قانون التسلل الجديد اللي اخترعه ارسين فينجر

قانون التسلل الجديد اللي اخترعه ارسين فينجر

رسميا قانون التسلل الجديد اللي اخترعه ارسين فينجر اتطبق رسمي في الدوري الكندي و الدنيا مقلوبه هناك علي الاخر !

الصورة اللي قدامك دي من مباراة نادي فورجي و نادي اتليتكو اوتاوا اللي اتلعبت يوم السبت الماضي في افتتاحيه الدوري ، اللعبه دي متحسبتش تسلل لان القانون الجديد بيقول ان التسلل يتحسب بس لما المهاجم يتجاوز اخر مدافع بكل جسمه !

القانون ده لو اتطبق في كل الدوريات هيقلب موازين الكورة كلها ، اللي كان بيلعب ضغط عالي و بدفاع متقدم ممكن يجيب ورا و يغير طريقه اللعب ، وقتها المباريات هتقلب تكتلات و مساحات ضيقه و ممكن جدا المتعه تقل !

في الكرات الثابته مثلا ممكن متشوفش الدفاع العالي اللي قدامك ده و الفريق يتراجع لحد المرمي و ده اللي حصل في مباراة باكيفيك و كافلاري ، وقتها هيبقي سهل اوي علي الفريق اللي بيهاجم يحط لعيبه خارج منطقه الجزاء و يبقي معاهم مساحه كافيه للتسديد !

المدرب اللي هيبقي جرئ و يكمل بدفاع متقدم و مصيده تسلل وقتها القانون ده هيبقي امتع حاجة حصلت في الكورة و المدرب ده مش بعيد يكون هانز فليك ،

اما بقي المدرب اللي هيجيب ورا فالقانون ده وقتها هيبقي اسوا حاجة حصلت في الكورة !