حقيقى ديانج لاعب بروفايل خاص جدا ولديه خصائص جيده

من كام يوم كتبت مقال أن ديانج عنده مشاكل في مقاومة الضغط لما بيلعب ارتكاز رقم 6

ويكون هو المسؤول الوحيد عن الخروج بالكره وعلي الرغم أن المشكله دي واضحه لكن المقال اتقابل بهجوم كبير جدا الحقيقه .

الفكره كلها أن الناس مش قادر تتقبل انك تقول علي لاعب في فريقه أن هو عنده مشاكل ماهو ياصاحبي ديانج لو بيقدر يقاوم الضغط

وبيقدر يتدرج بالكره وبيقدر يعمل كل حاجه مش هيقعد في الدوري المصري اساسا وكان احترف من بدري

وجود عيوب في بروفايل اللاعب ده لا يعني قيمته الفنيه بشكل كامل وانك تذكر العيب لا ينفي برضو مميزات اللاعب،

ديانج مش هيكون مناسب في ال 4-3-3 اللى بيعتمد عليها الاهلي اللى بيرفع فيها ثنائي الوسط المساند لاماكن مرتفعه

في ال half space أو انصاف المساحات ويكون هو المسؤول الأول عن التدرج بالكره

لان عنده مشاكل اثناء الاستلام بضهره للملعب وده بيكون محفز لضغط الخصم بشكل كبير

وبيجبره أن هو يمرر بشكل خطأ بشكل مستمر .

بروفايل وخصائص مختلفه

لكن ديانج يكون افضل في ال 4-2-3-1 أو تحديدا في ثنائية double pivot ويكون بجواره لاعب زي بن رمضان مثلا

يقدر هو يقاوم الضغط والفريق يخرج عليه بالكره، أو في 4-3-3 بس ينزل لاعب من أمام وبن رمضان يشارك في التدرج بجوار ديانج

بحيث أن ديانج يكون بشكل مستمر في مسانده وفي خيار تمرير قريب بشكل مستمر .

هو ديانج عنده مشاكل في النقط دي في نفس الوقت هو مميز في عمليات الركض وتغطية المساحات

وكمان مميز جدا في حمل الكره بشكل عمودي أو الحمل التقدمي وهو وشه لمرمي الخصم ..

لازم تبقي عارف ان كل لاعب له بروفايل وخصائص مختلفه،

وعن طريق الخصائص دي اللاعب بيكون مناسب في طرق لعب وطرق لعب لا،بيقدر يكون مناسب لمدرب ومدرب غيره لا هي دي الكوره ياجدعان والله باختصار

لمحة عن اللاعب ديانج تاريخ ومكان الميلاد: 16 أكتوبر 1997

(العمر 27 سنة)، بامكو، مالي

الفرق الحالية: النادي الأهلي (#23)

منتخب مالي لكرة القدم

الطول: 1.85 مالوزن: 78 kg

تاريخ الانضمام: 5 يوليو 2019 (النادي الأهلي)

sportnews.it.com