دى مش كوره دى كنافه بالمانجا دون أدنى شك
ارجل لاعب ف الزمالك حقيقى يا بخت الزمالك بيك يا شحاته.
*تدوير الكرة و صعودها للتلت الاخير
*صلابه في الضغط العكسي و استعاده الكرة
*الفوز بالالتحامات الارضيه
مقاومة الضغط Pressure Resistance
هي واحدة من اهم المميزات اللي مفروض تكون موجودة في اي لاعب وسط استثنائي
وهي انه يكون قادر على مقاومة اي محاولات للضغط الاستباقي او الجماعي
من المنافس من خلال التحكم بالكرة بشكل جيد.
وكمان بجانب الدورانات Body Turns والركض التقدمي بالكرة Progre Ball Carrying ..
كل ما تم ذكره هي مهارات تقنية تميز اللاعب العادي عن الاستثنائي
عشان كده محمد شحاته لما نحطه في خانة الصفقات الناجحة مبيكونش مبالغة ..
ولما نقول انه لاعب امكانياته ضخمة وشخصيته قوية
ومش بيخاف يقاوم ضغط ويحتفظ بالكرة ويعمل دوراناته بيها ..
فدي مش مبالغات في حقه.
شحاته قدم مباراة ضخمة انهاردة تجعله بلا شك نجمها الابرز والاول
ودا بسبب قدرته المتميزة في حفاظه على الكرة في اكتر من مناسبة
في كل مرة قدر يعمل فيها حيازة مقاومة للضغط بالكرة.
قدر بسببها ينقل الكورة للثلث الامامي في مواقف مميزة وبتمريرات مؤثرة للغاية.
واحدة من افضل صفقات المجلس الحالي ..
موهبة لازم تحافظ عليها واتمنى يستثمر في نفسه ويطور نفسه تقنياً اكتر
لان شحاتة قادر بدون مبالغة يوصل لمستويات اعلى من دي كمان ..
مباراة عظيمة♥️👏🏻👏🏻.
فرق شاسع بين شحاته ودونجا في القرارت،
تفوق كبير لشحاته في أغلب الامور لو جينا نحط نفس الموقف لكل لاعب
ونشوف ازاي هتصرف هيبان الفرق …
و لكن في نقطة مهمه اوي ظهرت مع شحات في المباراة
وهو عمليات ال ball carrier أو حمل الكره ال بيقدر يقدمها اللاعب
وال من خلالها بيقدر الفريق يكسب من خلالها مساحات في ملعب الخصم
من الاخر شحاته قدمها بشكل ممتاز جدا ..
في نفس الوقت لو جينا تشوف تصرف دونجا هتلاقي أن هو مش هيفكر يعمل ركض بالكره
هو هيوقف ويمرر بشكل عرضي أو للخلف ويبطئ اللعب.
ودي نوعيه سيئه جدا في نظام لعب بيبحث عن اللعب المباشر زي اسلوب بيسيرو ..
شحاته كمان اشرس في عمليات الضغط وعدواني جدا في الثنائيات
وعمليات الركض دونجا لعبه تقليدي جدا ورد فعله بطئ مع المتغيرات
عاوز دايما يلعب من الثبات وده شئ كارثي للاعب وسط
و اعتقد أن بيسيرو مش محتاج تواجد الاتنين في نفس الوقت في الملعب
شحاته لوحده كافي ويكون بجوار لاعب قادر علي خلق فرص
وتحكم في الرتم اكتر …
افضل لاعب في الزمالك في المباريات الاخيرة هو محمد شحاته
تطور كبير ونضج اكبر عن الفترة السابقة من خلال قراراته بالمرة وتحسن سلوكه الاستكشافي
وده ساعد في تزايد وعيه بمسارات اللعب
الاهم عندي هو ان شحاتة بقا مختلف في قراراته بدون كرة
من خلال انه بيهتم اكتر بمرجعيّاته .. امتى اضغط وامتى احافظ على المساحة
كمان تزايدت معدلات التمرير العمودي ..
شحاتة تجرأ اكتر وبقا بيحاول يجرب ودي اكتر حاجة بتعجبني فيه في شخصيته
المميز في كل ده ان شحاته بينجح دون وجود نمط لعب في الزمالك ..
هو بينضج فقط لان على الاقل في انتشار كويس للمجموعة
بس لو في كمان انماط ؟ شحاته هيطير لمستوى مختلف اكتر ..
نصيحتي يكمل ويهتم بنفسه اكتر الفترة الجاية ويشتغل على نفسه اكتر
افضل لاعب فى نادى الزمالك الفترة الأخيرة دون أدنى شك
دى مش كوره دى كنافه بالمانجا دون أدنى شك يابخت الزمالك بيك يا شحاته