جوزيه مورينيو تم تقديمه بشكل رسمي كمدرب لريال مدريد

في حالة لو متعرفش ، ف جوزيه مورينيو تم تقديمه النهاردة بشكل رسمي كمدرب لريال مدريد و اتصور الصوره المعتاده خلف بطولات دوري ابطال اوروبا !

مورينيو قال ” انها اكبر من مجرد مهمه ، انا هنا لاساعد الجميع ان يكونوا نسخ افضل ، انا اعلم ان العمل لريال مدريد هو مسئوليه و شرف ، انا مدريدستا ، انا واحد منكم ، ليس اليوم فقط ، بل منذ اليوم الاول في 2010 ، انه مثل شعور العوده الي المنزل “

مورينيو وافق علي العوده لريال مدريد حتي و هو في اسوأ حال و خارج بدون بطولات في اخر موسمين عشان يكمل الشئ الناقص في الرحلة و هو دوري ابطال اوروبا ، هو اللي رجع هيبه الريال في البطولة دي و اللي جم بعده حصدوا ده و الباقي كان تاريخ ، هو بقي جاي عشان يرفعها بنفسه !

اللي يزعل فعلا ان عوده مورينيو كان لازم يصحبها ميركاتو ضخم يغطي كل النواقص عشان يقدر فعلا يرجع الفريق للمنافسه من تاني ، صفقه زي رودري علي صفقه مدافع زي باستوني او شلوتربيك علي صفقه مهاجم شامل مع بقاء واحد من مبابي او فينيسيوس ده التوازن المطلوب ، و ما شاء الله بيريز محققش ولا حاجة منهم ل مورينيو !

مشفق فعلا علي مورينيو في الموسم ده ، هيلاقيها من الفريق الغير متوازن ده ولا هيلاقيها من استقرار و ثقة برشلونة ك بطل لمده سنتين ، ولا من كبرات البلد الحاليين زي باريس و بايرن في دوري الابطال ، الموضوع بالغ الصعوبه فعلا !

sportnews.it.com