رودري هو صفقه الموسم بدون شك ، هنيئا لبرشلونة

انا مشوفتش ابداع و عبقريه في تقديم لاعب قبل كدة قد اللي عملوا برشلونة في تقديم رودري دلوقتي !

فيديو التقديم كان عبارة عن بندول متحرك و شخص بيقول الكلام ده ” كل تمريرة ، كل توقف ، كل تسارع ، يبدأ باختيار ، كرة القدم ليست مجرد سرعة ، لكنها ايقاع ، ان تعرف متي تنتظر ، متي تتحرك ، لمسة واحدة قادره علي تغيير كل شئ ، البعض يتبع الايقاع ، و واحد يحافظ عليه و يضبطه “

الاعلان الرسمي كان شرح كامل لخصائص رودري ، حتي عنوان الفيديو كان ” سيد الوقت و المساحة يهبط الان الي برشلونة و نهايه الفيديو رودري ماسك الكرة و اتكتب فوقيه ” رودري يحدد الايقاع ” .. عبقريه فذه !

مش بس كدة ، ده رودري كمان اول حاجة قالها دلوقتي ان كان عنده عروض اخري لكن برشلونة كان اختياره الاول ، حتي شبكه الاتليتك بتقول دلوقتي ان قرار رودري بتغيير تفضيله من ريال مدريد الي برشلونة كان بسبب اسلوب لعب برشلونة و انه اسلوب يناسبه بشكل افضل و يشبه ما اعتاد عليه في مانشيستر سيتي و منتخب اسبانيا !

لاعب فخم ، تقديم فخم ، رودري هو صفقه الموسم بدون شك ، هنيئا لبرشلونة

ايوة صدق خلاص ، اللي قدامك ده رودري لما وصل النهاردة برشلونة و عمل لقاء مع الصحفيين كمان !

ردوري قال للصحفيين ان اللعب في برشلونة كان بالنسبة له حلم و الحلم ده اصبح حقيقه الان ، الصحفيين سألوه ايه اللي مخليك متحمس ؟

قالهم انا هنا لنسعي للفوز بدوري ابطال اوروبا و لكل شئ ، حان وقت العمل و تقديم افضل ما لدي ، بدأها بدري بدري بوعود كبيرة و بأهم لقب مستنيه جمهور برشلونة بقالهم 11 سنة متواصله !

رودري ده هيعيد هيكله ادوار لاعبي برشلونة ، هيوفر علي بيدري جهد بدني كبير و هيتحرر في التلت الاخير و يبقي صانع العاب اكتر ، هيوفر مدة استحواذ اكبر للفريق بسبب تمركزاته المثاليه تحت الكرة ، هيقدر يحط الاجنحة في مواقف فرديه علي الخط سواء يامال او كانسيلو بتمريرة قطريه واحده فقط !

رودري قالهم انا جاي عشان دوري الابطال ، هيحبوك اوي يا رودري لو قدرت تحققها فعلا

sportnews.it.com