرغم من قصر قامته كسبان 80٪ من ثنائياته الـ10 اليوم !
فى نفس الوقت الولد عامل 5 افتكاكات صحيحة من اصل 6
مفيش مرة تمت مراوغته
واستخلص كورة من امام ميرينو جوا الستة ياردة كأنه جراح مش لاعب كورة !
النقطة ان الولد خطير بالكورة برضو ده صنع 3 فرص وله محاولة واحدة !
الباكيدچ ده كله 20 سنة بس !
فابيان رويز اصلاً جامد من ايام نابولي ولاعب وسط يتاقل بالذهب
وبدون مبالغة اندريتيد جداً ومفيش دراويش حواليه
ومكنش مقدر قيمته غير بس متابعين الكاليتشو اللي شافوا فيه لاعب كبير!
ومع ذلك لا يمكن ان تنكر التطور المهول اللي حصل له منذ قدوم انريكي لباريس
واللي ظهر بوضوح في اخر يورو وزاد اكتر الموسم الحالى!
الدور اللي بيعمله في وسط ملعب باريس في الممر الداخلي الايسر كلاعب
Box to box بيعمل ربط بين الخطوط وبيعزز من تحميل اللعب في جبهته
الدور اللي يحسسك انه في الهجوم موجود وبيتحرك في اماكن مؤثرة
وبيصنع فرص وبيعطي الفرص لزملائه لاتخاذ مواقف افضل
وهو الدور اللي في الجانب الدفاعي بيحسسك انه حاضر بشكل ضخم
ومحافظ على حماية مساحته وحاضر بقوة في ثنائياته
رويز ميقلش قيمة واهمية عن نيڤيز وڤيتينها في وسط ملعب باريس
والدور اللي بيقوم بيه لا غنى عنه!
ديزيري دويه حريف مهاري ملاعبي شوارعي baller
تعريف لفظ الـballer بالانجليزية او الـشوارعي بالمصرية او الـملاعبي بالتونسية
الموهبة والمهارة الفردية هي اسمى انواع التفوق في لعبتنا
وكل ما زاد الملاعبية زادت الحلول وتوسعت الافاق
ديزيري دويه حريف مهاري ملاعبي شوارعي baller ..
تنطبق عليه كل الصفات اللي بتنطبق على اي شخص بيداعب الكورة
لدرجة انها تخضع له وتتذلل تحت اقدامه الولد موهوب لدرجة كبيره ..
بيراوغ اتخن تخين وبيعدي اي حد
ومش بطريقة عادي لا بطريقة مهينة وبدون معاناة .
في ناس بتراوغ بتحسسك انها بتعدي بصعوبة
لا الولد ده بيحسسك ان اللي داخل عليه شفاف اصلاً !
جهزوا نفسكم لان فرنسا بقا عندها نيمار خاص بيها .
يعني لم تكتفى بكل من امبابي وديمبلي وكولو مواني
ولا تكتفى بكل من زي ماركوس تورام ولا حريفة زي اوليسيه وباركولا ..
لا قررنا نجيب لكم نيمار كمان
صفقة كڤارتسخيليا لباريس
دي ناس اتهمتها بإنها over quality وان باريس مش محتاجه وعنده في مكانه كده لاعب
من ساعة ما وصل باريس ساهم في 9 اهداف في 22 مباراة ..
جناح زي ما قال الكتاب وصفقة في الجون حرفياً
مفيش قرار واحد غلط ومفيش مشهد واحد له مش بيظهر فيه الا لو كان خطير!
لاعب فاتن للغاية !
باريس من اكتر الفرق اللي شوفتها عندها قابلية وقدرة على صناعة الفرص في دوري ابطال اوروبا
ليه ؟ بعيد عن الحديث المتكرر عن جودة هجوم الفريق وتميز وتقنية
وسط الفريق وسرعات وهطورة اظهرته
الا ان في مميزات تيكتيكية بيقدمها لويس انريكي مع الفريق
ده تكمن في التناغم والتبادل المركزي المستمر بين ثلاثي الهجوم
تناغم وتبادل يخلخل اي دفاع ويصنع احتمالات لانهائية في كل تدفقات الفريق بالكرة
زيادة على هذا هو تنوع خط الوسط ما بين لاعب الـbox to box
وهو فابيان رويز اللي بيقدم الاضافة في الطرف الايسر رفقة الجناح
وفيتينها اللاعب الريجيستا المتميز كـdeep lying playmaker بجانب چواو نيڤيز
ومطارداته المتميزة للكرة وافتكاكه بجانب تقنيته المميزة بها
الادوار المتبادلة كذلك للظهيرين .. حكيمي بأدوار هجومية صريحة يساعده ميل ماركينيوس
على الخط الايمن لتغطيته
اما مينديش بالرغم من كونه احياناً حطر هجومياً لحماية الطرف الايسر
وقت تقدم رويز لمساندة الجناح .
الا ان تقدماته دوماً تصنع وتسجل الاهداف
باريس فريق متنوع وخطير وبالكرة شكله مثير للعين ..
في نفس السياق باريس لديه مشكلة كبرى تكمن في الارتداد كلفته اكثر من 6 فرص محققة امام استون فيلا
يُمكن لانريكي الفوز على ارتيتا والصعود اذا استطاع احتواء تحولاته العكسية والتفوق على تكتلاته المتوقعة
نطاق الرياضه مصدركم الاول فى كل ما يخص الرياضه حول العالم