على معلول فنيا اثبت كفاءته و بجداره
من يومين بالظبط ، علي معلول لبس البدله و اتشيك عشان يظهر في فيديو تقديم زميله
” حمزه المثلوثي ” كلاعب جديد في صفوف الصفاقسي التونسي !
جمهور الاهلي اول ما شاف معلول في الفيديو فرح بشكل مش طبيعي ، وقتها سألت نفسي ،
هو ليه كل الناس بتحب علي معلول اوي كدة لدرجة ان لحد النهاردة لسة زعلانين علي رحيله من الاهلي ، لقيت نفسي بحط اجابات كتير للسؤال ده !
عشان فنيا اثبت كفاءته و بجداره ، لاعب ساهم باكتر من 130 هدف و هو مدافع ، و في كل مراحل اللعب كان عنده حلول ذكيه ، مش مجرد ظهير ايسر ، ده كان ب 3 لعيبه مرة واحده ، ظهير و جناح و لاعب وسط !
عشان سلوكيا اثبت كفاءته و بجداره ، في خلال 9 سنين معملش اي مشكله ، مثال مبهر ل اللاعب الملتزم ، محترم مع زمايله و مع منافسيه كمان ، اجبر كل الجماهير علي احترامه !
عشان دايما كان منتمي للنادي الاهلي و مش عايز غيره ، رفض كل عروض الخليج اللي كانت فلوسها اضعاف الاهلي ، كان عنده هدف واحد بس ، انه يعتزل في الاهلي !
و اخيرا ، كان موجود و مؤثر و حاسم و بيجيب اخر مجهوده في كل اللحظات الصعبه اللي عدت علي الاهلي و مبيقبلش يخرج خسران ابدا !
الكوكتيل ده مجتمعش غير في علي معلول في الجيل الحالي ، محترف من المستحيل تشوف زيه مرة تاني لانه نموذج مثالي في كل شئ عشان كدة الكل بيحبه و الكل زعلان علي رحيله ، اسطوره الجيل من الاخر
ده غير شوية ارقام فرديه مبهره زي انه اكتر مدافع سجل اهداف في تاريخ الاهلي و كمان اكتر مدافع ساهم باهداف في موسم واحد في تاريخ الدوري المصري ، تاريخ
لاعبين فقط مع الأهلي منذ بداية 2020 قدروا يساهموا في أكثر من 100 هدف
- علي معلول 138 مساهمه ” سجل 53 هدف وصنع 85 أسيست ” في 295 مباراه ✅
- حسين الشحات 117 مساهمه ” سجل 64 هدف وصنع 53 أسيست ” في 276 مباراه ✅
مقارنه بين افضل ظهيرين فى الاهلى طوال التاريخ
- أحمد فتحي مع الأهلي صنع 68 أسيست في 364 مباراه ” ثالث أكثر لاعب صناعه للأهداف في تاريخ الأهلي ” ✅
- علي معلول مع الأهلي صنع 85 أسيست في 295 مباراه ” أكثر لاعب صناعه للأهداف في تاريخ الأهلي ” ✅
- محمود الخطيب هو أكثر لاعب تسجيلاً للأهداف في تاريخ الأهلي برصيد 159 هدف في 275 مباراه ✅
- علي معلول هو أكثر لاعب صناعه للأهداف في تاريخ الأهلي برصيد 85 أسيست في 295 مباراه ✅
أكثر اللاعبين صناعة للأهداف في تاريخ الاهلي :
- علي معلول ” 85 أسيست ” في 295 مباراه
- مصطفى عبده ” +80 أسيست ” في 310 مباراة
- أحمد فتحي ” 68 أسيست ” في 364 مباراه
- عبد الله السعيد ” 62 أسيست ” في 242 مباراه
- حسين الشحات ” 53 أسيست ” في 277 مباراه
- محمد مجدي أفشة ” 52 أسيست ” في 274 مباراه
- جلبيرتو ” 50 أسيست ” في 218 مباراه
- محمد أبو تريكة ” 50 أسيست ” في 287 مباراه
- وليد سليمان ” 40 أسيست ” في 313 مباراه
- محمد بركات ” 39 أسيست ” في 242 مباراه
على معلول فنيا اثبت كفاءته و بجداره
sportnews.it.com
-
فنيا اثبت كفاءته و بجداره على معلول
فنيا اثبت كفاءته و بجداره على معلول
اترك تعليقاً إلغاء الرد