هدف من مكان صعب جدا للظهير المثالي

ريس جيمس سجل الفاول اللي قدامك ده من المنطقه دي بفرق المسافة الكبير ده في مباراة تشيلسي و بنفيكا

في كاس العالم للانديه مع ان حسب المتوقع الفاول ده فرصته يتحول الي هدف هو 4% فقط !

اهو ريس جيمس ده الظهير المثالي لاي فريق في العالم ، بيعرف يلعب ظهير ايمن و ظهير ايسر و وينج باك و قلب دفاع تالت و محور وسط !

مش بس كدة ده كمان بيعرف يسجل اهداف و يصنع اهداف و عنده مدي تمرير ممتاز و بيعرف يلعب كرات ثابته و يسجل و يصنع منها

تخيل بس انه سجل 3 اهداف في 2025 منهم هدفين من كرات ثابته !

مش بس كدة برضه ، تصرفاته الدفاعيه فوق الممتازه ، قوي في التدخلات

و اعتراض مسار التمرير و بيتفوق في مواقف ال 1vs1 ، توتال باكيدج من الصعب تلاقيه في ظهير تاني !

ريس جيمس لولا الاصابات المستمره كان زمانه

عامل مسيره عظيمه لانه اشمل ظهير ممكن تشوفوا عينك حرفيا

بشوف جيمس لعيب ذكي جدا كمان بخلاف شموليته علي الكرة

مش بس عنده جودة تنفيذ قرار ممتازه علي المستوي التقني

لكن كمان هو بيقرا مشاهد و سياقات كتير صح و بيتعامل معاها بذكاء

توقيتات قراراته اغلبها مثاليه جيمس لو استمر بدون اصابات

هيبقي نقطه قوه غير طبيعيه لتشيلسي في المواسم الجايه دون أدنى شك

sportnews.it.com