حمزه ايجامان مهاجم منتخب المغرب

انا مش عارف اجيبهالك ازاي بس حمزة ايجامان مهاجم المغرب سجل دلوقتي هدف خيالي من اللعبه اللي قدامك دي امام منتخب زامبيا في تصفيات كاس العالم !

المبهر في الهدف ده ان ايجامان جسمه مش معدول اصلا و سدد و هو بيلف بجسمه و كان مضغوط عليه و الكورة راحت في الزاوية البعيده زي البلياردو بالظبط !

احنا بنتكلم عن مهاجم لسة 22 سنة و عنده شموليه و قرارات من اللا واعي غير عاديه ،

مهاجم هداف ، مهاجم حريف و بيراوغ المدافعين ، مهاجم ممتاز في الربط خارج منطقه الجزاء ،

مهاجم قوي و بيكسب ثنائيات ، تخيل النهاردة كسب 12 ثنائيه من اصل 16 ، مرعب !

ايجامان في 3 مباريات مع منتخب المغرب قدر يساهم ب 3 اهداف منهم مباراتين كان بديل

مكسب عظيم لمنتخب المغرب

حمزه ايجامان مهاجم منتخب المغرب

sportnews.it.com