صحيفه موندو ديبورتيفو

نزلت امس تقرير عن الامور التى غيرها هانز فليك مع برشلونة خارج الملعب

و بسببها حصل انعكاس ايجابي لاداء الفريق داخل الملعب 👇

صحيفه موندو شاورت علي جزئيه مهمة جدا في شخصية فليك

و هو انه نجح انه يقدم صورة متناقضه من نفسه !

فليك مدرب ودود جدا مع اللاعبين

بيعرف يصاحب و يسامح علي الغلط ، لكنه شديد المطالبه

يعني اللاعب الذى يتاخر هيتم استبعاده من تشكيله المباراة !

الشئ الثانى الذى فعله فليك كانت مؤثرة جدا هو تجميع الشمل

تغيير المعني من فريق الي عائلة متحده ، فاصر ان طباخ الفريق اللي توقف عن العمل بسبب تغيير شركه الطعام انه يرجع تاني و يبقي جزء من الفريق !

الشئ الثالث الذى فعله فليك هي انه اشرف بنفسه علي الطعام المقدم للفريق

فليك اصر ان البيض اللي يقدم هو العضوي لانه صحي

اكتر بدلا من البيض الذي يأتي من دجاج يتم تربيته في اقفاص.

بيدري في تصريح بالامس

هانز فليك هو أب لنا جميعا ، يحاول دائما ان يهتم بنا و يدعمنا حتي لو جلست بديلا

و لم تلعب ، يقف دائما بجانبنا عندما نمر بوقت سئ

انظر الى هذا ايضا فليك اليوم زود توقيت محاضره الفيديو الخاصه بمباراة انتر

بكرة بسبب تعليمات كتير خاصه لدي يونج و بيدري

و طبعا ده بسبب اللي حدث في الشوط التاني امام ريال مدريد

اللي وسط ملعب برشلونة مقدرش يواكب و يستحمل ضغط مدريد

مع كل غلطه او واقعه ، بتلاقي تحليل كتير في تحديد المشاكل

و وضع حلول ليها عشان المباريات القادمه

ازاي تحمي مشروعك ؟

اشتغل على استمراريته ووصل لمدربك الاحساس بالامان

وإنك مؤمن بشغله ومردوده

برشلونة من يناير وهو عاوز يجدد لفليك لمدة سنتين على الاقل وكان وافق على سنة واحدة وبعدها وافق انهاردة على سنتين

وما بين الفترتين دول كل اراء ادارة برشلونة عن فليك ايجابية

وكلها تمنيات بإستمراره

الايمان التام في برشلونة بشغل فليك هيعطيه في المقابل احساس بالعمل

دون ضغوط وهيقدر يمارس صلاحياته بشكل اقوى

فليك دلوقتي هو افضل مدرب في الموسم ..

وعامل افضل فريق في الموسم .. لابورتا لو عاوز ده يستمر

يبقى لازم يحقق له بيئة متناسبة مع متطلباته ..

وده التحدي الجديد للابورتا انه يخلق مناخ اقتصادي

يقدر من خلاله يحقق طلبات فليك ويحافظ على استمراريته

اللي عمله لابورتا في برشلونة

حقيقى من بعد قدومه لحد دلوقتي يستحق التقدير برضو ..

الراجل ده مستلم نادي بينهار مالياً وفنياً .

والان الحال اختلف كثيرا ولسه هيختلف اكتر

لامين يامال اتسأل النهاردة في المؤتمر الصحفي قبل مباراة انتر عن الضغط

و كيفيه تعامله معاه

يامال بقي رد ببساطه شديده و قالهم انا سايب الضغط ده في بيتنا من وقت طويل

انا مبحسش بأي ضغوطات ، انا بستمتع بكل اللحظات و بتكيف معاها !

و هنا السؤال ، لما لاعب عنده 17 سنة يقول انا سايب الضغط من وقت طويل

انت عشت و شوفت قد ايه في حياتك عشان تقول من وقت طويل ، فين المنطق طيب !

بس برضه هنرجع نقول ان اللي بيعملوا يامال ده سلوكيات مرحله المراهقه

يعني هتلاقيه بيحب نفسه اوي ودا شئ طبيعى جدا

هتلاقيه مندفع دايما ، هتلاقيه عنيد و بيحاول يثبت ذاته و يبقي مستقل بنفسه

بس قصاد كدة هتلاقيه مبيخافش من مظهره قدام الناس

هتلاقيه معندوش تذبذب انفعالي و رد فعله بيتكرر ، هتلاقيه مش بيخاف من الفشل

و مستمر في المحاولة ، كل دي حاجات المفروض تحصل في المراهقه بس مش ظاهره فيه

يامال عنده فرط ثقة مرعب و اللي ساعد ان ده يحصل بشكل اكبر هو البيئة المزروع فيها

و حالة النجاح اللي حاصلة في برشلونة و منتخب اسبانيا في الوقت الحالي

موقع نطاق الرياضه – موقعكم ومصدركم الاول فى كل ما يخص الرياضه حول العالم دون ادنى شك