ريان شرقي هو واحد من اعظم الصفقات اللي عملها مانشيستر سيتي حرفيا
انا في سؤال محيرني بجد ، هو ازاي مانشيستر سيتي اشتري ريان شرقي ب 36 مليون يورو فقط ، دي اكبر حيره في كرة القدم حاليا !
الراجل الفخم ده هو السبب الرئيسي في فوز مانشيستر سيتي النهاردة علي تشيلسي ، في ظرف 6 دقائق بالظبط عمل اسيستين من الخيال ، الاول من عرضيه مقوسه علي الثابت ب لمسه شوارع انيقه !
اما التاني بقي فدي قصة مرعبه ، لعب الركنيه من الشمال ، استلم من العمق تاني ، راوغ اتنين لعيبه بعرض الملعب كإنه بيتمخطر علي كورنيش ، و من الوضع المعقد ده كسر ضغط 3 لعيبه ب لمسه سحريه و صنع انفراد ل جيهي اللي بيسجل الهدف التاني ، تخيل ده ب 36 مليون فقط !
مش بس كدة ، ده كمان ريان شرقي بدأ 15 مباراة فقط في البريميرليج و ساهم ب 13 هدف ، و قدر يساهم ب 25 هدف مع السيتي في اول موسم ، كمان هو تاني اكتر لاعب في البريميرليج صنع اهداف و فرص محققه تحت برونو اللي بدأ 13 مباراة زياده كاساسي !
تخيل لاعب صانع العاب و بيتحكم في الرتم و بيصنع فرص من العرضيات و البينيات و بيبدع بكلتا قدميه و ب 36 مليون يورو فقط ،
ريان شرقي هو واحد من اعظم الصفقات اللي عملها مانشيستر سيتي حرفيا
لا بس موضوع توظيف جوارديولا ل اورايلي ده عظيم و مش واخد حقه حرفيا !
جوارديولا هو ملك الاختراعات في اللعبه دي ، هو اللي وظف ووكر و كانسيلو و زينشينكو كاظهره في العمق عشان يستفيد بلاعب زياده في تطوير الهجمه من العمق و عشان يحجم الهجمات المرتده للمنافس بدفاع وقائي متين !
و هو نفسه جوارديولا اللي نقل ستونز من خط الدفاع الي محور علي الدائره بجانب رودري لانه في الاكاديميه بدأ كلاعب وسط و بيقدر يلعب و ضهره للمنافس و بسبب الحركه دي كسب دوري ابطال اوروبا !
و هو نفسه جوارديولا النهاردة اللي نقل اورايلي من الظهير الايسر الي وسط الملعب كمحور ايسر بين الخطوط و الي مهاجم تاني بجانب هالاند عشان اورايلي يسجل هدف امام تشيلسي و يصنع هدف امام ليفربول و يسجل هدفين في نهائي كاس الرابطه و يساهم ب 14 هدف في الموسم و بسبب الحركه دي كسب كاس الرابطه !
جوارديولا اللي قالوا عليه انتهي لسة بيصنع اختراعات مبهره و كسب ارسنال و ليفربول و تشيلسي علي التوالي و كسب كاس الرابطه و لسة عنده فرصه يخلص الموسم ب 3 بطولات ،
النهاردة في مباراة مانشيستر سيتي و تشيلسي في الدوري الانجليزي حصل المشهد اللي قدامك ده اللي وارد يكون المشهد الايقوني الاول للدوري السنة دي !
اللي حصل بالظبط ان دوكو سجل الهدف التالت لمانشيستر سيتي و خلص المباراة عشان يحتفل المشجع اللي قدامك ده و هو بيشرب من ازازه عليها شعار ارسنال !
اغلب الناس شافت اللقطه دي علي اساس انها فكاهة ، لكن اللقطه دي وراها تفصيله مهمه و هي ان مشجع مانشيستر سيتي هو اكتر مشجع رايق و عنده ثقه في انجلترا !
لان مشجع السيتي عاش السيناريو ده مرتين قبل كدة ، ارسنال يتصدر و في اخر شهرين السيتي يعمل ريمونتادا و يكسب الدوري ف تمام هنعرف نعملها تالت و رابع مهما كان فارق النقاط ف انا بحتفل بالمكسب قبل ما ييجي و انا لسة مش متصدر ، عكس مشجع ارسنال اللي ذاكرته و تجاربها كلها مؤسفه ف مش قادر يستند علي حاجة تخليه يحتفل من دلوقتي !
اللقطه دي مصيرها حاجتين ، يا اما ارسنال يرد بشخصية كبيره و يكسب السيتي و يحسم الدوري فاللقطه دي تبقي نكته الموسم ،
نادى الزمالك يا اما السيتي يعمل نفس الريمونتادا للمرة التالته فتبقي واحده من اللقطات الايقونيه في تاريخ البريميرليج !
قولا واحدا ، مفيش نادي بيلعب كورة ممتعه في الدوري الانجليزي السنة دي اكتر من مانشيستر سيتي !
مانشيستر سيتي اكتسح تشيلسي النهاردة بثلاثيه نظيفه و السبب انه معاه جوده لاعبين مرعبه علي المستوي الفردي ، تشيلسي مطلعش جار جدع من الاخر !
يعني السيتي في الشوط الاول كان مخلي الرتم نايم جدا و مش عارف يفك تكتل تشيلسي غير بتحركات اورايلي من الجانب الايسر لان بيرناردو بيثبت المدافع الايمن و دوكو بيشد جوستو ناحيته !
في الشوط التاني بقي جوارديولا خلي ريان شرقي يميل علي سيمينيو في اليمين و دخل اورايلي كمهاجم تاني مع هالاند و الرتم اصبح اسرع و شرقي خلص المباراة باسيستين في قمه المتعه حرفيا !
الجنان بقي ان لو مانشيستر سيتي فاز علي ارسنال الاسبوع الجاي و لو فاز في المباراة المؤجله بهدفين علي الاقل هيتصدر الدوري رسميا بفارق الاهداف ،
جوارديولا شكله هيقلب الترابيزه و هيبقي فيلم درامي بالمعني الحرفي
..من الواضح كدة ان توتنهام هيوحشنا فعلا لانه اصبح فريق مثير للشفقه حقيقي !
توتنهام خسر النهاردة من سندرلاند بهدف نظيف في اول مباراة بقياده روبيرتو دي زيربي و تخيل معايا ان توتنهام في اخر 14 مباراة في الدوري مكسبش اي مباراة لاول مرة في التاريخ ، دي مهزله بمعني الكلمه !
المهزله الاكبر بقي ان توتنهام اصبح حاليا في مراكز الهبوط لان ويست هام فاز علي وولفز و تقدم علي توتنهام بفارق نقطتين ، و كمان لسة هيلعبوا مع تشيلسي و استون فيلا خارج ملعبهم ، ده غير مباراتين مع ايفرتون و برايتون اللي بينافسوا علي مركز مؤهل للدوري الاوروبي ، يعني توتنهام ممكن يهبط فعلا من البريميرليج لاول مرة في التاريخ !
sportnews.it.com
-
ريان شرقي هو واحد من اعظم الصفقات
ريان شرقي هو واحد من اعظم الصفقات
اترك تعليقاً إلغاء الرد