سيباستيان ديسابر مدرب مشروع كبير

هاردلك للعبقري سيباستيان ديسابر

قدم مباراة كبيرة جدًا أمام منتخب إنجلترا. كتر خيره علي فارق الإمكانيات والجودة بينه وبينهم ضخم، وكتر خيره إنه فضل منافس ومتماسك بالشكل ده لحد النهاية.

لولا الفروقات الفردية وجودة اللاعبين، كان السيناريو ممكن يبقى مختلف مين يتوقع من الأساس إن منتخب إفريقي عدد المحترفين مش كتير ويبقي متقدم علي إنجلترا اللي بتمتلك إمكانيات جبارة ويخرج متقدم كمان في أول شوط.

معلش يعني هاري كين كان منظومة لوحده كتر خير ليونيل مباسي حارس المرمى هوا كمان ، والحالة البدنية كمان خانت الكونغو في الدقائق الأخيرة بعد مجهود كبير جدًا طوال المباراة.

في كل الأحوال، سيباستيان ديسابر مدرب مشروع كبير وشاطر جدًا في التحضير للمباريات، ومدرب يتقارن مع مدربين أوروبا عادي بل يتفوق علي معظمهم تكتيكيًا بدون مبالغة.

أفضل من أسماء زي مارتينيز مدرب البرتغال بس في النهاية أرزاق الكره الاسيويه

هاردلك للعبقري سيباستيان ديسابر

هارى كين أشمل وافخم مهاجم ف العالم دون أدنى شك

الفكرة ليست في امكانيات هاري كين و الكلام علي امكانيات هاري في الوقت الحالي لان اصلا الكلام ده اتقال من سنوات كتير و انه كان محتاج فريق من التوب علشان المسيرة كانت تكون افضل علي مستوي البطولات .

الفكرة ان هاري كين مهاجم شامل لاعب مهم اثناء الحيازه و خارج الحيازه مهاجم مهم داخل الصندوق و خارج الصندوق و الذكاء في التحرك بدون كورة و الانهاء المرعب علي المرمي هاري كين مهاجم شامل يعني مهاجم متكامل في الملعب ..

sportnews.it.com