فرانك لامبارد صعد رسميا بنادي كوفينتري سيتي الي البريميرليج

اللي عملوا فرانك لامبارد النهاردة ده انجاز عظيم و تاريخي بالمعني الحرفي !

فرانك لامبارد صعد النهاردة رسميا بنادي كوفينتري سيتي الي البريميرليج لاول مرة من 25 سنة كامله ، مش بس صعد ده كمان متصدر الدوري و علي وشك الفوز به !

اللي حصل في مسيره لامبارد كمدرب ده تحول جذري حرفيا ، الراجل ده كان بيدرب تشيلسي و في اول موسم صعدهم الي دوري ابطال اوروبا و بعدها اقالوه ، بعدها درب ايفرتون و انقذهم من الهبوط و برضه اقالوه ، تخيل عمل ايه ؟

لامبارد بعد الاقالتين دول قرر ميدربش اي فريق لمدة سنة و نصف لانه قرر يشتغل علي نفسه ، راح عمل زيارتين ، واحده ل بيب جوارديولا ، و التاني ل توماس فرانك ، و بدأ يتعلم منهم و يكتشف تدريباتهم و تفاعلاتهم مع لاعبيهم في التدريب !

^{_{عشان بعدها يدرب كوفينتري سيتي اللي كان مهلهل في المركز ال 17 في التشامبيونتشيب و من تاني موسم هيمن علي الدوري كله عشان النهاردة يصعد بيهم الي البريميرليج ،}}

فرانك لامبارد اسطوره بكل ما تحمله الكلمة من معني

في خبرين نزلتهم امبارح الصحافه الاسبانيه هيبسطوا كل مشجعين برشلونة !

الخبر الاول هو ان اداره برشلونة اتفقت شفهيا مع هانز فليك علي تجديد عقده لحد 2028 و تخيل ان فليك مش شايف ان ده وقت التوقيع علي عقد جديد لانه لسة عايز يثبت انه يستحق التجديد ده ، شوف احترام الراجل يعني !

الخبر التاني بقي ان اداره برشلونة اتفقت علي كل الشروط الشخصيه مع باستوني و مش فاضل غير الاتفاق مع انتر اللي عايز يبيع باستوني ب 70 مليون يورو لكن برشلونة بيحاول يدخل هيكتور فورت في الصفقه عشان يقلل قيمتها !

لو هنتكلم عن الخبر الاول فهو طبعا ممتاز لان مفيش افضل من الاستقرار اولا ، و ثانيا فليك اه مدرب مغامر جدا بس الناس بتنسي ان المغامره دي زي ما خسرته مباريات ف برضه كسبته ، يكفي بس انه كسب 4 بطولات و الخامسه جايه في الطريق و هو مش مصروف عليه اصلا زي باقي الفرق الكبيره !

اما بقي الخبر التاني فلو برشلونة قدر يحسم صفقه باستوني مع مهاجم صريح و جناح ايسر زي دياموندي او نوسا او حتي رجوع فيرجيلي

الكره الاسيويه مع صفقه ظهير ايمن ، فالعمق ده مع زياده الجوده هيضمن لبرشلونة الهيمنه محليا و منافسه اكبر اوروبيا

sportnews.it.com