عبث لجنه التخطيط في الاهلي
الصورة دي هي اللي بتثبت عبث لجنه التخطيط في الاهلي !
الاهلي كان عنده مهاجم ساهم ب 46 هدف في 58 مباراة
والاهلي كان عنده مهاجم سجل 6 اهداف من فاولات
الاهلي كان عنده مهاجم كان هداف دوري من نص موسم
الاهلي بقي باع المهاجم ده و معوضوش بمهاجم بنفس الامكانيات و راح رجع محمد شريف اللي كان قاعد دكه في السعوديه
و كمان 4 شهور هيكمل 30 سنة و هو ده التعويض اللي عملوا !
مش بس كدة ، ده محمد شريف كمان اخد رقم 10 و بيلعب اساسي علي مهاجم اجنبي ، شوفت دلع و طبطبه و عبث اكتر من كدة ؟
عشان نشوف المنظر ده في النهايه ، محمد شريف بيضيع انفراد امام حرس الحدود باغرب طريقه ممكنه
و في 7 مباريات بدأ منهم 5 مباريات سجل هدف واحد فقط !
محدش ييجي يسأل بقي الاهلي مستواه وقع ليه
لان الاهلي مخططش اصلا للموسم الجديد ، بكل بساطه
ارقام جراديشار مع الاهلى
جراديشار بروفايل مهاجم مميز،لاعب بيشارك في مراحل اللعب بشكل ممتاز،والاهلي حتي الآن مش قادر يستفاد منه بشكل كامل
ولا قادر يستغل إمكانياته بشكل مناسب …
جراديشار لاعب منظومة،بيتاثر بشكل كبير بالشكل الجماعي للفريق،لو في منظومة لعب جماعيه قوية هيظهر بشكل قوي
ولو والمنظومة دي حصل فيها خلخله هو أول لاعب هيتاثر
عاوز اقولك أن بالمناسبة ال فرق الكبيره ال زي الاهلي المفترض أنها بتقضي 95% من وقتها في حيازة الكره طبيعي
ومن المفترض أنها تمتلك لاعب بمواصفات جراديشار لازم تكون بتمتلك مهاجم عنده قدره كبيره علي التواصل بين خطوط الفريق
وينفذ عمليات الربط وينزل يشارك ويستلم الكره من مناطق مختلفه
انت مش مطالب انك تمتلك لاعب runner بس لا انت عاوز مهاجم يقدر يعمل Link up ويخلق مساحات
ويساعد الفريق في الحيازه علي الكره، وجراديشار بيقدر يعمل ده بشكل ممتاز
لكن للاسف حتي الآن مافيش مدرب قادر يستغل النقط دي في اللاعب …
اعتقد لو الاهلي قدر يتعاقد مع مدرب بيميل للحيازه عن اللعب المباشر جراديشار هيقدم نسخه مختلفه وافضل من النسخه الحاليه للاعب
نيتس جراديشار منذ انضمامه للأهلي لعب 21 مباراه في الدوري
” 10 مباريات فقط كأساسي “
= ساهم في 12 هدف ” سجل 7 أهداف وصنع 5 أسيست “
ارقام الاهلى مع المدرب عماد النحاس
مش عارف الاهلي ازاي واي الأسباب ال تخليه يأجل ملف المدرب لحد دلوقتي،وقت كبير جدا اخده الفريق في توفير بديل لريبيرو
واضح أن الإدارة اخدت قرار بدون دراسه ولا تقدير للموقف لان مفترض أن قبل ما تاخد القرار انك تكون مجهز هتعمل اي بعد كده …
الاهلي سئ جدا فنيا لا هو مش سئ هو مبيقدمش حاجه اصلا نقدر من خلالها نقول الفريق حلو ولا
فى حالة من العشوائية بتتوغل داخل الفريق بشكل كبير،انهيار كل الأفكار الفنيه الموجوده عند اللاعبين سواء في حالة الحيازه أو بدونها
الفريق مفكك وكل خط بيلعب في مساحه لوحده وكل لاعب بيلعب بشكل ارتجالي ” واللى بيعرف يعمل حاجه يعملها
” وكل ما الوقت بيزيد الموضوع هيكون اصعب علي المدرب القادم
كل يوم بيتاخر فيه الاهلي عن إعلان اسم المدرب الجديد ده نقطة سلبيه في مستوي الفريق
لان مفترض أن المدرب القادم يبني من عند نقطة معينه لكن بالشكل ده هو مش هتلاقي طوبة واحده يبني عليها أساس شغله
فهياخد وقت كبير جدا علشان يبني اسلوب لعبه.
- الاهلي في أول 3 مباريات مع عماد النحاس في ولايته الأولى = فاز فيهم جميعاً + الأهلي سجل 12 هدف + إستقبل 4 أهداف
- الاهلي في أول 3 مباريات مع عماد النحاس في ولايته الثانية = فاز في مبارتين + إتعادل في مباراة + للأهلي سجل 5 أهداف + إستقبل 3 أهداف
الأهلي تحت قياده عماد النحاس وصل للفوز الثامن من أصل 9 مباريات
تريزيجيه وصل للهدف رقم 89 في مسيرته مع الأندية
- الأهلي ” 11 هدف “
- موسكرون البلجيكي ” 7 أهداف “
- قاسم باشا التركي ” 25 هدف “
- أستون ڤيلا الإنجليزي ” 9 أهداف “
- باشاك شهير التركي ” 6 أهداف “
- طرابزون سبور التركي ” 25 هدف “
- الريان القطري ” 6 أهداف “
ارقام اللاعب اشرف بن شرقى
أسيست أشرف بن شرقي أمام سيراميكا هو الاسيست الخامس له منذ إنضمامه للأهلي
- أمام البنك الاهلي في دوري الموسم الماضي
- أمام فاركو في دوري الموسم الماضي
- أمام بورتو في كأس العالم للأندية
- أمام فاركو في دوري الموسم الحالي
- أمام سيراميكا كليوباترا في دوري الموسم الحالي
أشرف بن شرقي سجل 102 في مسيرته مع الأندية - مع المغرب الفاسي ” 13 هدف “
- مع الوداد المغربي ” 9 أهداف “
- مع الهلال السعودي ” 3 أهداف “
- مع لانس الفرنسي ” 4 أهداف “
- مع الزمالك ” 43 هدف “
- مع الجزيرة الإماراتي ” 9 أهداف “
- مع الريان القطري ” 18 هدف “
- مع الأهلي ” 3 أهداف “
بقي ده يقعد دكه !
بقي احرف لاعب في الاهلي يقعد دكه !
الاهلي حرفيا مكنش شايف قدامه هجوميا امام حرس الحدود النهاردة ، الاهلي كان صفر من الاخر !
لحد ما نزل الحريف ده و نظم الهجمه المثاليه اللي قدامك دي ب تغيير اتجاه اللعب و تمريره خلفيه سحبت ضغط 4 لاعبين من الحرس
و صنعت المساحه خلفهم و بسببها الاهلي سجل هدف الفوز !
اشرف بن شرقي هو احرف لاعب و اكتر لاعب بيفهم كورة في الاهلي و مينفعش يقعد دكه لاي لاعب من الاخرالكره الافريقية
sportnews.it.com
-
عبث لجنه التخطيط في الاهلي
عبث لجنه التخطيط في الاهلي
اترك تعليقاً إلغاء الرد