مدرب قدير ومتعلم

الوداد المغربي اه خسر من مانشيستر سيتي و يوفينتوس

و خرج رسميا من كاس العالم للانديه لكنه كسب الراجل العبقري اللي قدامك ده

و هو المدرب المغربي ” محمد امين بن هاشم “

الراجل ده قدم نموذج تكتيكي شامل و مثالي في البطولة دي بالرغم انه لسة ماسك الوداد

من شهر واحد بس و يدوب لعب معاهم اخر 3 مباريات في الدوري !

بن هاشم قبل البطولة قال ان فريقنا جه اميركا للمنافسه عشان نكرم علمنا

جمله بتبين مدي احترام الراجل ده لكل تفاصيل اللعبه !

لك ان تتخيل ان جوارديولا ذات نفسه طلع اشاد بعمله بعد المباراة

و قال ان الوداد فريق منظم جدا و المباراة مكانتش سهله علينا ابدا

و اتفاجئنا بتكتيك مختلف تماما منهم !

الوداد مطلعش خسران من كاس العالم للانديه لانهم كسبوا مدرب متعلم و قدير

هيقدر يحطهم علي القمة مرة اخري اسمه ” محمد امين بن هاشم “

الوداد كان ممكن يتعادل مع السيتي عادي و يكسب كمان لولا اضاعه الفرص

في الهجمات المرتده

هويسين اهم صفقه عملها ريال مدريد

See more

بس في الطبيعي انه يخسر عادي من السيتي و يوفينتوس بسبب

اولا فرق جوده اللاعبين ، يلديز النهاردة هو اللي مكسب اليوفي بدراعه حرفيا

و ثانيا بسبب فرق الرتم ، الوداد كان عنده افكار لكن كان ناقصه رتم سريع

لكن للاسف هي دي حدود قاره افريقيا في الرتم عموما و الاسباب كتير

انما تكتيكيا ، بن هاشم مدرب مميز جدا و مهتم بكل مراحل اللعب

حتي السنتره و رميات التماس كان فيهم افكار و الهدف اللي سجلوا الوداد النهاردة كان من فكره في رميه التماس

موقع نطاق الرياضة -احنا هنا مش بنحلل نتيجه لكن بنحلل اداء

و الاداء اللي قدموا بن هاشم امام السيتي و يوفينتوس تكتيكيا

و في الوقت القصير ده يعتبر ممتاز جدا

sportnews.it.com